MAHE B'LRU ಓಪನ್ ಹೌಸ್‌ನ 2ನೇ ಆವೃತ್ತಿ: ಬೃಹತ್, ಉತ್ಸಾಹ ಭರಿತ, ಅತ್ಯುತ್ತಮ!

ಬೆಂಗಳೂರು ಏಪ್ರಿಲ್ 15: ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (MAHE -ಮಾಹೆ) ಬೆಂಗಳೂರು, ಎರಡನೇ ಆವೃತ್ತಿಯ ಓಪನ್ ಹೌಸ್‌ ಕಾರ್ಯಕ್ರಮ ಯಶಸ್ವಿಯಾಗಿ ಆಯೋಜಿಸಿತ್ತು. ಇದೇ ಏಪ್ರಿಲ್ 12 ರಂದು MAHE B'LRU ಕ್ಯಾಂಪಸ್‌ನಲ್ಲಿ ನಡೆದ ಈ ಕಾರ್ಯಕ್ರಮವು ವ್ಯಾಪಕ ಶ್ರೇಣಿಯ ಶೈಕ್ಷಣಿಕ ಕಾರ್ಯಕ್ರಮಗಳು, ಅತ್ಯಾಧುನಿಕ ಮೂಲಸೌಕರ್ಯ ಮತ್ತು ಕ್ಯಾಂಪಸ್ ಅನುಭವವನ್ನು ಕಟ್ಟಿಕೊಟ್ಟಿತು.

ಬೆಳಿಗ್ಗಿನಿಂದ ಸಂಜೆವರೆಗೆ ನಡೆದ ಈ ಓಪನ್ ಹೌಸ್ ಕಾರ್ಯಕ್ರಮದಲ್ಲಿ ವೈವಿಧ್ಯಮಯ ಮನೋಲ್ಲಾಸ ಹಾಗೂ ಮನೋವಿಕಾಸದ ಹಲವಾರು ಚಟುವಟಿಕೆಗಳನ್ನು ಆಯೋಜಿಸಲಾಗಿತ್ತು. ವಿದ್ಯಾರ್ಥಿಗಳಿಗೆ ಮತ್ತು ಪೋಷಕರಿಗೆ MAHE ಬೆಂಗಳೂರು ಕ್ಯಾಂಪಸ್ ನ ನೈಜ ಅನುಭವವನ್ನು ನೀಡುವಲ್ಲಿ ಈ ಕಾರ್ಯಕ್ರಮ ಸಫಲವಾಯಿತು.

ಓಪನ್ ಹೌಸ್ ಭಾಗವಾಗಿ ಬೆಳಿಗ್ಗೆ ವಿವಿಧ ವಿಭಾಗದದಿಂದ ರಸಪ್ರಶ್ನೆ, ಮೂಟ್ ಕೋರ್ಟ್, ಸೈಂಟಿಫಿಕ್ ಮಾಡೆಲ್ ಮೇಕಿಂಗ್, ಬೈಸಿಕಲ್ ಹ್ಯಾಕಥಾನ್, ಗೇಮ್ ಡಿಸೈನ್ ವರ್ಕ್ ಶಾಪ್, ಸ್ಕ್ರೀನ್ ಪ್ರಿಂಟಿಂಗ್ ವಿವಿಧ ಚಟುವಟಿಕೆಗಳು ಇದ್ದವು. ಇದರ ಜೊತೆಗೆ ವಿದ್ಯಾರ್ಥಿಗಳ ಮನೋರಂಜನಾ ಕಾರ್ಯಕ್ರಮಗಳು ನಡೆದವು. ಮಾಹೆ ಬೆಂಗಳೂರಿನ ಸಹಾಯಕ ನಿರ್ದೇಶಕಿ (ಪ್ರವೇಶಾತಿ ಪ್ರಕ್ರಿಯೆ) ದಿವ್ಯದರ್ಶಿನಿ ಕೆ. ಅವರ ಸ್ವಾಗತ ಹಾಗೂ ಪ್ರಶ್ನೋತ್ತರಗಳೊಂದಿಗೆ ಮಧ್ಯಾಹ್ನದ ಕಾರ್ಯಕ್ರಮ ಆರಂಭವಾಯಿತು. ಮಾಹೆ ಬೆಂಗಳೂರಿನ ಪ್ರೊ ವೈಸ್ ಛಾನ್ಸಲರ್ ಪ್ರೊ| (ಡಾ|) ಮಧು ವೀರರಾಘವನ್ ಅವರೊಂದಿಗೆ ಸಂವಾದ ನಡೆಯಿತು. ಹಾಸ್ಯ ಕಾರ್ಯಕ್ರಮದೊಂದಿಗೆ ಎರಡನೇ ಆವೃತ್ತಿಯ ಓಪನ್ ಹೌಸ್ ಮುಕ್ತಾಯವಾಯಿತು.

