ಹಂಪೆಗೆ ಪ್ರವಾಸೋದ್ಯಮ ನಿಗಮದಿಂದ ಪ್ರಥಮ ಏರ್‌ಟ್ಯಾಕ್ಸಿ

ಹಂಪೆ : ರಾಜ್ಯದ ಪ್ರಮುಖ ಪ್ರವಾಸೀ ತಾಣ ಹಂಪೆಗೆ ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮವು ಪ್ರಥಮ ಬಾರಿಗೆ ವಿಮಾನ ಸಂಪರ್ಕ ಕಲ್ಪಿಸಿದೆ.

ನಿಗಮವು ಮೈಸೂರು, ಬಿಜಾಪುರ, ಬಾದಾಮಿ , ಪುಟ್ಟಪರ್ತಿ ಮತ್ತು ತಿರುಪತಿಗೂ ಈ ಸೌಕರ್ಯವನ್ನು ಸದ್ಯದಲ್ಲಿಯೇ ವಿಸ್ತರಿಸಲಿದ್ದು , ತನೆಜಾ ವಿಮಾನ ಯಾನ ಕಂಪೆನಿಯಾಂದಿಗೆ ಏರ್‌ ಟ್ಯಾಕ್ಸಿಗಳಿಗಾಗಿ ಒಪ್ಪಂದ ಮಾಡಿಕೊಂಡಿದೆ. ಗುರುವಾರ ಪ್ರಥಮ ಬಾರಿಗೆ ಹಂಪೆಯಲ್ಲಿ ಇಳಿಯಲಿರುವ ಏರ್‌ ಟ್ಯಾಕ್ಸಿಯಲ್ಲಿ ಅಮೆರಿಕಾ ರಾಯಭಾರ ಕಚೇರಿಯ ವಾಣಿಜ್ಯ ಸೇವೆಗಳ ಸಲಹೆಗಾರ ಕರೋಲ್‌ರೆಮ್‌, ಅಮೆರಿಕಾ ವಾಣಿಜ್ಯ ರಾಯಭಾರಿ ಕಚೇರಿ ಚೆನ್ನೈ ಶಾಖೆಯ ಡಾನ್ನೇ, ಪ್ರವಾಸೋದ್ಯಮ ನಿಗಮದ ವ್ಯವಸ್ಥಾಪಕ ನಿರ್ದೇಶಕ ಸಂಜೋಯ್‌ ದಾಸ್‌ ಗುಪ್ತಾ ಮತ್ತಿತರ ಗಣ್ಯರು ಹಂಪೆಗೆ ಪ್ರಯಾಣಿಸುತ್ತಾರೆ.

ಏರ್‌ ಟ್ಯಾಕ್ಸಿಯಲ್ಲಿ ಹಂಪೆಗೆ ಪ್ರಯಾಣಿಸುವ ಪ್ರಯಾಣಿಕರಿಗೆ, ನಿಗಮದಲ್ಲಿ ವಸತಿ ವ್ಯವಸ್ಥೆಯೂ ಸೇರಿದಂತೆ 11,350 ರೂಪಾಯಿ (320 ಡಾಲರ್‌) ಖರ್ಚಾಗಲಿದೆ. ವಿದೇಶಿ ಪ್ರವಾಸಿಗರನ್ನು ದೃಷ್ಟಿಯಲ್ಲಿಟ್ಟುಕೊಂಡು ಈ ವ್ಯವಸ್ಥೆಯನ್ನು ಆರಂಭಿಸಲಾಗಿದ್ದು , ಹೆಚ್ಚಿನ ಮಾಹಿತಿಗಳಿಗಾಗಿ ಮತ್ತು ಟಿಕೆಟ್‌ಗಳಿಗಾಗಿ www.travelanza.com, ಅಥವಾ ನಿಗಮದ ಶಾಖೆಯನ್ನು ಸಂಪರ್ಕಿಸಬಹುದು.

ಮುಖಪುಟ / ಇವತ್ತು... ಈ ಹೊತ್ತು...