ಭಾರತದ ಈ 5 ನಗರಗಳಲ್ಲಿ ಸಿಗುತ್ತೆ ಬೆಸ್ಟ್ ಸ್ಟ್ರೀಟ್ ಫುಡ್; ಆಹಾರ ಪ್ರಿಯರು ಮಿಸ್ ಮಾಡ್ಬೇಡಿ
ಭಾರತದಲ್ಲಿ ಪ್ರವಾಸಕ್ಕೆ ಹೋದಾಗ ಅಲ್ಲಿನ ಸ್ಟ್ರೀಟ್ ಫುಡ್ ಸವಿಯದೇ ಬಂದರೆ ಆ ಪ್ರವಾಸವು ಪೂರ್ಣವಾಗುವುದಿಲ್ಲ ಎಂದು ಹೇಳಲಾಗುತ್ತದೆ. ದೇಶದ ಪ್ರತಿಯೊಂದು ನಗರವೂ ತನ್ನದೇ ಆದ ವಿಶಿಷ್ಟ ಆಹಾರ ಸಂಸ್ಕೃತಿಯನ್ನು ಹೊಂದಿದ್ದು, ರಸ್ತೆ ಬದಿಯ ತಿಂಡಿಗಳು ಅಲ್ಲಿನ ಸಂಸ್ಕೃತಿ ಮತ್ತು ಜೀವನ ಶೈಲಿಯನ್ನು ಪ್ರತಿಬಿಂಬಿಸುತ್ತವೆ. ರುಚಿಕರ ಆಹಾರ ಪ್ರಿಯರಿಗೆ ಭಾರತದಲ್ಲಿ ಅನೇಕ ನಗರಗಳು ಸ್ವರ್ಗದಂತಿವೆ. ಭಾರತದ ಅತ್ಯುತ್ತಮ ಸ್ಟ್ರೀಟ್ ಫುಡ್ಗಾಗಿ ಪ್ರಸಿದ್ಧಿಯಾಗಿರುವ ಈ 5 ನಗರಗಳು ಕೆಳಗಿನಂತಿವೆ.
ಲಖನೌ
ನವಾಬರ ನಗರ ಎಂದೇ ಪ್ರಸಿದ್ಧಿಯಾದ ಲಖನೌ ತನ್ನ ಶ್ರೀಮಂತ ಅವಧಿ ಮತ್ತು ನವಾಬಿ ಆಹಾರ ಶೈಲಿಗೆ ಹೆಸರುವಾಸಿಯಾಗಿದೆ. ಇಲ್ಲಿ ಸಿಗುವ ತುಂಡೇ ಕಬಾಬ್ ಮತ್ತು ಗಲೌಟಿ ಕಬಾಬ್ಗಳು ಬಾಯಲ್ಲಿ ಹಾಕಿದ ತಕ್ಷಣ ಕರಗುವಷ್ಟು ಮೃದುವಾಗಿರುತ್ತವೆ. ಹಜ್ರತ್ಗಂಜ್ ಪ್ರದೇಶದಲ್ಲಿ ಕಡಿಮೆ ಬೆಲೆಗೆ ರುಚಿಕರ ಸ್ಟ್ರೀಟ್ ಫುಡ್ ಸಿಗುತ್ತದೆ.
ಇಲ್ಲಿನ ಕೋರಮಾ, ಶೀರ್ಮಲ್, ವಿವಿಧ ಬಗೆಯ ಚಾಟ್, ಲಸ್ಸಿ, ಕುಲ್ಫಿ ಮತ್ತು ಮಲೈ ಮಖನ್ ಸಿಹಿ ತಿನಿಸುಗಳು ಆಹಾರ ಪ್ರಿಯರನ್ನು ಸೆಳೆಯುತ್ತವೆ. ರಾಜಮನೆತನದ ಸೊಗಡು ಹೊಂದಿರುವ ಈ ನಗರದ ಆಹಾರ ಸವಿಯಲು ದೇಶದ ವಿವಿಧ ಭಾಗಗಳಿಂದ ಜನರು ಬರುತ್ತಾರೆ.
