Noodle Lovers Be Careful: ಮ್ಯಾಗೀ ಅಂದರೆ ನಗೆ ಬೀರೋ ನೂಡಲ್ಸ್ ಪ್ರಿಯರಿಗೆ ಶಾಕಿಂಗ್ ಸುದ್ದಿ!
ಪ್ರಪಂಚದಾದ್ಯಂತ ಲಕ್ಷಾಂತರ ಮನೆಗಳಲ್ಲಿ ತ್ವರಿತವಾಗಿ ತಯಾರಿಸುವ ನೂಡಲ್ಸ್ ನೆಚ್ಚಿನ ಖಾದ್ಯವಾಗಿದೆ. ಇದನ್ನು ತಯಾರಿಸಲು ಕಡಿಮೆ ಸಮಯ ಹಾಗೂ ಕಡಿಮೆ ಖರ್ಚು ತೆಗೆದುಕೊಳ್ಳುವುದರಿಂದ ಅನೇಕ ಮನೆಗಳಲ್ಲಿ ಇದು ಪ್ರಧಾನ ತಿಂಡಿಯಾಗಿ ಜನಪ್ರಿಯವಾಗಿದೆ. ಬಗೆ ಬಗೆಯ ರುಚಿಯಲ್ಲಿ ಲಭ್ಯವಿರುವ ಈ ನೂಡಲ್ಸ್ ತಿನ್ನುವ ಮುನ್ನ ಇದನ್ನು ಓದಿ....
ನೂಡಲ್ಸ್ ನಾಲಿಗೆಗೆ ರುಚಿ ನೀಡುತ್ತದೆ. ಅಲ್ಲದೆ ಇದು ತಾತ್ಕಾಲಿಕ ಹಸಿವನ್ನು ನೀಗಿಸುವ ಏಕೈಕ ತ್ವರಿತ ತಿಂಡಿಯಾಗಿದೆ. ಹೆಚ್ಚಿನ ಸೋಡಿಯಂ ಅಂಶದಿಂದ ಕಡಿಮೆ ಪೌಷ್ಟಿಕಾಂಶ ಇದು ಹೊಂದಿದೆ. ಹೀಗಾಗಿ ಇದನ್ನು ತಿನ್ನುವುದು ಅನೇಕ ಆರೋಗ್ಯ ಸಮಸ್ಯೆಗಳನ್ನು ಉಂಟು ಮಾಡುತ್ತದೆ. ಹಾಗಾದರೆ ತ್ವರಿತ ನೂಡಲ್ಸ್ ತಿನ್ನುವುದರಿಂದ ಆಗುವ ಅಪಾಯಗಳೇನು ಎಂದು ತಿಳಿಯೋಣ.
ಅಧಿಕ ಸೋಡಿಯಂ
ಪರಿಮಳವನ್ನು ಹೆಚ್ಚಿಸಲು ತ್ವರಿತ ನೂಡಲ್ಸ್ಗೆ ಸೋಡಿಯಂ ಅನ್ನು ಹೆಚ್ಚಾಗಿ ಸೇರಿಸಲಾಗುತ್ತದೆ. ಆದರೆ ಈ ಸೋಡಿಯಂ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಹೆಚ್ಚು ಸೋಡಿಯಂ ಸೇವನೆಯಿಂದ ರಕ್ತದೊತ್ತಡ ಹೆಚ್ಚಾಗುತ್ತದೆ. ಇದು ಹೃದ್ರೋಗ ಮತ್ತು ಪಾರ್ಶ್ವವಾಯು ಅಪಾಯವನ್ನು ಹೆಚ್ಚಿಸುತ್ತದೆ. ಅಲ್ಲದೆ ಹೊಟ್ಟೆ ಉಬ್ಬುವುದು ಮತ್ತು ಅಸ್ವಸ್ಥತೆಯಂತಹ ಸಮಸ್ಯೆಗಳನ್ನು ಎದುರಿಸಬಹುದು.
ಕಡಿಮೆ ಪೋಷಕಾಂಶಗಳು
ನೂಡಲ್ಸ್ ತ್ವರಿತವಾಗಿ ಮತ್ತು ಸುಲಭವಾಗಿ ಬೇಯಿಸಬಹುದು. ಆದರೆ ಇದು ಕಡಿಮೆ ಪೌಷ್ಟಿಕಾಂಶವನ್ನು ಹೊಂದಿದೆ. ಇದರಲ್ಲಿ ಫೈಬರ್, ಪ್ರೋಟೀನ್, ಜೀವಸತ್ವಗಳು ಕಡಿಮೆ ಇರುವುದರಿಂದ ದೇಹಕ್ಕೆ ಬೇಕಾದ ಪೌಷ್ಟಿಕಾಂಶದ ಅಗತ್ಯವನ್ನು ಪೂರೈಸುವುದಿಲ್ಲ. ನೂಡಲ್ಸ್ ಸಂಸ್ಕರಿಸಿದ ಹಿಟ್ಟು ಮತ್ತು ಅನಾರೋಗ್ಯಕರ ಕೊಬ್ಬನ್ನು ಹೊಂದಿರುತ್ತದೆ.
