ವಿಡಿಯೋ, ಆಡಿಯೋ ಕ್ಯಾಸೆಟ್‌ ಭರಾಟೆ

ಇಲ್ಲಿ ಈಗ ವಿಡಿಯೋ, ಆಡಿಯೋ ಸೇರಿದಂತೆ ವಿಸಿಡಿಗಳೂ ಅಂಗಡಿಗಳಲ್ಲಿ ಸಿಗುತ್ತಿವೆ. ಹೃತಿಕ್‌ನ ಇತ್ತೀಚಿನ ಹಿಂದಿಚಿತ್ರ ಫಿಜಾದ 40 ವಿಸಿಡಿ ಕಾಪಿಗಳು ಪ್ಯಾರಿಸ್‌ ತಲುಪಿವೆ ಎಂದು ಭಾರತೀಯ ಮೂಲದ ಅಂಗಡಿ ಮಾಲೀಕನೊಬ್ಬ ಹೇಳುತ್ತಾನೆ. ಇಷ್ಟಲ್ಲದೆ ನುಸ್ರಫ್‌ ಫತೇ ಆಲೀಖಾನ್‌ ಸಂಗೀತವಿರುವ ಕ್ಯಾಸೆಟ್‌ಗಳನ್ನೂ ಫ್ರಾನ್ಸ್‌ ನಾಗರಿಕರೂ ಮುಗಿಬಿದ್ದು ಕೊಳ್ಳುತ್ತಿದ್ದಾರೆ.

ದಿವಾನೆ, ಧಡಕನ್‌ ಚಿತ್ರಗಳೂ ಬೇಡಿಕೆಯ ಪಟ್ಟಿಯಲ್ಲಿವೆ. ಇಲ್ಲಿಯೂ ಜನಪ್ರಿಯತೆಯಲ್ಲಿ ಹೃತಿಕ್‌ ರೋಷನ್‌ದೇ ಸವಾರಿ. ನಂತರದ ಸ್ಥಾನಗಳಲ್ಲಿ ಶಾರುಖ್‌ಖಾನ್‌, ಗೋವಿಂದ ಇದ್ದಾರೆ. ಸತ್ಯಜಿತ್‌ರಾಯ್‌, ಆಡೂರ್‌ ಗೋಪಾಲಕೃಷ್ಣನ್‌, ಹೃತ್ವಿಕ್‌ ಘಟಕ್‌ ಪ್ರಸಿದ್ಧ ನಿರ್ದೇಶಕರು. ಶಬನಾ ಅಜ್ಮಿ, ಶರ್ಮಿಳಾ ಟಾಗೂರ್‌ ಕೂಡಾ ಜನಪ್ರಿಯರು.

ಭಾರತೀಯ ಹಬ್ಬಗಳು: ಗಣೇಶೋತ್ಸವ ಸೇರಿದಂತೆ ಅನೇಕ ಭಾರತೀಯ ಹಬ್ಬಗಳಿಗೆ ಪ್ಯಾರಿಸ್‌ನ ಬೀದಿಗಳು ತೆರೆದುಕೊಂಡಿರುವುದನ್ನು ಈಗಾಗಲೇ ಅನೇಕ ವರದಿಗಳು ಹೇಳಿವೆ. ಈಗ ಪ್ಯಾರಿಸ್‌ನಲ್ಲಿ ದಿಪಾವಳಿ ಭರಾಟೆ ನಡೆಯುತ್ತಿದೆ. ಈ ಬಾರಿ ಶಬನಾ ಅಜ್ಮಿ, ಶರ್ಮಿಳಾ ಟಾಗೂರ್‌ ಅವರಿಗೆ ದೀಪಾವಳಿ ಅಂಗವಾಗಿ ಸನ್ಮಾನ ಸಮಾರಂಭವೂ ಏರ್ಪಾಡಾಗಿದೆ.

ಲಂಡನ್‌ ರಹದಾರಿ: ಎಲ್ಲ ವಿಧದ ಕ್ಯಾಸೆಟ್‌ಗಳೂ ಲಂಡನ್‌ ಮೂಲಕ ಬರುತ್ತವೆ. ಇದರಲ್ಲಿ ಕಳ್ಳಸಾಗಣೆಯೂ ಉಂಟೆಂದು ಅನೇಕ ವ್ಯಾಪಾರಿಗಳು ಒಪ್ಪಿಕೊಳ್ಳುತ್ತಾರೆ. ಕೆಲವರು ಸ್ಥಳೀಯವಾಗಿ ಕೇಬಲ್‌ ಜಾಲವನ್ನೂ ಹುಟ್ಟುಹಾಕಿದ್ದಾರೆ.

ಹೆಚ್ಚುತ್ತಿರುವ ಜನಪ್ರಿಯತೆ: ಜಪಾನ್‌ನಲ್ಲಿ ಅದ್ಬುತ ಯಶಸ್ಸು ಕಂಡ ರಜನೀಕಾಂತ್‌, ಮೀನಾ ಅಭಿನಯದ ತಮಿಳಿನ ಇನ್ನೊಂದು ಚಿತ್ರ ಮುತ್ತು , ಇತಿಹಾಸ ನಿರ್ಮಿಸಿದೆ. ಬ್ರಿಟನ್‌, ಅಮೆರಿಕಾಗಳಲ್ಲೂ ಕೂಡಾ ಭಾರತೀಯ ಚಿತ್ರಗಳ ಬೇಡಿಕೆ ಹೆಚ್ಚುತ್ತಿದೆ.

(ಐಎಎನ್‌ಎಸ್‌)

ಮುಖಪುಟ / ಮನೆ ಆಚೆಯ ಮನೋನಂದನ