ಕಿಂಗ್ ಆಯೋಗದ ಬಟೋಹಿ ಅಜರ್ನ ಪ್ರಶ್ನಿಸ್ತಾರಂತೆ
ಕೇಪ್ಟೌನ್ : ಕ್ರೋನಿಯೆ ಧ್ವನಿ ಇರುವ ಕ್ಯಾಸೆಟ್ ಕೇಳಲು ಸದ್ಯದಲ್ಲೇ ಭಾರತಕ್ಕೆ ಬರಲಿರುವ ದಕ್ಷಿಣ ಆಫ್ರಿಕ ವಕೀಲೆ ಶಮೀಲ ಬಟೋಹಿ ಮಹಮದ್ ಅಜರುದ್ದೀನ್ ಸೇರಿದಂತೆ ಕೆಲವು ಭಾರತೀಯ ಕ್ರಿಕೆಟಿಗರನ್ನೂ ಪ್ರಶ್ನಿಸಲಿದ್ದಾರೆ.
ಕಿಂಗ್ ಆಯೋಗದ ವಕ್ತಾರ ಜಾನ್ ಬ್ಯಾಕನ್ ಮಂಗಳವಾರ ಈ ವಿಷಯವನ್ನು ತಿಳಿಸಿದ್ದಾರೆ. ಭಾರತದಲ್ಲಿ ಒಂದು ವಾರಗಳ ಕಾಲ ಉಳಿಯಲಿರುವ ಬಟೋಹಿ ಹಾಗೂ ತನಿಖಾ ಮುಖ್ಯಾಧಿಕಾರಿ ಕ್ಯಾಪ್ಟನ್ ಜೆಫ್ ಎಡ್ವರ್ಡ್ಸ್ ಬಿಸಿಸಿಐ, ಸಿಬಿಐ, ದೆಹಲಿ ಪೊಲೀಸ್ ಮತ್ತಿತರ ಅಧಿಕಾರಿಗಳನ್ನು ಭೇಟಿಯಾಗಲಿದ್ದಾರೆ. ಈಗಾಗಲೇ ಬಂಧಿತರಾಗಿರುವ ಬುಕ್ಕಿಗಳನ್ನೂ ವಿಚಾರಣೆ ಮಾಡಲಿದ್ದಾರೆ. ಅವರಿಗೆ ಸಹಕಾರ ನೀಡುವಂತೆ ಕೋರಿ ಭಾರತಕ್ಕೆ ಈಗಾಗಲೇ ಮನವಿ ಪತ್ರ ಸಲ್ಲಿಸಿದ್ದು, ಇನ್ನೊಂದು ವಾರದೊಳಗೆ ಪ್ರಕ್ರಿಯೆ ಪೂರ್ಣಗೊಳ್ಳಲಿದೆ. ಆದರೆ ಅವರು ಭಾರತಕ್ಕೆ ಯಾವಾಗ ಪ್ರಯಾಣ ಬೆಳೆಸುವರು ಎಂಬುದು ಇನ್ನೂ ಖಚಿತವಾಗಿಲ್ಲ. ಸೆಪ್ಟೆಂಬರ್ 15ರೊಳಗೆ ಅವರು ದಕ್ಷಿಣ ಆಫ್ರಿಕಕ್ಕೆ ವಾಪಸ್ಸಾಗಬೇಕೆಂಬ ಯೋಜನೆಯಿದೆ ಎಂದು ಬ್ಯಾಕನ್ ತಿಳಿಸಿದರು.
(ಐಎಎನ್ಎಸ್)
ಮುಖಪುಟ / ಆಟದ ಅಂಗಳ