ಗಡಿಯಾರಕ್ಕೂ ಹೆಂಡತಿಗೂ ಏನು ವ್ಯತ್ಯಾಸ?

ಗಡಿಯಾರಕ್ಕೂ ಹೆಂಡತಿಗೂ ಏನು ವ್ಯತ್ಯಾಸ?

ಗಡಿಯಾರ ಕೆಟ್ಟರೆ ಬಂದ್ ಆಗಿಬಿಡುತ್ತದೆ. ಆದರೆ, ಹೆಂಡತಿ ಕೆಟ್ಟರೆ ಶುರು ಹಚ್ಚಿಕೊಂಡುಬಿಡುತ್ತಾಳೆ!

***
ಗರ್ಭಿಣಿ ಮಹಿಳೆಯೊಬ್ಬಳು ತನ್ನ ಭವಿಷ್ಯ ಕೇಳಲು ಜ್ಯೋತಿಷಿ ಬಳಿ ಹೋಗುತ್ತಾಳೆ.

ಮಹಿಳೆ : ನನಗೆ ಹುಟ್ಟುವ ಮಗುವ ಬಗ್ಗೆ ಹೇಳಿ.

ಜ್ಯೋತಿಷಿ : ನಿಮಗೆ ಮಗು ಹುಟ್ಟುತ್ತಿದ್ದಂತೆ, ಮಗುವಿನ ತಂದೆ ಸತ್ತು ಹೋಗುತ್ತಾರೆ.

ಮಹಿಳೆ : ಥ್ಯಾಂಕ್ ಗಾಡ್, ನನ್ನ ಗಂಡನಿಗೆ ಏನೂ ಆಗಲ್ಲಾ ತಾನೇ.

***
ಸಂಸಾರಿಕ ತೊಂದರೆಯಿಂದ ಬೇಜಾರಾಗಿದ್ದ ಗುಂಡ ಒಮ್ಮೆ ತಪಸ್ಸಿಗೆ ಕೂತ. ಆತನ ಘನಘೋರ ತಪಸ್ಸಿಗೆ ಮೆಚ್ಚಿ, ದೇವರು ಪ್ರತ್ಯಕ್ಷನಾದ.

ದೇವರು : ಭಕ್ತ, ನಿನ್ನ ತಪಸ್ಸಿಗೆ ಮೆಚ್ಚಿದ್ದೇನೆ. ಬೇಕಾದ ವರವನ್ನು ಕೇಳು.

ಗುಂಡ : ಮೈ ಗಾಡ್, ನಿಮ್ಮನ್ನು ಯಾರ್ರೀ ಕರೆದಿದ್ದು? ಸುಮ್ನೆ ಹೋಗಿ.. ತಪಸ್ಸು ಕೆಡಿಸಲು ರಂಭೆ, ಮೇನಕೆ ಯಾರನ್ನಾದರೂ ಕಳುಹಿಸಿ.

***
ಗುಂಡ ತಡವಾಗಿ ಬಂದ. ಬಾಗಿಲಲ್ಲೇ ಅವನಿಗಾಗಿ ಹೆಂಡತಿ ಕಾಯುತ್ತಿದ್ದಳು.

ಹೆಂಡತಿ : ಯಾಕ್ರೀ ಲೇಟ್? ಇಷ್ಟು ಹೊತ್ತು ಎಲ್ಲಿ ಹೋಗಿದ್ರಿ?

ಗುಂಡ : 'ತಾಯಿಯ ಪ್ರೀತಿ' ಕನ್ನಡ ಸಿನಿಮಾ ನೋಡೋಕೆ ಹೋಗಿದ್ದೆ.

ಹೆಂಡತಿ : ಹೌದಾ. ಒಳಗೆ ಬನ್ನಿ. 'ಹೆಂಡತಿ ಕೋಪ' ಸಿನಿಮಾ ತೋರಿಸ್ತೀನಿ.