ಮಾಹೆ ಬೆಂಗಳೂರಿನ ಪ್ರೊವಿಸಿ ಪ್ರೊ | (ಡಾ|) ಮಧು ವೀರರಾಘವನ್ ಮಾತನಾಡಿ, "ಎರಡನೇ ಆವೃತ್ತಿಯ ಓಪನ್ ಹೌಸ್ ಕಾರ್ಯಕ್ರಮಕ್ಕೆ ದೊರೆತ ಅದ್ಭುತ ಪ್ರತಿಕ್ರಿಯೆ ಖುಷಿ ನೀಡಿದೆ. MAHE ಬೆಂಗಳೂರು, ವಿದ್ಯಾರ್ಥಿಗಳ ಭವಿಷ್ಯಕ್ಕಾಗಿ ಯಾವೆಲ್ಲ ಕಾರ್ಯಕ್ರಮಗಳನ್ನು ಹೊಂದಿದೆ ಎಂದು ತಿಳಿಯುವಲ್ಲಿ ವಿದ್ಯಾರ್ಥಿಗಳು ಮತ್ತು ಪೋಷಕರು ತೋರಿದ ಉತ್ಸಾಹ ನೋಡಿ ಸಂತಸವಾಗಿದೆ. ಶಿಕ್ಷಣ ಎನ್ನುವುದು ಪಠ್ಯಪುಸ್ತಕಗಳನ್ನು ಮೀರಿದ್ದಾಗಿದೆ ಎಂದು MAHE ಬೆಂಗಳೂರು ನಂಬುತ್ತದೆ. ಶಿಕ್ಷಣವು ಕುತೂಹಲವನ್ನು ಪ್ರೇರೇಪಿಸುವುದು, ಸೃಜನಶೀಲತೆಯನ್ನು ಬೆಳೆಸುವುದು ಮತ್ತು ನಾಳೆಯ ಜಗತ್ತನ್ನು ರೂಪಿಸಲು ಯುವ ಮನಸ್ಸುಗಳನ್ನು ಸಶಕ್ತಗೊಳಿಸುವುದಾಗಿದೆ. ಈ ಕಾರ್ಯಕ್ರಮದ ಮೂಲಕ, ನಾವು ನಮ್ಮ ಶೈಕ್ಷಣಿಕ ಕಾರ್ಯಕ್ರಮಗಳ ಒಂದು ನೋಟವನ್ನು ನೀಡಿದ್ದೇವೆ" ಎಂದು ವಿವರಿಸಿದರು.

ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ ಬೆಂಗಳೂರು (MAHE B'LRU) ಕುರಿತು:

1953ರಲ್ಲಿ ಸ್ಥಾಪನೆಯಾದ ಮಣಿಪಾಲ್ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (MAHE) ಒಂದು ವಿಶ್ವವಿದ್ಯಾಲಯ ಎಂದು ಪರಿಗಣಿತವಾಗಿರುವ ಉತ್ಕೃಷ್ಟ ವಿದ್ಯಾಸಂಸ್ಥೆ (An Institution of Eminence Deemed to be University) ಯಾಗಿದೆ. ಶೈಕ್ಷಣಿಕ, ಅತ್ಯಾಧುನಿಕ ಮೂಲಸೌಕರ್ಯ ಮತ್ತು ಗಮನಾರ್ಹ ಸಂಶೋಧನಾ ಕೊಡುಗೆಗಳ ಮೂಲಕ, MAHE ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಮನ್ನಣೆ ಮತ್ತು ಮೆಚ್ಚುಗೆಯನ್ನು ಗಳಿಸಿದೆ. ಅಕ್ಟೋಬರ್ 2020 ರಲ್ಲಿ, ಶಿಕ್ಷಣ ಸಚಿವಾಲಯವು MAHE ಯನ್ನು ವಿಶ್ವವಿದ್ಯಾಲಯವೆಂದು ಪರಿಗಣಿಸಿ, (ಉತ್ಕೃಷ್ಟ ಸಂಸ್ಥೆ) ಎಂಬ ಸ್ಥಾನ ನೀಡಿ ಗೌರವಿಸಿದೆ. ಪ್ರಸ್ತುತ ರಾಷ್ಟ್ರೀಯ ಸಾಂಸ್ಥಿಕ ಶ್ರೇಯಾಂಕ ಚೌಕಟ್ಟಿನಲ್ಲಿ (NIRF) ಆರನೇ ಸ್ಥಾನದಲ್ಲಿದೆ, ವಿಭಿನ್ನ ಕಲಿಕೆಯ ಅನುಭವವನ್ನು ಬಯಸುವ ವಿದ್ಯಾರ್ಥಿಗಳಿಗೆ MAHE ಆದ್ಯತೆಯ ಆಯ್ಕೆಯಾಗಿದೆ.

MAHE ಬೆಂಗಳೂರು, ವಿದ್ಯಾರ್ಥಿಗಳಿಗೆ ಸಮಗ್ರ ಶಿಕ್ಷಣವನ್ನು ನೀಡುವಲ್ಲಿಅತ್ಯುತ್ತಮವಾಗಿದೆ. ಹೆಚ್ಚು ಅರ್ಹವಾದ ಅಧ್ಯಾಪಕರು ಮತ್ತು ಉತ್ತಮ ಮಾರ್ಗದರ್ಶಕರನ್ನು ಹೊಂದಿದೆ. MAHE ಬೆಂಗಳೂರು ಕ್ಯಾಂಪಸ್ ಹೊಸ ಯುಗದ ಟೆಕ್- ಸ್ಪರ್ಶವಿರುವ ಲಿವಿಂಗ್ ಕ್ಯಾಂಪಸ್‌ ಆಗಿದ್ದು, ಇಲ್ಲಿ ಕಲಿಕೆಗೆ ಪೂರಕವಾದ ವಾತಾವರಣವಿದ್ದು, ವಿದ್ಯಾರ್ಥಿಗಳು ಒಂದೊಳ್ಳೆ ಭವಿಷ್ಯ ರೂಪಿಸಿಕೊಳ್ಳಲು ಉತ್ತಮ ಸ್ಥಳವಾಗಿದೆ. MAHE ಬೆಂಗಳೂರಿನಲ್ಲಿ, ಮಿತಿಯಿಲ್ಲದ ಅವಕಾಶಗಳೊಂದಿಗೆ ವಿದ್ಯಾರ್ಥಿಗಳ ಬೆಳವಣಿಗೆಗೆ ಪೂರಕವಾಗಿದೆ.

English summary

2nd edition of MAHE B'LRU Open House: Huge, Exciting, Excellent!