ಅಂಗವಿಕಲ ಕ್ರೀಡಾ ಪಟು ವೆಂಕಟರವಣಪ್ಪಗೆ ಅರ್ಜುನ ಪ್ರಶಸ್ತಿ

ಬೆಂಗಳೂರು : ಕರ್ನಾಟಕದ ಶ್ರೇಷ್ಠ ಅಂಗವಿಕಲ ಕ್ರೀಡಾ ಪಟು ಜಿ. ವೆಂಕಟರವಣಪ್ಪ ಅವರಿಗೆ 1999ನೇ ಸಾಲಿನ ಅರ್ಜುನ ಪ್ರಶಸ್ತಿ ಲಭಿಸಿದೆ.

ಆಗಸ್ಟ್‌ 29ರಂದು ದೆಹಲಿಯ ರಾಷ್ಟ್ರಪತಿ ಭವನದ ಅಶೋಕ ಹಾಲ್‌ನಲ್ಲಿ ನಡೆಯುವ ಸಮಾರಂಭದಲ್ಲಿ ರಾಷ್ಟ್ರಪತಿ ಕೆ. ಆರ್‌. ನಾರಾಯಣನ್‌ ಪ್ರಶಸ್ತಿ ನೀಡಲಿದ್ದಾರೆ. ಭಾರತ ಪ್ಯಾರಾ ಒಲಂಪಿಕ್‌ ಸಮಿತಿ ಅಧ್ಯಕ್ಷ ರತನ್‌ ಸಿಂಗ್‌ ಗುರುವಾರ ಪತ್ರಿಕಾಗೋ-ಷ್ಠಿ-ಯಲ್ಲಿ ಈ ವಿಷಯ ತಿಳಿಸಿದರು. ಗೋಷ್ಠಿಯಲ್ಲಿ ವೆಂಕಟರವಣಪ್ಪ ಸಹ ಹಾಜರಿದ್ದರು.

ಎರಡೂ ಕಾಲುಗಳಿಲ್ಲದ ವೆಂಕಟರವಣಪ್ಪ ಅಂತರರಾಷ್ಟ್ರೀಯ ಕ್ರೀಡಾ ಕೂಟ-ಗ-ಳ-ಲ್ಲಿ ಮಾಡಿ-ರು-ವ ಸಾಧನೆ ಶ್ಲಾಘನಾರ್ಹವಾದುದು. ಬ್ಯಾಂಕಾಕ್‌ನಲ್ಲಿ ನಡೆದ ಫೆಸಿಫಿಕ್‌ ಗೇಮ್ಸ್‌ನ ಡಿಸ್ಕಸ್‌ ಥ್ರೋನಲ್ಲಿ ಚಿನ್ನದ ಪದಕ, ಜಾವೆಲಿನ್‌ ಥ್ರೋ ಹಾಗೂ ಷಾಟ್‌ಪಟ್‌ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದಾ-ರೆ. ಬ್ರಿಸ್ಬೇನ್‌ನಲ್ಲಿ ನಡೆದ ವಿಶ್ವ ಮಾಸ್ಟರ್ಸ್‌ ಕ್ರೀಡಾ ಕೂಟದ ವೇಟ್‌ಲಿಫ್ಟಿಂಗ್‌ನಲ್ಲಿ ಚಿನ್ನದ ಪದಕ, ಷಾಟ್‌ಪಟ್‌, ಡಿಸ್ಕಸ್‌ ಥ್ರೋ ಹಾಗೂ ಜಾವೆಲಿನ್‌ ಥ್ರೋಗಳಲ್ಲಿ ಬೆಳ್ಳಿ ಪದಕ ಗಳಿಸಿ-ದ್ದಾ-ರೆ ಹಾಗೂ ರಾಜ್ಯ, ವಲಯ ಹಾಗೂ ರಾಷ್ಟ್ರ ಮಟ್ಟದ ಕ್ರೀಡಾ ಕೂಟಗಳಲ್ಲೂ ಅನೇಕ ಪದಕಗಳನ್ನು ಗೆದ್ದಿದ್ದಾರೆ.

ಪ್ರಶಸ್ತಿ ಲಭಿಸಿದ್ದಕ್ಕೆ ಸಂತೋಷ ವ್ಯಕ್ತಪಡಿಸಿದ ವೆಂಕಟರವಣಪ್ಪ, ಸರ್ಕಾರಕ್ಕೆ ಹಾಗೂ ತಾವು ಕೆಲಸ ಮಾಡುತ್ತಿರುವ ಭಾರತ್‌ ಎಲೆಕ್ಟ್ರಾನಿಕ್‌ ಸಂಸ್ಥೆಯ ಆಡಳಿತ ಮಂಡಳಿಗೆ ಕೃತಜ್ಞತೆ ಹೇಳಿದರು. ಅಂಗವಿಕಲ ಕ್ರೀಡಾ ಪಟುಗಳನ್ನು ಸರ್ಕಾರ ಪ್ರೋತ್ಸಾಹಿಸಬೇಕು ಎಂದರು.