ಟಾಡಾ ಮೊಕ-ದ್ದ-ಮೆ ಕೈಬಿಡಲು ಕೋರ್ಟ್‌ ಅಸ್ತು : ಸರ್ಕಾ-ರ-ಕ್ಕೆ ನಿರಾ-ಳ

ಮೈಸೂರು : ಮೈಸೂರು ಜೈಲಿನಲ್ಲಿರುವ ವಿರಪ್ಪನ್‌ ಸಹಚರರಾದ 51 ಟಾಡಾ ಆರೋಪಿಗಳ ವಿರುದ್ಧ ಹೂಡಲಾಗಿರುವ ಮೊಕದ್ದಮೆಗಳನ್ನು ಹಿಂತೆಗೆದುಕೊಳ್ಳಲು ಇಲ್ಲಿನ ಟಾಡಾ ವಿಶೇಷ ನ್ಯಾಯಾಲಯ ಶನಿ-ವಾ-ರ ಸರಕಾರಕ್ಕೆ ಅನುಮತಿ ನೀಡಿದೆ.

ಈ ಸಂಬಂಧ ನ್ಯಾಯಮೂರ್ತಿಗಳಾದ ರಾಜೇಂದ್ರ ಪ್ರಸಾದ್‌ ಅವರು 64 ಪುಟಗಳ ತೀರ್ಪು ನೀಡಿದ್ದು, ಟಾಡಾ ಕಾಯಿದೆಯ 3, 4 ಮತ್ತು 5 ನೇ ಸೆಕ್ಷನ್‌ ಅಡಿಯಲ್ಲಿ ಮೊಕದ್ದಮೆಗಳನ್ನು ಹಿಂದಕ್ಕೆ ಪಡೆಯಲು ವಿಶೇಷ ಪಬ್ಲಿಕ್‌ ಪ್ರಾಸಿಕ್ಯೂಟರ್‌ ಅಶ್ವಿನ್‌ ಕುಮಾರ್‌ ಜೋಷಿ ಅವರಿಗೆ ಅನುಮತಿ ನೀಡಿದರು. ಮೊಕದ್ದಮೆಗಳನ್ನು ಕೈಬಿಡುವ ಸರ್ಕಾರದ ನಿರ್ಧಾರದ ವಿರುದ್ಧ ಮಂಡಿಸಲಾದ ತಕರಾರುಗಳನ್ನು ನ್ಯಾಯಮೂರ್ತಿಗಳು ಮಾನ್ಯ ಮಾಡಲಿಲ್ಲ. ವೀರಪ್ಪನ್‌ ಸಹಚರರಿಂದ ಹತರಾದ ಪೊಲೀಸ್‌ ಅಧಿಕಾರಿ ಶಖೀಲ್‌ ಅಹ್ಮದ್‌ ಅವರ ತಂದೆ ಖರೀಂ ಈ ತಕರಾರು ಅರ್ಜಿ ಸಲ್ಲಿಸಿದ್ದಾರೆ. ನ್ಯಾಯಮೂರ್ತಿಗಳು ಮುಂದಿನ ವಿಚಾರಣೆಯನ್ನು ಆಗಸ್ಟ್‌ 21ಕ್ಕೆ ಮುಂದೂಡಿದ್ದಾರೆ.

ಈಗ ಆ ಮೊಕದ್ದಮೆಗಳು ಜಿಲ್ಲಾ ಮತ್ತು ಸೆಷನ್ಯ್‌ ನ್ಯಾಯಾಲಯದ ಮುಂದೆ ಬರಲಿದ್ದು, 51ಜನ ಟಾಡಾ ಆರೋಪಿಗಳ ಪರ ವಹಿಸಿರುವ ವಕೀಲರು ಅಲ್ಲಿ ಜಾಮೀನು ಅರ್ಜಿ ಸಲ್ಲಿಸಬಹುದಾಗಿದೆ. 7 ವರ್ಷಗಳಿಂದ ಟಾಡಾ ಮೊಕದ್ದಮೆಗಳನ್ನು ಎದುರಿಸುತ್ತಿರುವ ಈ 51 ಆರೋಪಿಗಳ ಬಿಡುಗಡೆ ಮಾಡಬೇಕೆಂಬುದು ವೀರಪ್ಪನ್‌ನ ಬೇಡಿಕೆಗಳಲ್ಲಿ ಒಂದಾಗಿದೆ.

ಉನ್ನ-ತ ಮಟ್ಟದ ಸಭೆ : 51 ಮಂದಿ ಆರೋಪಿಗಳ ವಿರುದ್ಧದ ಮೊಕದ್ದಮೆಗಳನ್ನು ಹಿಂತೆಗೆದುಕೊಳ್ಳಲು ಸರಕಾರಕ್ಕೆ ಟಾಡಾ ವಿಶೇಷ ನ್ಯಾಯಾಲಯ ಅನುಮತಿ ನೀಡಿರುವ ಹಿನ್ನೆಲೆಯಲ್ಲಿ ಮುಖ್ಯಮಂತ್ರಿ ಎಸ್‌.ಎಂ. ಕೃಷ್ಣ ಉನ್ನತ ಮಟ್ಟದ -ಸ-ಭೆ ಕರೆದು ಚರ್ಚಿಸಿದರು.

ಸಭೆಯ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಕೃಷ್ಣ , ವೀರಪ್ಪನ್‌ ವಿರುದ್ಧದ ಕಾರ್ಯಾಚರಣೆಯಲ್ಲಿ ಮಡಿದ ಇನ್ಸ್‌ಪೆಕ್ಟರ್‌ ಶಕೀಲ್‌ ಅಹ್ಮದ್‌ ಅವರ ತಂದೆ ಅಬ್ದುಲ್‌ ಖರೀಂ, ಟಾಡಾ ಆರೋಪಿಗಳ ಮೇಲಿನ ಮೊಕದ್ದಮೆ ಕೈಬಿಡುವ ಸರ್ಕಾರದ ನಿರ್ಧಾರದ ವಿರುದ್ಧ ತಕರಾರು ಅರ್ಜಿ ಸಲ್ಲಿಸಿದ್ದರಿಂದ ಆರೋಪಿಗಳಿಗೆ ಜಾಮೀನು ದೊರಕುವುದು ತಡವಾಗಿದೆ ಎಂದರು. ಪ್ರಸ್ತುತ, ನಕ್ಕೀರನ್‌ ಗೋಪಾಲ್‌ ಮತ್ತು ವೀರಪ್ಪನ್‌ ನಡುವಿನ ಮಾತುಕತೆಗಳ ಬೆಳವಣಿಗೆಯ ಕುರಿತು ತಮಿಳುನಾಡಿನಿಂದ ಮಾಹಿ-ತಿಗಾಗಿ ಸರಕಾರ ಕಾಯುತ್ತಿದೆ. ಜಪಾನ್‌ ಪ್ರಧಾನಿ ಯೋಷಿರೋ ಮೋರಿ ಆಗಸ್ಟ್‌ 21ರಂದು ಎರಡು ದಿನಗಳ ಅಧಿಕೃತ ಭೇಟಿಗಾಗಿ ಬೆಂಗಳೂರಿಗೆ ಆಗಮಿಸಲಿದ್ದು , ರಾಜ್‌ ಅಪಹರಣ ಈ ಭೇಟಿಯ ಮೇಲೆ ಯಾವುದೇ ಪ್ರತಿಕೂಲ ಪರಿಣಾಮ ಬೀರುವುದಿಲ್ಲ ಎಂದು ಹೇಳಿದರು.

(ಯುಎ-ನ್‌-ಐ)