ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಏನು ಹೇಳಲಿ ಅವಳ ವೈಯ್ಯಾರ?

By Staff
|
Google Oneindia Kannada News


ಬೆಳಕಿನ ಸುಳಿ ತರುವುದು ಈ ದೀಪಾವಳಿ...ಎಲ್ಲೆಡೆ ಮೂಡಿಸುತ್ತಾ ಬೆಳಕಿನ ಪ್ರಭಾವಳಿ..

  • ಮಲೆನಾಡಿಗ
ನಿನ್ನ ಕಣ್ಗಳ ಕಾಂತಿಯಿಂದ ಮನೆಯು ಬೆಳಗಿದೆ
ಅಂಧಕಾರದಿ ತುಂಬಿದ್ದ ನನ್ನ ಮನಕ್ಕೆ ನೀ ಜ್ಯೋತಿಯಾದೆ
ಹರುಷದ ಹೊನಲು ಹರಿದಿದೆ ಇಂದು
ಮುದದಿ ನಲಿಯುತಿಹರು ಚಿಣ್ಣರು ನಿನ್ನ ಹಿಂದು ಮುಂದು

ಬೆಳಕಿನ ಹಬ್ಬವ ಸ್ವಾಗತಿಸುವ ಪರಿಯ ನಾ ಅರಿಯೆ
ತಾಮಸ ಜಗದಿ ಬಂಧಿತನಾಗಿದ್ದ ನಾ ಮರೆಯೆ
ನೀ ತಂದೆ ನನ್ನ ಬಾಳಿಗೆ ಬೆಳಕಿನ ಸಿರಿ
ನನ್ನ ಕತ್ತಲ ಬದುಕಿಗೆ ಜ್ಞಾನ ಬೆಳಕ ಹರಿಸಿದೆ
ಮನದ ದುಗುಡವ ಮರೆಯಲು ಸರಿ ಹಬ್ಬವ ಆಚರಿಸಿದೆ

ಆಗಸದಿ ತಾರೆಗಳು ಮಂಕಾದವು ಪಟಾಕಿಯ ಬೆಳಕಿಗೆ
ಸಿಹಿ ತಿನಿಸಿನ ರಸದೌತಣ ನೀಡಿದೆ ಎಲ್ಲರ ಉದರಕೆ
ಹೊಸ ದಿರಿಸು ಧರಿಸಿ ಕಣ್ಮನ ಸೆಳೆಯುವ ಬಾಲೆಯರು
ಬೊಗಸೆ ತುಂಬಾ ದೀಪವ ಹಿಡಿದು ಕತ್ತಲೆಯ ನೀಗಿಸಲು ನಿಂತಿಹರು
ದೀಪಾವಳಿಯೆಂದರೆ ಚಿಣ್ಣರಿಗೆ ಪಟಾಕಿ, ಹೊಸ ದಿರಿಸಿನ ನೆನಪು
ನನಗೆ ಮಾತ್ರ ನೆನಪಿರುವುದು ನನ್ನಾಕೆಯ ಸಂಭ್ರಮದ ಒನಪು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X