ವಿಮಾ ಕ್ಷೇತ್ರ ಪ್ರವೇ-ಶದ ಹೊ-ಸ್ತಿ-ಲ-ಲ್ಲಿ ಬ್ಯಾಂಕ್‌ ಆಫ್‌ ಬರೋಡಾ

ಬೆಂಗಳೂರು : ಬ್ಯಾಂಕ್‌ ಆಫ್‌ ಬರೋಡಾ ರಾಷ್ಟ್ರೀಕೃತ ಬ್ಯಾಂಕ್‌ ವಿಮಾ ಕ್ಷೇತ್ರ ಪ್ರವೇಶಿಸಲು ಇನ್ನೊಂದು ವಾರದಲ್ಲಿ ಆರ್‌ಬಿಐ ಯಿಂದ ಅನುಮತಿ ಪತ್ರ ಪಡೆಯಲಿದೆ ಎಂದು ಬ್ಯಾಂಕಿನ ಅಧ್ಯಕ್ಷ ಪಿ.ಎಸ್‌. ಶೆಣೈ ಹೇಳಿದ್ದಾರೆ.

ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡುತ್ತಿದ್ದ ಅವ-ರು, ಆರ್‌ ಬಿಐ ಅನುಮತಿಗಾಗಿ ಅರ್ಜಿ ಸಲ್ಲಿಸಲಾಗಿದ್ದು, ವಿಮಾ ನಿಯಂತ್ರಣ ಪ್ರಾಧಿಕಾರಕ್ಕೂ ಅರ್ಜಿ ಸಲ್ಲಿಸಲಾಗಿದೆ ಎಂದು ಹೇಳಿದರು. ವಿಮೆ ಯ ಯಾವ ಕ್ಷೇತ್ರದಲ್ಲಿ ಕಾರ್ಯ ನಿರ್ವಹಿಸುತ್ತದೆ ಎನ್ನುವುದನ್ನು ಸ್ಪಷ್ಟವಾಗಿ ತಿಳಿಸದ ಅವರು ಮುಂದಿನ ಮೂರು ಅಥವಾ ನಾಲ್ಕು ವಾರಗಳಲ್ಲಿ ಈ ಯೋಜನೆ ಸ್ಪಷ್ಟ ರೂಪ ಪಡೆಯಲಿದೆ ಎಂದರು.

ಶೇ. 26 ರಷ್ಟು ವಿದೇಶಿ ಬಂಡವಾಳ ತೊಡಗಿಸಿಕೊಳ್ಳುವ ಬಗೆಗೆ ಬ್ಯಾಂಕ್‌ ಯೋಚಿಸುತ್ತಿದೆ. ಉಳಿದ ಷೇರನ್ನು ಬ್ಯಾಂಕ್‌ ಹೊಂದಿರುತ್ತದೆ. ನಂತರ ವಿದೇಶೀ ಬಂಡವಾಳವನ್ನು ವಾಪಾಸು ಪಡೆಯುವ ಪರಿಸ್ಥಿತಿ ಬಂದರೆ ಭಾರತೀಯ ಬಂಡವಾಳದಾರರನ್ನು ಪಾಲುದಾರರನ್ನಾಗಿ ಮಾಡಲಾಗುವುದು ಎಂದು ಶೆಣೈ ಹೇಳಿದರು.

ಇದೇ ಸಂದರ್ಭದಲ್ಲಿ ದೂರವಾಣಿ ಮೂಲಕ ನಡೆಸುವ ಟೆಲಿ ಬ್ಯಾಂಕಿಂಗ್‌, ಪಿ.ಸಿ. ಮೂಲಕವೇ ಬ್ಯಾಂಕಿಂಗ್‌ ವ್ಯವಹಾರ ಮತ್ತು ಬೆಂಗಳೂರಿನ ಯಾವುದೇ ಬಡಾವಣೆಯ ಯಾವುದೇ ಶಾಖೆಯಲ್ಲಿ ವ್ಯವಹರಿಸಬಹುದಾದ ಎನಿವೇರ್‌ ಬ್ಯಾಂಕಿಂಗ್‌ ಸೌಲಭ್ಯವ-ನ್ನು ಶೆಣೈ ಉದ್ಘಾಟಿಸಿದರು.

(ಇನ್ಫೋ ವಾರ್ತೆ)