ಸುಪ್ರಿಂ-ಕೋ-ರ್ಟ್‌ ತೀರ್ಪಿ-ನ ಫಲ : ಆಲ-ಮಟ್ಟಿ-ಯ-ಲ್ಲಿ ದಾಖ-ಲೆ ಮ-ಟ್ಟ-ದ ನೀರು

ಬಿಜಾಪುರ : ಆಲಮಟ್ಟಿ ಜಲಾಶಯದ ನೀರಿನ ಮಟ್ಟ ಮೊದಲ ಬಾರಿಗೆ 515 ಮೀಟರ್‌ ದಾ-ಖ-ಲೆ ಎತ್ತರ ತಲುಪಿದೆ.

ಆಲಮಟ್ಟಿಯಲ್ಲಿ 519.06 ಮೀಟರ್‌ಗಳಷ್ಟು ನೀರು ಸಂಗ್ರಹಿಸಲು ಕಳೆದ ಜುಲೈನಲ್ಲಿ ರಾಜ್ಯ ಸರಕಾರಕ್ಕೆ ಸುಪ್ರೀಂಕೋರ್ಟ್‌ ಅನುಮತಿ ನೀಡಿರುವುರಿಂದ 515 ಮೀಟರ್‌ ನೀರು ಸಂಗ್ರಹಿಸುವುದು ಸಾಧ್ಯವಾಗಿದೆ. ಜಲಾಶಯದ ಎಲ್ಲ 26 ಗೇಟುಗಳನ್ನು ತೆರೆಯಲಾಗಿದೆ. ನೀರಿನ ಮಟ್ಟ 519 ಮೀಟರ್‌ಗಳಷ್ಟು ಏರಿದರೆ ಏನಾದರೂ ತೊಂದರೆಯಾಗುವ ಸಾಧ್ಯತೆ ಇದೆಯೇ ಎನ್ನುವುದನ್ನು ಪರೀಕ್ಷಿಸಲು 515 ಮೀಟರ್‌ ನೀರು ಸಂಗ್ರಹಿಸಲಾಗಿದೆ. ಪರಿಸ್ಥಿತಿಯನ್ನು ನೋಡಿಕೊಂಡು ಇನ್ನಷ್ಟು ನೀರು ಸಂಗ್ರಹಿಸಬೇಕೇ ಬೇಡವೇ ಎನ್ನುವುದನ್ನು ನಿರ್ಧರಿಸಲಾಗುವುದು .

ಈ ಹಿನ್ನೆಲೆಯಲ್ಲಿ ಭಾರಿ ನೀರಾವರಿ ಸಚಿವ ಎಚ್‌.ಕೆ. ಪಾಟೀಲ್‌ ಸೋಮವಾರದಂದು ಬಾಗಲಕೋಟೆಗೆ ಭೇಟಿ ನೀಡಲಿದ್ದು, ನೀರಿನ ಮಟ್ಟವನ್ನು ಹಂತ ಹಂತವಾಗಿ ಹೆಚ್ಚಿಸುವ ಕುರಿತು ನಿರ್ಧರಿಸಲಾಗುವುದು. ನೀರಿನ ಮಟ್ಟ ಏರಿದಂತೆ ಮುಳುಗಡೆಯಾಗಬಹುದಾದ ಬಾಗಲಕೋಟೆಯ ಜೈನ ಪೇಟೆ, ಹಳೇ ಪೇಟೆ, ಭಜಂತ್ರಿಗಳಲ್ಲಿ ವಾಸಿಸುತ್ತಿರುವ 170 ಕುಟುಂಬಗಳನ್ನು ತಾತ್ಕಾಲಿಕ ಪುನರ್ವಸತಿ ಕೇಂದ್ರಕ್ಕೆ ಸ್ಥಳಾಂತರಿಸಲಾಗಿದ್ದು , ಸಂತ್ರಸ್ತರಿಗೆ ಪರಿಹಾರ ಧನ ಬಿಡುಗಡೆ ಮಾಡಲಾಗಿದೆ.

(ಇನ್ಫೋ ವಾರ್ತೆ)