ಕೋಲ್ಕತ್ತಾ
'ಸಿಟಿ ಆಫ್ ಜಾಯ್' ಎಂದೇ ಕರೆಯಲ್ಪಡುವ ಕೋಲ್ಕತ್ತಾ ಕಡಿಮೆ ವೆಚ್ಚದಲ್ಲಿ ಉತ್ತಮ ಸ್ಟ್ರೀಟ್ ಫುಡ್ ಸವಿಯಲು ಸೂಕ್ತ ನಗರವಾಗಿದೆ. ಇಲ್ಲಿ ಸಿಗುವ ಘುಘ್ನಿ ಚಾಟ್, ಝಾಲ್ಮುರಿ ಮತ್ತು ಕರಿದ ಟೆಲಿಭಾಜ್ ಬಹಳ ಜನಪ್ರಿಯವಾಗಿದೆ.
ರಸಮಲೈ, ರಸಗೊಲ್ಲ ಮತ್ತು ಗುಲಾಬ್ ಜಾಮೂನ್ ಮೊದಲಾದ ಸಿಹಿ ಪದಾರ್ಥಗಳು ಕೋಲ್ಕತ್ತಾದ ವಿಶೇಷತೆ. ಪಾರ್ಕ್ ಸ್ಟ್ರೀಟ್ ಮತ್ತು ನ್ಯೂ ಮಾರ್ಕೆಟ್ ಪ್ರದೇಶಗಳಲ್ಲಿ ವಿವಿಧ ರೀತಿಯ ರಸ್ತೆ ಬದಿ ಆಹಾರಗಳನ್ನು ಸವಿಯಬಹುದು. ಇಲ್ಲಿ ಸಿಗುವ ಕುಲ್ಹಡ್ ಚಹಾ ಕೂಡಾ ಪ್ರವಾಸಿಗರ ಫೇವರಿಟ್ ಆಗಿದೆ.
ಮುಂಬೈ
ಕನಸುಗಳ ನಗರ ಮುಂಬೈ ಸ್ಟ್ರೀಟ್ ಫುಡ್ಗಾಗಿ ದೇಶದ ಪ್ರಮುಖ ನಗರಗಳಲ್ಲಿ ಒಂದಾಗಿದೆ. ಜುಹು ಚೌಪಾಟಿ ಮತ್ತು ನಾರಿಮನ್ ಪಾಯಿಂಟ್ ಪ್ರದೇಶಗಳಲ್ಲಿ ಪಾವ್ ಭಾಜಿ, ವಡಾ ಪಾವ್, ಪಾನಿಪುರಿ ಮತ್ತು ಭೇಲ್ಪುರಿ ಸವಿಯಲು ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಸೇರುತ್ತಾರೆ.
ಇಲ್ಲಿನ ಕಟಿಂಗ್ ಚಹಾ ಸ್ಥಳೀಯರ ಮೆಚ್ಚಿನ ಪಾನೀಯವಾಗಿದೆ. ಸಮುದ್ರ ಆಹಾರ ಪ್ರಿಯರಿಗೆ ಬೊಂಬಿಲ್ ಫ್ರೈ ವಿಶೇಷ ಆಕರ್ಷಣೆ. ಗುಜರಾತಿ ಮತ್ತು ಮಹಾರಾಷ್ಟ್ರದ ರುಚಿಗಳನ್ನು
ಹೈದರಾಬಾದ್
ಹೈದರಾಬಾದ್ ಬಿರಿಯಾನಿ ವಿಶ್ವದಾದ್ಯಂತ ಖ್ಯಾತಿ ಪಡೆದಿದೆ. ಇಲ್ಲಿನ ಹಂಡಿ ಬಿರಿಯಾನಿಯ ಸುವಾಸನೆ ಮತ್ತು ರುಚಿ ಆಹಾರ ಪ್ರಿಯರನ್ನು ಸೆಳೆಯುತ್ತದೆ. ಮುಘಲಾಯಿ, ಟರ್ಕಿಶ್ ಮತ್ತು ಅರೇಬಿಯನ್ ಆಹಾರ ಶೈಲಿಯ ಪ್ರಭಾವ ಇಲ್ಲಿನ ಅಡುಗೆಯಲ್ಲಿ ಸ್ಪಷ್ಟವಾಗಿ ಕಾಣಿಸುತ್ತದೆ.
