ಮನೆಯಲ್ಲಿ ಉಳಿದ ಅನ್ನ ಇದಿಯಾ? ಹಾಗಾದರೆ ಈ ಕೇರಳದ ಸ್ಪೆಷಲ್ ತುಪ್ಪದ ನೈಪಥಾಲ್ ಅನ್ನು 10 ನಿಮಿಷದಲ್ಲಿ ಮಾಡಿ..
ಪ್ರತಿದಿನ ಬೆಳಿಗ್ಗೆ ಇಡ್ಲಿ, ದೋಸೆ, ಪೂರಿ, ಚಪಾತಿಯನ್ನು ತಿನ್ನಲು ಬೇಸರ ಆಗಿದಿಯಾ? ಸ್ವಲ್ಪ ವಿಭಿನ್ನವಾದ ಉಪಹಾರವನ್ನು ತಿನ್ನಲು ಮನಸ್ಸಾಗಿದಿಯಾ? ಹಾಗಾದರೆ ಕೇರಳ ಸ್ಪೆಷಲ್ ತುಪ್ಪದ ನೈಪಥಾಲ್ (Neypathal) ಮಾಡಿ. ಈ ತುಪ್ಪದ ನೈಪಥಾಲ್ ಮಾಡಲು ಉಳಿದ ಅನ್ನ ಸಾಕು. ಇದರೊಂದಿಗೆ ನೀವು ರುಚಿಕರವಾದ ಪಥಾಲ್ ಮಾಡಬಹುದು.
ಕೇರಳದ ಜನರು ಈ ನೈಪಥಾಲ್ ಅನ್ನು ಬೆಳಗಿನ ಉಪಾಹಾರಕ್ಕಾಗಿ ತಿನ್ನುತ್ತಾರೆ. ಇದನ್ನು ನೀವು ಕೂಡ ನಿಮ್ಮ ಮನೆಯಲ್ಲಿ ತಯಾರಿಸಿ ಸೇವಿಸಬಹುದು. ಹಾಗಾದರೆ ತುಪ್ಪದ ನೈಪಥಾಲ್ ಅನ್ನು ಸರಳ ರೀತಿಯಲ್ಲಿ ಮಾಡುವುದು ಹೇಗೆಂದು ತಿಳಿಯೋಣ. ಇದನ್ನು ಓದಿ ಮನೆಯಲ್ಲೊಂದು ಬಾರಿ ಟ್ರೈ ಮಾಡಿ.
ಅಗತ್ಯವಿರುವ ವಸ್ತುಗಳು:
*ಉಳಿದ ಅನ್ನ - 1 ಕಪ್
* ಅಕ್ಕಿ ಹಿಟ್ಟು - 1 ಕಪ್
* ಈರುಳ್ಳಿ - 1 (ಸಣ್ಣದಾಗಿ ಹೆಚ್ಚಿದ)
* ತೆಂಗಿನಕಾಯಿ - 1 1/2 ಕಪ್ (ತುರಿದ)
* ಉಪ್ಪು - ರುಚಿಗೆ ತಕ್ಕಂತೆ
* ನೀರು - ಅಗತ್ಯವಿರುವ ಪ್ರಮಾಣ
* ಜೀರಿಗೆ - 2 tbsp
* ಕರಿಬೇವಿನ ಎಲೆಗಳು - ಸ್ವಲ್ಪ (ಸಣ್ಣದಾಗಿ ಹೆಚ್ಚಿದ)
* ಎಣ್ಣೆ - ಕರಿಯಲು ಬೇಕಾದ ಪ್ರಮಾಣ
* ತುಪ್ಪ - ಅಗತ್ಯ ಪ್ರಮಾಣ
ಪಾಕವಿಧಾನ:
* ಮೊದಲು ಅಕ್ಕಿಯನ್ನು ಮಿಕ್ಸರ್ ಜಾರ್ ಗೆ ಹಾಕಿ ರುಬ್ಬಿಕೊಳ್ಳಿ.
* ನಂತರ ಇದನ್ನು ಒಂದು ಪಾತ್ರೆಗೆ ತೆಗೆದುಕೊಂಡು ಅದಕ್ಕೆ ಅಕ್ಕಿಹಿಟ್ಟು ಹಾಕಿ ಪೂರಿ ಹಿಟ್ಟಿನ ಹದಕ್ಕೆ ಕಲಸಿ.
* ನಂತರ ತೆಂಗಿನತುರಿ, ಈರುಳ್ಳಿ, ಜೀರಿಗೆ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಮ್ಯಾಶ್ ಮಾಡಿ.
* ನಂತರ ಕಲಸಿದ ಹಿಟ್ಟನ್ನು ನಿಂಬೆ ಗಾತ್ರದ ಉಂಡೆಗಳನ್ನಾಗಿ ಮಾಡಿ.
* ನಂತರ ಬಾಳೆ ಎಲೆಯನ್ನು ತೆಗೆದುಕೊಂಡು ಅದರ ಮೇಲೆ ತುಪ್ಪವನ್ನು ಹಚ್ಚಿ ಮತ್ತು ಈ ಚೆಂಡುಗಳನ್ನು ಒಂದೊಂದಾಗಿ ಇರಿಸಿ ಅವುಗಳನ್ನು ಚಪ್ಪಟೆಯಾಗಿ ತಟ್ಟಿಕೊಳ್ಳಿ.
* ಒಂದು ಬಾಣಲೆಯನ್ನು ಒಲೆಯ ಮೇಲೆ ಇಟ್ಟು ಅದರಲ್ಲಿ ಕರಿಯಲು ಬೇಕಾದಷ್ಟು ಎಣ್ಣೆಯನ್ನು ಹಾಕಿ ಎಣ್ಣೆ ಬಿಸಿಯಾದಾಗ ಪತಾಲನ್ನು ಹಾಕಿ ಸಣ್ಣ ಉರಿಯಲ್ಲಿ ಹುರಿಯಿರಿ.
* ಇದೇ ರೀತಿ ಎಲ್ಲಾ ಉಂಡೆಗಳನ್ನೂ ಎಣ್ಣೆಯಲ್ಲಿ ಕರಿದರೆ ರುಚಿಕರವಾದ ಕೇರಳ ಶೈಲಿಯ ಪಥಾಲ್ ರೆಡಿ.
Click it and Unblock the Notifications
Sign in with Google