ಅಮ್ಮನ ಮನೆಗೆ ದಯವಿಟ್ಟು ಹೋಗಬೇಡ ಚಿನ್ನಾ!
ಹೆಂಡತಿ : ರೀ ಇವತ್ತು ನಾನು ನನ್ನ ಅಮ್ಮನ ಮನೆಗೆ ಹೋಗಬೇಕು ಅಂತ ಅಂದುಕೊಂಡಿದ್ದೇನೆ. ಹೋಗಿಬರ್ಲಾ?
ಗಂಡ : ಚಿನ್ನಾ, ದಯವಿಟ್ಟು ಹೋಗಬೇಡ?
ಹೆಂಡತಿ : ಯಾಕೆ? ನನ್ನ ಬಿಟ್ಟು ಒಂದು ಕ್ಷಣವೂ ಇರಲು ನಿಮಗೆ ಸಾಧ್ಯವಾಗಲ್ಲ, ಅಲ್ಲ? ನಾನು ನಿಜಕ್ಕೂ ಅದೃಷ್ಟವಂತಳು ಕಣ್ರೀ, ಪ್ರೀತಿಸುವ ನಿಮ್ಮಂಥ ಗಂಡನ ಪಡೆಯಲು.
ಗಂಡ : ಛೆಛೆ, ಹಾಗೇನು ಇಲ್ಲ. ನೀನಿಲ್ಲದೆ ನಾನು ಆರಾಮವಾಗಿ ಇರಬಲ್ಲೆ. ಆದರೆ, ನಿನ್ನ ಜೊತೆ ನಿನ್ನ ಅಮ್ಮನೂ ಎಲ್ಲಿ ಬಂದುಬಿಡ್ತಾಳೋ ಎಂಬ ಹೆದರಿಕೆ ಅಷ್ಟೇ!
***
ರೀ ನನ್ನ ಯಾರು ನೋಡಿಕೊಳ್ಳೋರು?
ಗಂಡ ವಿಪರೀತ ಜ್ವರದಿಂದ ಬಳಲುತ್ತಿರುತ್ತಾನೆ. ತಾನಿನ್ನು ಬದುಕುವುದಿಲ್ಲ ಎಂದು ಅನಿಸಲು ಅವನಿಗೆ ಪ್ರಾರಂಭವಾಗುತ್ತದೆ. ಹೆಂಡತಿ ಕಣ್ಣೀರು ಸುರಿಸುತ್ತ ಗಂಡನ ಪಕ್ಕ ಕುಳಿತಿರುತ್ತಾಳೆ. ಆಕೆಗೆ ಇವನು ಏಳನೇ ಗಂಡ! ಹಿಂದಿನ ಆರು ಗಂಡೆದಿರೆಲ್ಲರೂ ಶಿವನ ಪಾದ ಸೇರಿರುತ್ತಾರೆ.
ಹೆಂಡತಿ : ರೀರೀ, ಕಣ್ಣು ಬಿಡ್ರೀ. ಏನ್ರೀ ಇದು ಗ್ರಹಚಾರ. ಹಿಂದಿನ ಆರು ಗಂಡಂದಿರಂತೆ ನೀವು ಕೂಡ.... ಅಲ್ರೀ, ಮುಂದೆ ನನ್ನ ನೋಡಿಕೊಳ್ಳೋರು ಯಾರು?
ಗಂಡ : (ನಿಧಾನವಾಗಿ ಕಣ್ಣು ಬಿಟ್ಟು) ಎಂಟನೇ ಗಂಡ! [ಗಂಡ ಹೆಂಡತಿ ಜೋಕ್ಸ್]
Click it and Unblock the Notifications
Sign in with Google