ನ್ಯಾಷನಲ್‌ ಕಾಲೇಜಿನ ಸಂಸ್ಕೃತ ಮೇಷ್ಟ್ರು ಶ್ರೀಧರ್‌ಗೆ ಡಬ್ಬಲ್‌ ಗೌರವ

ಬೆಂಗಳೂರು : ಬಸವನಗುಡಿ ನ್ಯಾಷನಲ್‌ ಕಾಲೇಜಿನ ಸಂಸ್ಕೃತ ಪ್ರಾಧ್ಯಾಪಕ ಡಾ. ಎಂ.ಕೆ. ಶ್ರೀಧರ್‌ ಅವರಿಗೆ ಅಮೆರಿಕದ ಪ್ರತಿಷ್ಠಿತ ಫುಲ್‌ಬ್ರೆೃಟ್‌ ಉಪನ್ಯಾಸ ವ್ಯಾಸಂಗ ವೇತನ ಲಭಿಸಿದೆ.

ದಕ್ಷಿಣ ಕೆರೋಲೀನಾ ಅಕ್ಟೋಬರ್‌ನಿಂದ 3 ತಿಂಗಳ ಕಾಲ ಭಾರತೀಯ ಸಂಸ್ಕೃತಿ ಮತ್ತು ಸಂಸ್ಕೃತಕ್ಕೆ ಸಂಬಂಧಿಸಿದ ಉಪನ್ಯಾಸಗಳನ್ನು ಶ್ರೀಧರ್‌ ನೀಡಲಿದ್ದಾರೆ. ಕಳೆದ ಶತಮಾನದಲ್ಲಿ ಅಮೆರಿಕಕ್ಕೆ ಭಾರತೀಯ ಶಾಸ್ತ್ರಾಧ್ಯಯನದ ಕೊಡುಗೆ ಎಂಬ ವಿಷಯದ ಬಗ್ಗೆ ಸಂಶೋಧನೆಯನ್ನೂ ನಡೆಸಲಿದ್ದಾರೆ.

ಈ ವರ್ಷವನ್ನು ಸಂಸ್ಕೃತ ವರ್ಷ ಎಂದು ಕೇಂದ್ರ ಸರ್ಕಾರ ಘೋಷಿಸಿದ್ದು, ಇಂಥ ವರ್ಷದಲ್ಲೇ ಶ್ರೀಧರ್‌ ಅವರಿಗೆ ಅಂತರರಾಷ್ಟ್ರೀಯ ಮಟ್ಟದ ಪ್ರೋತ್ಸಾಹ ದೊರೆತಿರುವುದು ಹೆಮ್ಮೆಯ ವಿಷಯವಾಗಿದೆ. ಕೆನಡಾದ ವಿಶ್ವ ಶಿಕ್ಷಣ ಪ್ರತಿಷ್ಟಾನ ಹಾಗೂ ಸರಸ್ವತಿ ವಿಕಾಸ್‌ ಸಂಸ್ಥೆಗಳು ನೀಡುವ ರಾಮಕೃಷ್ಣ ಪ್ರಶಸ್ತಿಯೂ ಈ ವರ್ಷ ಶ್ರೀಧರ್‌ ಅವರಿಗೇ ಲಭಿಸಿದೆ.

ಡಬ್ಬಲ್‌ ಪ್ರಶಂಸೆಗೆ ಗುರಿಯಾಗಿರುವ ಕನ್ನಡಿಗ ಶ್ರೀಧರ್‌ಗೆ ಇನ್ಫೋದ ಶುಭಾಶಯಗಳು.

(ಇನ್ಫೋ ವಾರ್ತೆ)