ಹಾಕಿ : ಭಾರತ- ಪೋಲೆಂಡ್‌ ಪಂದ್ಯ ಡ್ರಾ, ಟೂರ್ನಿಯಿಂದ ಭಾರತ ಹೊರಕ್ಕೆ

ಸಿಡ್ನಿ : ಒಲಂಪಿಕ್ಸ್‌ ಹಾಕಿ ಟೂರ್ನಿಯಿಂದ ಭಾರತ ಹೊರಬಿದ್ದಿದೆ.

ಮಂಗಳವಾರ ಪೋಲೆಂಡ್‌ ನಡುವಣ ನಡೆದ ಪಂದ್ಯ 1-1 ಗೋಲುಗಳಲ್ಲಿ ಡ್ರಾ ಆಗುವ ಮೂಲಕ ಸೆಮಿಫೈನಲ್ಸ್‌ ತಲುಪುವ ಅವಕಾಶವನ್ನು ಭಾರತ ಕಳೆದುಕೊಂಡಿತು. 2-2 ಗೊ-ೕಲು-ಗ-ಳ-ಲ್ಲಿ ಪಂದ್ಯ ಡ್ರಾ ಆಗಿ-ದ್ದ-ರೆ ಭಾರ-ತ-ಕ್ಕೆ ಸೆಮಿ-ಫೈ-ನ-ಲ್‌ ತಲು-ಪು-ವ ಅವ-ಕಾ-ಶ ಇತ್ತು .

ಆಮೆಗತಿಯ ಪಂದ್ಯದ ಪ್ರಥಮಾರ್ಧದಲ್ಲಿ ಯಾವ ತಂಡವೂ ಗೋಲು ಗಳಿಸಲಿಲ್ಲ. ದ್ವಿತೀಯಾರ್ಧದಲ್ಲಿ ಇನ್ನು 16.5 ನಿಮಿಷಗಳ ಆಟ ಬಾಕಿ ಇರುವಾಗ ಭಾರತ ಮೊದಲ ಗೋಲು ಗಳಿಸಿ, ಸೆಮಿಫೈನಲ್ಸ್‌ ಪ್ರವೇಶಿಸುವ ಭರವಸೆ ಮೂಡಿಸಿತು.

ಪಂದ್ಯ ಮುಗಿಯಲು 5 ನಿಮಿಷ ಉಳಿದಿರುವಾಗ ಪೋಲೆಂಡ್‌ ತಂಡ ಗೋಲು ಗಳಿಸಿ ಭಾರತದ ಹಾಕಿ ಪದಕದಾಸೆಗೆ ತಣ್ಣೀರೆರಚಿತು. ಭಾರತಕ್ಕೆ ಒಲಂಪಿಕ್ಸ್‌ನಲ್ಲಿ ಮಹಿಳಾ ವೈಯ್ಟ್‌ಲಿಫ್ಟಿಂಗ್‌ (ಕರ್ಣಂ ಮ-ಲ್ಲೇಶ್ವರಿ) ಕಂಚು ಪದಕ ಬಿಟ್ಟರೆ ಬೇರಾವ ಪದಕವೂ ಸಿಕ್ಕಿಲ್ಲ. ಹಾಕಿಯಲ್ಲಿ ಭಾರತಕ್ಕೆ ಪದಕ ಸಿಗಬಹುದೆಂಬ ನಿರೀಕ್ಷೆ ಈಗ ಹುಸಿಯಾಗಿದೆ. 8 ಬಾರಿ ಒಲಂಪಿಕ್ಸ್‌ ಹಾಕಿ ಪದಕ ಗಳಿಸಿರುವ ಭಾರತ ಕಳೆದೆರಡು ದಶಕಗಳಿಂದ ಹಾಕಿ ಪದಕ ಗಳಿಸಲು ವಿಫಲವಾಗಿದ್ದು, ಅದು ಮುಂದುವರೆದಂತಾಗಿದೆ.

(ಇನ್ಫೋ ವಾರ್ತೆ)