-ಬಾಂ-ಬ್‌ ಬೆದ-ರಿ-ಕೆ : 2 ದಿನ-ಗ-ಳನಂತ-ರ ಆರ್‌-ಟಿ-ಪಿ-ಎ-ಸ್‌ ಯಥಾಸ್ಥಿತಿಗೆ

ರಾಯಚೂರು : ರಾಯಚೂರು ಶಾಖೋತ್ಪನ್ನ ವಿದ್ಯುತ್‌ ಸ್ಥಾವರಕ್ಕೆ ಬಾಂಬ್‌ ಬೆದರಿಕೆಯ ಹಿನ್ನೆಲೆಯಲ್ಲಿ ಎರಡು ದಿನಗಳಿಂದ ಸ್ಥಾವರದಲ್ಲಿ ಉಂಟಾಗಿದ್ದ ಬಿಗು ವಾತಾವರಣ ಈಗ ಸಹಜ ಸ್ಥಿತಿಗೆ ಬಂದಿದೆ.

ಸ್ಥಾವರಕ್ಕೆ ಬಾಂಬ್‌ ಬೆದರಿಕೆ ಹಾಗೂ ಅಧಿಕಾರಿಗಳಿಗೆ ಜೀವ ಬೆದರಿಕೆ ಹಾಕಿರುವ ಹಿನ್ನೆಲೆಯಲ್ಲಿ ಸ್ಥಾವರಕ್ಕೆ ಕಟ್ಟು ನಿಟ್ಟಿನ ರಕ್ಷಣೆ ಒದಗಿಸಲಾಗಿದೆ. ಪ್ರತಿಯಾಂದು ಘಟಕದಲ್ಲಿಯೂ ರಕ್ಷಣಾ ಘಟಕದವರು ತಪಾಸಣಾ ಕಾರ್ಯ ನಡೆಸುತ್ತಿದ್ದಾರೆ. ಸ್ಥಾವರ-ದೊಳಕ್ಕೆ ಪ್ರವೇಶಿಸುವ ಪ್ರತಿಯಾಬ್ಬ ನೌಕರರೂ ಗುರುತಿನ ಚೀಟಿಯನ್ನು ಕಡ್ಡಾಯವಾಗಿ ಧರಿಸ-ಲು ಸೂಚಿ-ಸ-ಲಾ-ಗಿ-ದೆ. ಪ್ರವೇಶ ಮತ್ತು ನಿರ್ಗಮನ ದ್ವಾರಗಳಲ್ಲಿ ಕೂಡ ತಪಾಸಣೆ ನಡೆಸಲಾಗುತ್ತಿದೆ. ಪ್ರಮುಖ ಘಟಕಗಳ ಒಳಗೆ ಅಪರಿಚಿತರಿಗೆ, ಅದೇ ಸ್ಥಾವರದ ಬೇರೆ ಘಟಕಗಳಲ್ಲಿ ಕೆಲಸ ಮಾಡುವ ಕಾರ್ಮಿಕರಿಗೆ ಕೂಡ ಪ್ರವೇಶವಿಲ್ಲ. ಸ್ಥಾವರದ ಒಳಗೆ ಹಾಗೂ ಹೊರಗೆ ಪೊಲೀಸರು ಗಸ್ತು ತಿರುಗುತ್ತಿದ್ದಾರೆ. ಅನುಮಾನಾಸ್ಪದ ವ್ಯಕ್ತಿಗಳನ್ನು ಪತ್ತೆ ಹಚ್ಚುವ ಉದ್ದೇಶದಿಂದ ಗುಪ್ತ ದಳದವರು ಚುರುಕಾಗಿ ಕೆಲಸ ನಡೆಸುತ್ತಿದ್ದಾರೆ.

ಸ್ಥಾವರದಲ್ಲಿ ವೈಜ್ಞಾನಿಕವಾಗಿ ತರಬೇತಿ ಪಡೆದಿರುವ ಸಿಬ್ಬಂದಿಯ ಕೊರತೆ ತುಂಬಲು ತರಬೇತಿ ಕಾರ್ಯಕ್ರಮವನ್ನು ಆರಂಭಿಸಲು ಉದ್ದೇಶಿಸಿದೆ ಎಂದು ಸ್ಥಾವರದ ಮೂಲಗಳು ತಿಳಿಸಿವೆ . ಬಾಂಬ್‌ ಬೆದರಿಕೆಯ ನಡುವೆಯೂ ವಿದ್ಯುತ್‌ ಉತ್ಪಾದನೆಗೆ ಯಾವುದೇ ಭಂಗ ಬಂದಿಲ್ಲ. ಮೊದಲ ಘಟಕವನ್ನು ದುರಸ್ತಿ ನಿಮಿತ್ತ ಮುಚ್ಚಲಾಗಿದ್ದು, ಉಳಿದ ಐದೂ ಘಟಕಗಳು ಎಂದಿನಂತೆ ಸಮರ್ಥವಾಗಿ ಕಾರ್ಯ ನಿರ್ವಹಿಸುತ್ತಿವೆ ಎಂದು ಸಂಸ್ಥೆಯ ಅಧಿಕಾರಿಗಳು ಹೇಳಿದ್ದಾರೆ.

(ಇನ್ಫೋ ವರದಿ )