ವೇಣು ಸೇರಿದಂತೆ ಐದು ಮಂದಿಗೆ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ

ಬೆಂಗಳೂರು, ನ.23 : ವಸಂತ ಕುಷ್ಟಗಿ, ಬಿ.ಎಲ್.ವೇಣು ಸೇರಿದಂತೆ ಐವರು ಸಾಹಿತಿಗಳಿಗೆ 2007ನೇ ಸಾಲಿನ ಕರ್ನಾಟಕ ಸಾಹಿತ್ಯ ಅಕಾಡೆಮಿ ಗೌರವ ಪ್ರಶಸ್ತಿ ಸಂದಿದೆ. ಪ್ರಶಸ್ತಿಯು ಹತ್ತು ಸಾವಿರ ರೂಪಾಯಿ ನಗದು ಮತ್ತು ಪ್ರಶಸ್ತಿ ಫಲಕವನ್ನು ಹೊಂದಿದೆ.

ಹಿರಿಯ ಲೇಖಕ ವಸಂತ ಕುಷ್ಟಗಿ, ಕಾವ್ಯ ಮೀಮಾಂಸ ಚಿಂತಕ ಕೆ.ವಿ. ನಾರಾಯಣ, ಚಿತ್ರ ಸಾಹಿತಿಯಾಗಿಯೂ ಪ್ರಸಿದ್ಧರಾಗಿದ್ದ ಬಿ.ಎಲ್. ವೇಣು, ಕವಯಿತ್ರಿ ಹೇಮಾ ಪಟ್ಟಣಶೆಟ್ಟಿ ಹಾಗೂ ಮುಳ್ಳೂರು ನಾಗರಾಜ್ ಈ ಬಾರಿಯ ಗೌರವ ಪ್ರಶಸ್ತಿ ಪುರಸ್ಕೃತರು. ಫೆಬ್ರವರಿಯಲ್ಲಿ ನಡೆಯುವ ಸಮಾರಂಭದಲ್ಲಿ ಅಕಾಡೆಮಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ಅಧ್ಯಕ್ಷರಾದ ಡಾ. ಗೀತಾ ನಾಗಭೂಷಣ್ ತಿಳಿಸಿದ್ದಾರೆ.

(ದಟ್ಸ್ ಕನ್ನಡ ವಾರ್ತೆ)