-ಮ-ಡಿ-ಕೇ-ರಿ: ಬೈಪಾಸ್‌ ರಸ್ತೆ ಕಾಮಗಾರಿಗೆ 28 ಕೋಟಿ

ಮಡಿಕೇರಿ: ರಾಜ್ಯ ಸರಕಾರವು, ಜಿಲ್ಲೆಯಲ್ಲಿ ಬೈ ಪಾಸ್‌ ರಸ್ತೆ ಕಾಮಗಾರಿಗಾಗಿ 28ಕೋಟಿ ರೂಪಾಯಿಗಳನ್ನು ಬಿಡುಗಡೆ ಮಾಡಿದೆ ಎಂದು ಕೊಡಗು ಜಿಲ್ಲಾ ಉಸ್ತುವಾರಿ ಸಚಿವ ಎಂ. ಎಂ. ನಾಣಯ್ಯ ಹೇಳಿದ್ದಾರೆ.

ಈ ಹಣದಲ್ಲಿ , 2 ಕೋಟಿ ರೂಪಾಯಿ ಸೋಮವಾರ ಪೇಟೆ ಪಟ್ಟಣಕ್ಕೆ, ಸಕಲೇಶಪುರ-ಕೂಡ್ಲಿ ಪೇಟೆ - ವಿರಾಜ ಪೇಟೆ ಮತ್ತು ಮಡಿಕೇರಿ ರಸ್ತೆ ಜೋಡಣಾ ಕಾರ್ಯಕ್ಕೆ 4 ಕೋಟಿ ರೂಪಾಯಿ ಹಾಗೂ ಶುಂಠಿ ಕೊಪ್ಪ ಬೈಪಾಸ್‌ ರಸ್ತೆಗೆ 1.75 ಕೋಟಿರೂಪಾಯಿ, ಮಕುಟ್ಟಾ-ವಿರಾಜಪೇಟೆ- ಹುಣಸೂರು ಸಂಪರ್ಕ ರಸ್ತೆಗೆ 1 ಕೋಟಿ ರೂಪಾಯಿ ಮತ್ತು ಮಡಿಕೇರಿ ನಗರ ರಸ್ತೆ ಕಾಮಗಾರಿಗೆ 4 ಕೋಟಿ ರೂಪಾಯಿಗಳನ್ನು ವ್ಯಯಿಸಲಾಗುವುದು ಎಂದು ಅವರು ಹೇಳಿದ್ದಾರೆ.

ಮಾರಾಟಗಾರರ ವಿರೋಧವನ್ನು ಲೆಕ್ಕಿಸದೆ ಕಾನೂನು ಬದ್ಧವಾಗಿ ರಸ್ತೆ ಅಗಲಗೊಳಿಸುವ ಕಾಮಗಾರಿಯನ್ನು ಮುಂದುವರಿಸಲಾಗುವುದು. ಈ ಕಾಮಗಾರಿಯನ್ನು ಲೋಕೋಪಯೋಗಿ ಇಲಾಖೆಗೆ ವಹಿಸಿಕೊಡಲಾಗುವುದು ಎಂದು ನಾಣಯ್ಯ ಹೇಳಿದರು.

(ಇನ್ಫೋ ವಾರ್ತೆ)