ಪಿಯು ಬ್ಯಾಡ್ಮಿಂಟನ್‌ : ಬೆಂಗಳೂರು ಉತ್ತರ ಹಾಗೂ ದಕ್ಷಿಣ ಚಾಂಪಿಯನ್ಸ್‌

ನಿಟ್ಟೆ : ಮಂಗಳವಾರ ಮುಕ್ತಾಯಗೊಂಡ ರಾಜ್ಯ ಮಟ್ಟದ ಪದವಿ ಪೂರ್ವ ಕಾಲೇಜುಗಳ ಬ್ಯಾಡ್ಮಿಂಟನ್‌ ಟೂರ್ನಿಯಲ್ಲಿ ಬೆಂಗಳೂರು ಉತ್ತರ ಹಾಗೂ ಬೆಂಗಳೂರು ದಕ್ಷಿಣ ತಂಡಗಳು ಕ್ರಮವಾಗಿ ಬಾಲಕರ ಹಾಗೂ ಬಾಲಕಿಯರ ವಿಭಾಗದ ಪ್ರಶಸ್ತಿ ಪಡೆದವು.

ಬಾಲಕರ ವಿಭಾಗದ ಫೈನಲ್ಸ್‌ನಲ್ಲಿ ಬೆಂಗಳೂರು ದಕ್ಷಿಣ ತಂಡವನ್ನು ಉತ್ತರ ತಂಡ 2-0ಯಿಂದ ಸೋಲಿಸಿತು. ಬಾಲಕಿಯರ ವಿಭಾಗದಲ್ಲಿ ದಕ್ಷಿಣ ಕನ್ನಡ ತಂಡದ ವಿರುದ್ಧ ಬೆಂಗಳೂರು ದಕ್ಷಿಣ ತಂಡ 2-0ಯಲ್ಲಿ ಗೆದ್ದಿತು.

ಫಲಿತಾಂಶ : ಬಾಲಕರ ವಿಭಾಗ (ಸಿಂಗಲ್ಸ್‌) - ಬೆಂಗಳೂರು ಉತ್ತರದ ಪಿ.ಎಲ್‌.ಸುಧೀರ್‌ಗೆ 15-14, 10-15, 15-8ರಲ್ಲಿ ಬೆಂಗಳೂರು ದಕ್ಷಿಣದ ಪ್ರದೀಪ್‌ ವಿರುದ್ಧ ಜಯ. (ಡಬಲ್ಸ್‌)- ಬೆಂಗಳೂರು ಉತ್ತರದ ನರೇಂದ್ರ- ಉತ್ತಪ್ಪ ಜೋಡಿಗೆ ದಕ್ಷಿಣದ ರೋಹಿತ್‌- ಪ್ರದೀಪ್‌ ಜೋಡಿ ವಿರುದ್ಧ 15-5, 15-5ರ ಗೆಲವು.

ಬಾಲಕಿಯರ ವಿಭಾಗ (ಸಿಂಗಲ್ಸ್‌)- ದಕ್ಷಿಣ ಕನ್ನಡದ ಪಲ್ಲವಿಗೆ 2-11, 3-11ರ ಸೋಲು. ಗೆದ್ದದ್ದು ಬೆಂಗಳೂರು ದಕ್ಷಿಣದ ಸರಿತಾ. ಎಂವಿ. (ಡಬಲ್ಸ್‌)- ಬೆಂಗಳೂರು ದಕ್ಷಿಣದ ಶಾಲಿನಿ- ಸರಿತಾ ಜೋಡಿ ದಕ್ಷಿಣ ಕನ್ನಡದ ಪಲ್ಲವಿ- ಸೌಮ್ಯ ಜೋಡಿಯನ್ನು 15-2, 15-4ರಲ್ಲಿ ಸೋಲಿಸಿತು.

(ಇನ್ಫೋ ವಾರ್ತೆ)