ಸಿಬಿಐಯಿಂದ 50 ನಿಮಿಷಗಳ ಕಾಲ ರುಂಗ್ಟಾ ವಿಚಾರಣೆ

ನವದೆಹಲಿ : ಬಿಸಿಸಿಐನ ಖಜಾಂಚಿ ಕಿಶೋರ್‌ ರುಂಗ್ಟಾ ಅವರನ್ನು ಸಿಬಿಐ ಗುರುವಾರ ವಿಚಾರಣೆಗೆ ಒಳಪಡಿಸಿತು.

ಸುಮಾರು 50 ನಿಮಿಷಗಳ ಕಾಲ ವಿಚಾರಣೆ ನಡೆಸಿದ ಸಿಬಿಐ, ರುಂಗ್ಟಾ ಅವರಿಂದ ಕೆಲವು ಮಹತ್ವ ದಾಖಲೆಗಳ ಕುರಿತು ಮಾಹಿತಿ ಸಂಗ್ರಹಿಸಿತು. ಈ ಹಿಂದೆ ಆದಾಯ ತೆರಿಗೆ ಇಲಾಖೆ ರುಂಗ್ಟಾ ಅವರ ಕಚೇರಿಗೆ ದಾಳಿ ನಡೆಸಿ ಬಿಸಿಸಿಐನ ಪ್ರಮುಖ ದಾಖಲೆಗಳನ್ನು ವಶಪಡಿಸಿಕೊಂಡಿರುವುದನ್ನು ಇಲ್ಲಿ ಸ್ಮರಿಸಬಹುದು. ಮ್ಯಾಚ್‌ಫಿಕ್ಸಿಂಗ್‌ ತನಿಖೆ ನಡೆಸುತ್ತಿರುವ ಸಿಬಿಐ ಈ ತಿಂಗಳ ಮೊದಲ ವಾರದಲ್ಲಿ ಬಿಸಿಸಿಐ ಅಧ್ಯಕ್ಷ ಎ.ಸಿ. ಮುತ್ತಯ್ಯ, ಕಾರ್ಯದರ್ಶಿ ಜಯವಂತ ಲೆಲೆ ಹಾಗೂ ಮಂಡಳಿಯ ಇತರ ಅಧಿಕಾರಿಗಳ ವಿಚಾರಣೆ ನಡೆಸಿತ್ತು.