• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕಲ್ಬುರ್ಗಿಯಲ್ಲಿ ಕೆಟ್ಟು ನಿಂತ ಸೂರ್ಯರಥ

By Super
|

ಕರ್ನಾಟಕ ಒಂದು ಟ್ರಾಪಿಕಲ್‌ ಕಂಟ್ರಿ ಎನ್ನುವುದನ್ನೇ ಮರೆತವರನ್ನು ಬಡಿದೆಬ್ಬಿಸಿ ನೆನಪಿಸುವಂತೆ ಇದೀಗ ರಾಜ್ಯದಲ್ಲಿ ಬೇಸಿಗೆ ತನ್ನ ಆಟಾಟೋಪ ಮೆರೆಯುತ್ತಿದೆ. ಉತ್ತರ ಕರ್ನಾಟಕದ ವಿಷಯಕ್ಕೆ ಆಮೇಲೆ ಬರೋಣ, ಮಲೆನಾಡಿನ ರಾಜಧಾನಿ ಎನಿಸಿಕೊಂಡ ಶಿವಮೊಗ್ಗದಲ್ಲೇ ಉಷ್ಣಾಂಶ 38 ಡಿಗ್ರಿ ಸೆಲ್ಸಿಯಸ್‌ ಇದೆ . ದಕ್ಷಿಣ ಒಳನಾಡಿನ ಚಿತ್ರದುರ್ಗ, ಬೆಂಗಳೂರು, ಮಂಡ್ಯ, ಮೈಸೂರು, ತುಮಕೂರು ಜಿಲ್ಲೆಗಳಲ್ಲಿ ಉಷ್ಣಾಂಶ ಸರಿಸುಮಾರು ಅಷ್ಟೇ ಇದೆ.

ಈ ಭಾಗದ ಜನತೆಗೆ ಒಂದು ಮಾತು. ಹೀಗಾದರೆ ಏನು ಗತಿ ಎನ್ನುವ ಉದ್ಗಾರ ತೆಗೆಯುವ ಮುನ್ನ ಉತ್ತರ ದಿಕ್ಕಿನಲ್ಲಿ ಏನಾಗುತ್ತಿದೆ ಅಂತ ತಿಳಿದುಕೊಂಡು ಸ್ವಲ್ಪ ಸಮಾಧಾನ ಪಟ್ಟುಕೊಳ್ಳಬೇಕು.

ಹವಾಮಾನ ಇಲಾಖೆಯ ಪ್ರಕಾರ ಉತ್ತರ ಕನಾಟಕದ ಏಳು ಭಾಗಗಳ ಪೈಕಿ ಅತ್ಯಂತ ಕಡಮೆ -ಗರಿಷ್ಠ ಉಷ್ಣಾಂಶ ದಾಖಲಾಗಿರುವುದು ಬೆಳಗಾವಿಯಲ್ಲಿ (36) ಗದಗ 39, ಬಾಗಲಕೋಟೆ 38, ರಾಯಚೂರು-ಬೀದರ್‌-ಬಿಜಾಪುರ ತಲಾ 40. ಇನ್ನು ಕಲ್ಬುರ್ಗಿಯಲ್ಲಿ ನೆತ್ತಿಯ ಮೇಲೆ ಹೊಡೆದಂತೆ 43.

ಕರಾವಳಿಯಲ್ಲಿ ಪರಿಸ್ಥಿತಿ ತಣ್ಣಗಿದೆ ಎಂದು ಕೊಂಡರೆ ಕೆಟ್ಟಿರಿ. ಮಂಗಳೂರು, ಹೊನ್ನಾವರ, ಕಾರವಾರ ಪ್ರದೇಶಗಳಲ್ಲಿ ಬಿಸಿ 32ರಿಂದ 35ರ ವರೆಗೆ ತುಯ್ದಾಡುತ್ತಿದೆ. ಮಳೆಯ ಸುಳಿವು ಕೂಡ ಇಲ್ಲ.

ಈ ಮಧ್ಯೆ ಚೂರುಪಾರು ಪುಣ್ಯ ಮಾಡಿದವರೆಂದರೆ ನಮ್ಮ ಮೈಸೂರು, ನಂಜನಗೂಡಿನ ಜನ. ಆ ಕಡೆ ಒಂದೆರಡು ಸೆಂ. ಮೀ. ಮಳೆ ಬಿದ್ದು ತಂಪಾಗಿದೆ. ಅಂದಹಾಗೆ ಸೋಮವಾರ ಬೆಂಗಳೂರಿನಲ್ಲಿ ರಾತ್ರಿ ಗುಡುಗು ಮಿಂಚು ಜೋರಾಗಿತ್ತು. ಇದೆಲ್ಲ ವರುಣನ ಬರಿಬಾಯಿಮಾತು ಅಂತ ಇವತ್ತು ಗೊತ್ತಾಯಿತು.

ದಕ್ಷಿಣ ಒಳನಾಡಿನಲ್ಲಿ ಕೆಲವು ಕಡೆ ಮಳೆ ಬರಬಹುದೆಂಬ ಸೂಚನೆಗಳಿವೆ. ಈ ಭವಿಷ್ಯಗಳು ನಿಜವಾಗಲೆಂದು ಆಶಿಸುತ್ತೇವೆ.

ಮಳೆ ಯಾರ ಕೈಯಲ್ಲಿದೆ? ಎಕ್ಸ್‌ಪೆಕ್ಟ್‌ ಮಾಡುವುದೇ ನಾವು ಮಾಡುವ ತಪ್ಪು, ಸುಮ್ಮನೆ ಎದುರು ನೋಡುತ್ತಾ ಇರಬೇಕು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
weather rain climate wind rain Bangalore Karnataka,

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more