ಸುರತ್ಕಲ್‌ ಕೆಆರ್‌ಇಸಿಯಲ್ಲಿ ಸರಕಾರಿ ನೀತಿ ಉಲ್ಲಂಘನೆ ?

ಮಂಗಳೂರು : ಕಾಲೇಜಿನಲ್ಲಿ ಖಾಲಿಯಿರುವ ಹುದ್ದೆಗಳ ನೇಮಕಾತಿ ಪ್ರಕ್ರಿಯೆಯಲ್ಲಿ ಸುರತ್ಕಲ್‌ನ ಕರ್ನಾಟಕ ರೀಜನಲ್‌ ಇಂಜಿನಿಯರಿಂಗ್‌ ಕಾಲೇಜಿನ ಆಡಳಿತ ಮಂಡಳಿ ಸರಕಾರಿ ನೀತಿಗಳನ್ನು ಉಲ್ಲಂಘಿಸಿದೆ ಎಂದು ದಕ್ಷಿಣ ಕನ್ನಡ ಜಿಲ್ಲಾ ಪರಿಶಿಷ್ಟ ಜಾತಿ ಮತ್ತು ವರ್ಗದವರ ಒಕ್ಕೂಟ ಆಪಾದಿಸಿದೆ.

11 ಹುದ್ದೆಗಳಿಗೆ ಅರ್ಜಿ ಸಲ್ಲಿಸಿದ ಅಭ್ಯರ್ಥಿಗಳ ತಾತ್ಕಾಲಿಕ ನೇಮಕಾತಿಗೆ ಸೆಪ್ಟೆಂಬರ್‌ 6ರಂದು ಸಂದರ್ಶನ ಏರ್ಪಡಿಸಿದ್ದು, ಇದು ಸರಕಾರಿ ನಿಯಮಕ್ಕೆ ವಿರುದ್ಧವಾದುದು ಎಂದು ಒಕ್ಕೂಟದ ಅಧ್ಯಕ್ಷ ಲೋಲಾಕ್ಷ ಹೇಳಿದ್ದಾರೆ. ಮೀಸಲಾತಿಯಡಿಲ್ಲಿ ಭರ್ತಿಯಾಗಬೇಕಿದ್ದ ಹಲವು ಹುದ್ದೆಗಳು ಖಾಲಿಯಿರುವುದರಿಂದ ತಾತ್ಕಾಲಿಕ ನೇಮಕಾತಿ ಸರಿಯಲ್ಲ. ಅಲ್ಲದೆ ಆಡಳಿತ ಮಂಡಳಿ ತನಗೆ ಬೇಕಾದವರನ್ನು ಹುದ್ದೆಗಳಿಗೆ ನೇಮಕ ಮಾಡಿಕೊಂಡಿದೆ ಎಂದು ಅವರು ಆರೋಪಿಸಿದರು.

ಉನ್ನತ ಶಿಕ್ಷಣ ಸಚಿವರು ಮತ್ತು ಸರಕಾರ ಈ ಬಗ್ಗೆ ಗಮನ ಹರಿಸಿ, ಉದ್ಯೋಗ ವಿನಿಮಯ ಕೇಂದ್ರದಲ್ಲಿ ನೋಂದಾಯಿತರಾಗಿರುವ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಿ , ಹೊಸ ನೇಮಕಾತಿ ನಡೆಸಬೇಕು. ಅಲ್ಲದೆ ಕಾಲೇಜಿನ ರೆಜಿಸ್ಟ್ರಾರ್‌ ನೇಮಕಾತಿಗೆ ಸಂಬಂಧಿಸಿದ ವಿವರಗಳನ್ನು ಬಹಿರಂಗಪಡಿಸಬೇಕು ಎಂದು ಲೋಲಾಕ್ಷ ಆಗ್ರಹಿಸಿದಾ್ದರೆ.

(ಇನ್ಫೋ ವಾರ್ತೆ)