ಮೈ-ಸೂ-ರಿ-ನ-ಲ್ಲಿ ವಿಫ್ರೋ-ದಿಂ-ದ ಕಂಪ್ಯೂ-ಟ-ರ್ ತರ-ಬೇ-ತಿ ಶಾಲೆ
ಮೈಸೂರು : ಮೈಸೂರಿನಲ್ಲಿ ಕಂಪ್ಯೂಟರ್ ತರಬೇತಿ ಸಂಸ್ಥೆಯನ್ನು ತೆರೆಯುವ ಉದ್ದೇಶವಿದೆ ಎಂದು ವಿಪ್ರೋ ಸಂಸ್ಥೆಯ ಮಾಹಿತಿ ತಂತ್ರಜ್ಞಾನ ವಿಭಾಗದ ಕಾರ್ಯದರ್ಶಿ ವಿವೇಕ ಕುಲಕರ್ಣಿ ಹೇಳಿದ್ದಾರೆ.
ಅವರು ಮೈಸೂರು ಐಟಿ ಡಾಟ್ ಕಾಂನ ಪ್ರಯುಕ್ತ ಡೀಲಿಟ್ ಆಯೋಜಿಸಿದ್ದ ವಿಚಾರಸಂಕಿರಣದಲ್ಲಿ ಭಾಗವಹಿಸಿ ಮಾತನಾಡುತ್ತಿದ್ದರು. ಸರಕಾರದಿಂದ ಮಾರಾಟ ತೆರಿಗೆ ವಿನಾಯಿತಿ ದೊರೆಯದ ಕಾರಣ ಜಿಲ್ಲೆಯಲ್ಲಿ ವಿಪ್ರೋ ಸಂಸ್ಥೆಯ ಹಾರ್ಡ್ವೇರ್ ಘಟಕ ಸ್ಥಾಪಿಸುವುದು ಸಾಧ್ಯವಾಗಲಿಲ್ಲ. ಪಾಂಡಿಚೇರಿಯಲ್ಲಿ ಮಾರಾಟತೆರಿಗೆ ವಿನಾಯಿತಿ ದೊರಕಿರುವುದರಿಂದ ಸದ್ಯದಲ್ಲಿಯೇ ಅಲ್ಲಿ ಕಂಪೆನಿಯ ಹಾರ್ಡ್ವೇರ್ ಘಟಕ ಸ್ಥಾಪಿಸಲಾಗುವುದು ಎಂದರು.
ಮಾಹಿತಿ ತಂತ್ರಜ್ಞಾನ ವಿಭಾಗದ ಇ. ವಿ. ರಮಣರೆಡ್ಡಿ ವಿಚಾರ ಸಂಕಿರಣವನ್ನು ಉದ್ಘಾಟಿಸಿ ಮಾತನಾಡುತ್ತಾ ಸರಕಾರವೂ ಮಂಗಳೂರು, ಹುಬ್ಬಳ್ಳಿ ಮತ್ತು ಮೈಸೂರಿನಲ್ಲಿ ಐಟಿಯನ್ನು ಪ್ರಚುರ ಪಡಿಸುವ ಉದ್ದೇಶವಿಟ್ಟುಕೊಂಡಿದೆ, ಜಗತ್ತಿನ 50 ತಂತ್ರಜ್ಞಾನ ಪರಿಣತ ನಗರಗಳಲ್ಲಿ ಬೆಂಗಳೂರು 9ನೇ ಸ್ಥಾನದಲ್ಲಿದೆ. ಅದಕ್ಕೆ ನಮ್ಮಲ್ಲಿರುವ ಐಟಿ ಪರಿಣತರೇ ಕಾರಣ ಎಂದರು. ಕಾರ್ಯಕ್ರಮದಲ್ಲಿ ಶಿಕ್ಷಣ ಸಚಿವ ಎಚ್. ವಿಶ್ವನಾಥ್ ಉಪಸ್ಥಿತರಿದ್ದರು.
(-ಮೈ-ಸೂ-ರು ಪ್ರತಿ-ನಿ-ಧಿ-ಯಿಂ-ದ)