ತೀರ್ಥೋದ್ಭವ: 25 ಸಾವಿರ ಮಂದಿ ಭಕ್ತರಿಂದ ಪುಣ್ಯ ಸ್ನಾನ

ಮಡಿಕೇರಿ: ಸುಮಾರು 25 ಸಾವಿರಕ್ಕೂ ಹೆಚ್ಚು ಮಂದಿ ಭಕ್ತಾದಿಗಳು ಮಂಗಳವಾರ ಮಧ್ಯಾಹ್ನ ಕಾವೇರಿ ನದಿಯ ಉಗಮ ಸ್ಥಾನ ತಲಕಾವೇರಿ ಉದ್ಭವ ತೀರ್ಥದಲ್ಲಿ ಪುಣ್ಯ ಸ್ನಾನ ಮಾಡಿದರು.

ಕರ್ನಾಟಕ ಕೇರಳ ಮತ್ತಿತರ ಪ್ರದೇಶಗಳಿಂದ ಬಂದಿದ್ದ ಭಕ್ತಾದಿಗಳು, ವಿಶೇಷ ಪೂಜಾ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ದೂರದೂರಿನಿಂದ ಬಂದಿದ್ದ ಭಕ್ತರಿಗೆ ವಿವಿಧ ಧಾರ್ಮಿಕ ಸಂಘಟನೆಗಳು ಮಧ್ಯಾಹ್ನದ ಆಹಾರ ಒದಗಿಸಿದರು. ನೆರೆದಿರುವ ಜನರನ್ನು ನಿಯಂತ್ರಿಸಲು ಸಾಕಷ್ಟು ಪೊಲೀಸ್‌ ವ್ಯವಸ್ಥೆ ಮಾಡಲಾಗಿತ್ತು. ಆರ್ಟ್‌ ಆಫ್‌ ಲಿವಿಂಗ್‌ಫೌಂಡೇಶನ್‌ನ ಸ್ಥಾಪಕ ರವಿಶಂಕರ್‌ ಅವರು ತಮ್ಮ ಶಿಷ್ಯರೊಂದಿಗೆ ತೀಥೋದ್ಭವದ ನಂತರ ತಲಕಾವೇರಿ ದೇವಸ್ಥಾನದಲ್ಲಿ ನಡೆದ ವಿಶೇಷ ಪೂಜೆಯಲ್ಲಿ ಭಾಗವಹಿಸಿದರು.

(ಯುಎನ್‌ಐ)