ಜೀರ್ಣಾಂಗ ಆರೋಗ್ಯದ ಮೇಲೆ ಪರಿಣಾಮ
ತ್ವರಿತ ನೂಡಲ್ಸ್ನಲ್ಲಿ ಫೈಬರ್ ಅಂಶ ಹೆಚ್ಚಾಗಿದ್ದು ಜೀರ್ಣಕ್ರಿಯೆಯನ್ನು ನಿಧಾನಗೊಳಿಸುತ್ತದೆ. ಇದು ಅಜೀರ್ಣ ಮತ್ತು ಹೊಟ್ಟೆ ಉಬ್ಬುವಿಕೆಗೆ ಕಾರಣವಾಗುತ್ತದೆ. ನೂಡಲ್ಸ್ ಆಗಾಗ್ಗೆ ಸೇವನೆಯಿಂದ ಅದು ಮೆಟಾಬಾಲಿಕ್ ಸಿಂಡ್ರೋಮ್ ಅಪಾಯವನ್ನು ಹೆಚ್ಚಿಸಬಹುದು ಎಂದು ಕೆಲವು ಅಧ್ಯಯನಗಳು ಸೂಚಿಸುತ್ತವೆ. ಇದು ಹೃದ್ರೋಗ, ಪಾರ್ಶ್ವವಾಯು ಮತ್ತು ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ.
ಅನಾರೋಗ್ಯಕರ ಕೊಬ್ಬುನಾಂಶ ಅಧಿಕ
ಉತ್ಪಾದನೆಯ ಸಮಯದಲ್ಲಿ ನೂಡಲ್ಸ್ ಅನ್ನು ಹುರಿಯಲಾಗುತ್ತದೆ. ನೂಡಲ್ಸ್ನ ಕೆಲವು ಬ್ರ್ಯಾಂಡ್ಗಳು ಟ್ರಾನ್ಸ್ ಫ್ಯಾಟ್ಗಳನ್ನು ಹೊಂದಿರುತ್ತವೆ. ಇದರ ಸೇವನೆ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ಹೆಚ್ಚಿಸುತ್ತದೆ ಮತ್ತು ಒಳ್ಳೆಯ ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡುತ್ತದೆ. ಅಲ್ಲದೆ ಇದು ಹೃದ್ರೋಗದ ಅಪಾಯವನ್ನು ಹೆಚ್ಚಿಸುತ್ತದೆ. ಅನಾರೋಗ್ಯಕರ ಕೊಬ್ಬುಗಳು ತೂಕ ಹೆಚ್ಚಾಗಲು ಮತ್ತು ಹೃದಯ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸುತ್ತದೆ.
ರುಚಿಯನ್ನು ಹೆಚ್ಚಿಸಲು ಏನೆಲ್ಲಾ ಬಳಕೆ?
ತ್ವರಿತ ನೂಡಲ್ಸ್ MSG ನಂತಹ ವಿವಿಧ ಸಂರಕ್ಷಕಗಳನ್ನು ಹೊಂದಿರುತ್ತದೆ. ಇದನ್ನು ರುಚಿಯನ್ನು ಹೆಚ್ಚಿಸಲು ಬಳಸಲಾಗುತ್ತದೆ. ಇದು ಕೆಲವರಿಗೆ ತಲೆನೋವು, ವಾಕರಿಕೆ ಮತ್ತು ಇತರ ಸಮಸ್ಯೆಗಳನ್ನು ಉಂಟುಮಾಡಬಹುದು. ಇದನ್ನು ನಿಯಮಿತವಾಗಿ ಸೇವಿಸಿದಾಗ ವಿವಿಧ ಆರೋಗ್ಯ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.
ತೂಕ ಹೆಚ್ಚಳ
ದೇಹಕ್ಕೆ ಅಪಾಯಕಾರಿಯಾದ ನೂಡಲ್ಸ್ ಅನ್ನು ನೀವೇನಾದರೂ ಪ್ರತಿನಿತ್ಯ ತಿನ್ನುತ್ತಿದ್ದರೆ ನಿಮ್ಮ ತೂಕ ಗಣನೀಯವಾಗಿ ಹೆಚ್ಚಾಗುತ್ತದೆ. ಈ ಸಿದ್ಧ ಆಹಾರಗಳು ಕಾರ್ಬೋಹೈಡ್ರೇಟ್ಗಳು ಮತ್ತು ಹೆಚ್ಚು ಕೊಬ್ಬನ್ನು ಹೊಂದಿರುತ್ತವೆ. ಜೊತೆಗೆ ಕಡಿಮೆ ಕ್ಯಾಲೋರಿಗಳು ಮತ್ತು ಅಗತ್ಯವಾದ ಪೋಷಕಾಂಶಗಳನ್ನು ಹೊಂದಿರುತ್ತದೆ. ಆದ್ದರಿಂದ ನೀವು ಬೇಗ ಹಸಿವಿನಿಂದ ತೃಪ್ತಿ ಪಡಬಹುದು. ಕಾಲಾನಂತರದಲ್ಲಿ ಇದು ಅನಗತ್ಯ ತೂಕ ಮತ್ತು ಇತರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು.
ಹೀಗಾಗಿ ಮ್ಯಾಗಿ ನೂಡಲ್ಸ್ ತಿನ್ನುವುದನ್ನು ತ್ಯಜಿಸಿಬಿಡಿ ಅಥವಾ ಇದರ ಸೇವನೆ ಮಿತಿಗಳಿಸಿದರೆ ತುಂಬಾ ಒಳ್ಳೆಯದು. ಇಲ್ಲವಾದಲ್ಲಿ ನಿಮಗೆ ಕಾಲ ಕಳೆದಂತೆ ಅನೇಕ ಆರೋಗ್ಯ ಸಮಸ್ಯೆಗಳು ಎದುರಾಗುತ್ತವೆ. ಇದು ಗಂಭೀರ ಆರೋಗ್ಯ ಸಮಸ್ಯೆಗಳನ್ನು ಉಂಟು ಮಾಡಬಹುದು.
Click it and Unblock the Notifications
Sign in with Google