ಹೂ-ಸ್ಟ-ನ್‌ ಸಮ್ಮೇ-ಳ-ನ-ಕ್ಕೆ ವಿ.ವಿ-. ಸದ-ಸ್ಯ : ಸಿಂ-ಡಿ-ಕೇಟ್‌-ನ-ಲ್ಲಿ ಜಟಾ-ಪ-ಟಿ

ಬೆಂಗಳೂರು : ಸೆಪ್ಟೆಂಬರ್‌ 1ರಿಂದ ಪ್ರಾರಂಭವಾಗಲಿರುವ ಹೂಸ್ಟನ್‌ ಕನ್ನಡ ಸಮ್ಮೇಳನಕ್ಕೆ ಬೆಂಗಳೂರು ವಿ.ವಿ.ಯ ಸಿಂಡಿಕೇಟ್‌ ಸದಸ್ಯರೊಬ್ಬರನ್ನು ಪ್ರತಿನಿಧಿಯಾಗಿ ಕಳುಹಿಸುವ ಕಾನೂನು ಬಾಹಿರ ಯತ್ನ ನಡೆದಿದೆ ಎಂದು ವಿ.ವಿ.ಯ ಇನ್ನೊಬ್ಬ ಸಿಂಡಿಕೇಟ್‌ ಸದಸ್ಯ ಬಿ. ನಂಜುಂಡಪ್ಪ ಆಪಾದಿಸಿದ್ದಾರೆ.

ಬೆಂಗಳೂರು ಕನ್ನಡ ಅಧ್ಯಯನ ಕೇಂದ್ರಗಳ ಅಭಿವೃದ್ಧಿ ಬಗೆಗೆ ಅಮೆರಿಕೆಯ ವಿಶ್ವವಿದ್ಯಾಲಯಗಳಲ್ಲಿ ಅಧ್ಯಯನ ಮಾಡುವ ಸಬೂಬು ನೀಡಿ ಅವರನ್ನು ಹೂಸ್ಟನ್‌ ಸಮ್ಮೇಳನಕ್ಕೆ ಕಳುಹಿಸುವ ಹುನ್ನಾರ ನಡೆದಿದೆ. ಯಾವುದೇ ಚುನಾಯಿತ ಸಿಂಡಿಕೇಟ್‌ ಸದಸ್ಯರನ್ನು ಸಿಂಡಿಕೇಟ್‌ನ ಗಮನಕ್ಕೆ ತರದೆ ವಿಶ್ವವಿದ್ಯಾಲಯದ ಖರ್ಚಿನಲ್ಲಿ ಕಳುಹಿಸುವುದು ಕಾನೂನು ಬಾಹಿರ. ಅಮೆರಿಕೆಯ ರಾಯಭಾರಿ ಕಚೇರಿಯನ್ನು ಸಂಪರ್ಕಿಸಿ ವೀಸಾ ಪಡೆಯುವ ಯತ್ನಗಳು ನಡೆದಿರುವುದು ಗಮನಕ್ಕೆ ಬಂದಿದೆ. ಇದು ಸರಿಯಲ್ಲ. ಇಂಥ ಕಾನೂನು ಬಾಹಿರ ಚಟುವಟಿಕೆಯ ಬಗ್ಗೆ ಈಗಾಗಲೇ ಸರ್ಕಾರಕ್ಕೆ ಪತ್ರ ಬರೆದಿದ್ದೇನೆ ಎಂದು ನಂಜುಂಡಪ್ಪ ತಿಳಿಸಿದ್ದಾರೆ.