ಏಲಕ್ಕಿ ಮತ್ತು ದಾಲ್ಚಿನ್ನಿ ಸುವಾಸನೆಯ ಇರಾನಿ ಚಹಾ ಇಲ್ಲಿನ ವಿಶೇಷತೆ. ಹಲೀಂ, ಫಿರ್ನಿ, ಲುಖ್ಮಿ, ನಿಹಾರಿ, ಡಬಲ್ ಕಾ ಮೀಠಾ ಹಾಗೂ ಕೀಮಾ ಸಮೋಸಾ ದೇಶದ ವಿವಿಧ ಭಾಗಗಳಿಂದ ಬಂದ ಪ್ರವಾಸಿಗರ ಮೆಚ್ಚಿನ ತಿಂಡಿಗಳಾಗಿವೆ.
ಅಮೃತಸರ
ಬೆಣ್ಣೆ ಮತ್ತು ತುಪ್ಪದ ರುಚಿಗೆ ಪ್ರಸಿದ್ಧಿಯಾದ ಅಮೃತಸರ ಆಹಾರ ಪ್ರಿಯರ ಸ್ವರ್ಗ ಎಂದೇ ಹೇಳಬಹುದು. ಇಲ್ಲಿ ಸಿಗುವ ಬೆಣ್ಣೆ ತುಂಬಿದ ಪರೋಟಾ, ಮೊಸರಿನ ಜೊತೆ ನೀಡುವ ಪಂಜಾಬಿ ತಿಂಡಿಗಳು, ಸಿಹಿ ಲಸ್ಸಿ ಮತ್ತು ಬಿಸಿ ಜಿಲೇಬಿ ಎಲ್ಲರನ್ನೂ ಆಕರ್ಷಿಸುತ್ತವೆ.
ಅಮೃತಸರದ ರಸ್ತೆ ಬದಿ ಧಾಬಾಗಳಲ್ಲಿ ಸಿಗುವ ಆಹಾರಗಳು ಪಂಜಾಬಿ ಸೊಗಡನ್ನು ಪರಿಚಯಿಸುತ್ತವೆ. ಗಟ್ಟಿಯಾದ ರುಚಿ ಮತ್ತು ದೊಡ್ಡ ಪ್ರಮಾಣದ ಆಹಾರಕ್ಕೆ ಈ ನಗರ ವಿಶೇಷ ಖ್ಯಾತಿ ಪಡೆದಿದೆ.
ಪ್ರವಾಸದ ವೇಳೆ ಸ್ಥಳೀಯ ಸ್ಟ್ರೀಟ್ ಫುಡ್ ಸವಿಯುವುದು ಆ ನಗರದ ಸಂಸ್ಕೃತಿ ಮತ್ತು ಜನಜೀವನವನ್ನು ಹತ್ತಿರದಿಂದ ಅರಿಯಲು ಸಹಾಯಕವಾಗುತ್ತದೆ. ಭಾರತದ ಈ ನಗರಗಳು ತಮ್ಮ ವೈವಿಧ್ಯಮಯ ಮತ್ತು ರುಚಿಕರ ರಸ್ತೆ ಬದಿ ಆಹಾರಗಳ ಮೂಲಕ ಆಹಾರ ಪ್ರಿಯರ ಮನಸೆಳೆಯುತ್ತಿವೆ.
Click it and Unblock the Notifications
Sign in with Google