ಪ್ರೆೃಮರಿ ವಿದ್ಯಾರ್ಥಿಗಳಿಂದ ಶಾಲೆ ಬಾಯ್‌ಕಾಟ್‌

ಪಡುಬಿದ್ರಿ : ಇಲ್ಲಿನ ತೆಂಕ ಎರ್ಮಾಳು ಜಿಲ್ಲಾ ಪಂಚಾಯತ್‌ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯ ಮಕ್ಕಳು ಶನಿವಾರದಂದು ಸ್ಟ್ರೈಕ್‌ ಮಾಡಿದ್ದರು. ಪ್ರೆೃಮರಿ ಶಾಲೆಗಳಲ್ಲಿಯೂ ಬಾಯ್‌ಕಾಟ್‌, ಡೌನ್‌ ಡೌನ್‌ ಘೋಷಣೆ ಕೇಳಿಸಿತ್ತು.

ಅಕ್ಟೋಬರ್‌ 16ರ ರಾತ್ರೋರಾತ್ರಿ ಎರ್ಮಾಳು ಶಾಲಾ ಆವರಣದ ಗೋಡೆ ಕೆಡವಿ, ಶಾಲಾ ಆವರಣದಲ್ಲಿಯೇ ರಸ್ತೆ ನಿರ್ಮಾಣ ಮಾಡಲು ಯತ್ನಿಸಲಾಗಿತ್ತು. ಈ ಘಟನೆಯನ್ನು ವಿರೋಧಿಸಿ ಶನಿವಾರ ಶಾಲೆಯಲ್ಲಿ ಪ್ರತಿಭಟನಾ ಸಭೆ ನಡೆಯಿತು. ಊರಿನ ಮಂಡಲ ಪ್ರಧಾನ ಗೋಪಾಲ ಶೆಟ್ಟಿ, ಮುಖ್ಯೋಪಾಧ್ಯಾಯಿನಿ ಜಯಂತಿ ಭಾಗವಹಿಸಿದ್ದರು. ಉಡುಪಿ ಜಿಲ್ಲಾ ಮಹಿಳಾ ಒಕ್ಕೂಟದ ಅಧ್ಯಕ್ಷೆ ಶೀಲಾ ಶೆಟ್ಟಿ ಮತ್ತಿತರ ಊರ ಗಣ್ಯರು ಭಾಗವಹಿಸಿ, ಪ್ರತಿಭಟನಾ ಸಭೆಯಲ್ಲಿ ಆವರಣವನ್ನು ಕೆಡವಿದ ದುಷ್ಕರ್ಮಿಗಳ ಕ್ರಮವನ್ನು ಖಂಡಿಸಿದರು.

ಅಂದು ಎರ್ಮಾಳು ಪರಿಸರದ ಎಲ್ಲ ಶಾ-ಲೆಗಳಿಗೆ ರಜೆ ಘೋಷಿಸಲಾಗಿತ್ತು. ಉಡುಪಿ ಜಿಲ್ಲಾ ಪಂಚಾಯತ್‌ ಕಾರ್ಯನಿರ್ವಹಣಾಧಿಕಾರಿಗಳ ಕಚೇರಿ ಮತ್ತು ಎರ್ಮಾಳು ಗ್ರಾಮ ಪಂಚಾಯತ್‌ಗೆ ಮನವಿ ಪತ್ರ ಸಲ್ಲಿಸಲಾಯಿತು.

(ಇನ್ಫೋ ವಾರ್ತೆ)