-ಅ-ಡಿ-ಕೆ ಬೆಳೆ-ಗಾ-ರ-ರ ಹಿತಾ-ಸ-ಕ್ತಿ ರಕ್ಷಿ-ಸ-ಲು ಆಗ್ರ-ಹ

ಮಂಗಳೂರು : ಎಲ್ಲಾ ಅಡಿಕೆ ಬೆಳೆಗಾರರ ಸಾಲವನ್ನು ಮಧ್ಯಮಾವಧಿ ಸಾಲವಾಗಿ ಪರಿವರ್ತಿಸಬೇಕು ಎಂದು ಮಂಗಳವಾರ ಮಂಗಳೂರಿನಲ್ಲಿ ನಡೆದ ಕೇರಳ ಮತ್ತು ಕರ್ನಾಟಕ ರಾಜ್ಯ ಸಹಕಾರಿ ಸಂಸ್ಥೆ ಪ್ರಮುಖರ ಸಮಾಲೋಚನಾ ಸಭೆ ಉಭ-ಯ ರಾ-ಜ್ಯ ಸರ್ಕಾ-ರ-ಗ-ಳ-ನ್ನು ಒತ್ತಾಯಿಸಿದೆ.

ಸಭೆಯ ಅಧ್ಯಕ್ಷತೆ ವಹಿಸಿದ್ದ ಸಹಕಾರ ಭಾರತಿಯ ರಾಜ್ಯಾಧ್ಯಕ್ಷ ರಾಂ ಭಟ್‌ ಉರಿಮಜಲು ಅವರು ಸಭೆಯ ನಿರ್ಣ-ಯಗಳನ್ನು ಸುದ್ದಿಗಾರರಿಗೆ ತಿಳಿಸಿದರು.

• ಬೆಳೆ ಸಾಲದ ಮೇಲೆ ನಬಾರ್ಡ್‌ನವರು ಅಪೆಕ್ಸ್‌ ಬ್ಯಾಂಕಿಗೆ ವಿಧಿಸಿರುವ ಬಡ್ಡಿ ದರವನ್ನು ಮಾತ್ರವೇ ವಿಧಿಸಬೇಕು. ಉಳಿದ ಅಂಶವನ್ನು ಸರಕಾರ ಮತ್ತು ಅಪೆಕ್ಸ್‌ ಬ್ಯಾಂಕ್‌ಗಳು ತುಂಬಬೇಕು.
• ಅಡಿಕೆ ಬೆಳೆಗಾರರಿಗೆ ಶೇ 50 ರ ದರದಲ್ಲಿ ರಾಸಾಯನಿಕ ಗೊಬ್ಬರ ಮತ್ತು ಕ್ರಿಮಿನಾಶಕಗಳನ್ನು ಒದಗಿಸಬೇಕು .
• ನೇರ ಖರೀದಿ ಮಾಡುವ ಸಹಕಾರಿ ಸಂಸ್ಥೆಗಳಿಗೆ ಕನಿಷ್ಠ 200 ಕೋಟಿ ರೂಪಾಯಿಗಳನ್ನು ರಿವಾಲ್ವಿಂಗ್‌ ಫಂಡ್‌(ಆವರ್ತ ನಿಧಿ ) ಆಗಿ, ಕಡಿಮೆ ಬ-ಡ್ಡಿ ದರದಲ್ಲಿ ಕರ್ನಾಟಕ ಮತ್ತು ಕೇರಳ ಸರಕಾರಗಳು ಒದಗಿಸಬೇಕು. ರೈತರೂ ಕೂಡ ಸಹಕಾರಿ ಸಂಸ್ಥೆಗಳಿಗೇ ಅಡಿಕೆ ಮಾರಾಟ ಮಾಡಬೇಕು.
• ಅಡಿಕೆ ಬೆಲೆ ಸ್ಥಿರೀಕರಣ, ಅಡಿಕೆ ಕೃಷಿ ಮತ್ತು ಮಾರಾಟಕ್ಕೆ ಸಂಬಂಧಿಸಿದಂತೆ ವ್ಯಾಪಕ ಅಧ್ಯಯನ ನಡೆಸಿ, ಸೂಕ್ತ ಮಾರ್ಗೋಪಾಯ ಸೂಚಿಸಲು ಕೇಂದ್ರ ಸರಕಾರ ತಜ್ಞರ ಸಮಿತಿಯಾಂದನ್ನು ನೇಮಿಸಬೇಕು.

(ಮಂಗಳೂರು ಪ್ರತಿನಿಧಿಯಿಂದ)