ಮಾರಣಾಂತಿಕ ನಿಪಾಹ್ ವೈರಸ್ ಮತ್ತು ನಕ್ಕು ನಗಿಸುವ ಜೋಕು!

Published: Saturday, May 26, 2018, 13:17 [IST]

ನಮ್ಮವರ ಹಾಸ್ಯಪ್ರಜ್ಞೆಗೆ ಒಂದು ದೊಡ್ಡ ಸಲಾಂ. ಈಗಂತೂ ಟ್ರೋಲ್ ಹೈಕ್ಳದ್ದೇ ಕಾಲ. ಏನೇ ಟಾಪಿಕ್ ಇರ್ಲಿ ಅದು ಟ್ರೋಲ್ ಆದ್ರೇನೇ ಅದ್ರ ಆತ್ಮಕ್ಕೆ ಶಾಂತಿ ಸಿಕ್ಕಂಗೆ! ಹೀಗಿರುವಾಗ ಮಾರಣಾಂತಿಕ ಅಂತ ಹೆದರಿಸೋಕೆ ಬಂದ ನಿಪಾಹ್ ವೈರಸ್ ನ ಬಿಡೋಕಾಗುತ್ತಾ? ಅದರ ಮೇಲೂ ಟ್ರೋಲೋ ಟ್ರೋಲು!

ಕಳೆದೊಂದು ವಾರದಿಂದ ಮೊಬೈಲ್ ಫೋನ್ ಗಳನ್ನು ತನ್ನ ಹಾಗೇ 'ಹ್ಯಾಂಗ್' ಮಾಡಿಸಿಬಿಡುವ ಮಟ್ಟಿಗೆ ಬಾವಲಿಗಳ ಚಿತ್ರವೋ ಚಿತ್ರ!

ಒಂದು ರೀತಿಯ ಬಾವಲಿಗಳಿಂದ ಬರುವ ಈ ಮಾರಣಾಂತಿ ಕಾಯಿಲೆ ಮೊದಲ ಬಾರಿಗೆ ಪತ್ತೆಯಾಗಿದ್ದು ಮಲೇಶಿಯಾದಲ್ಲಿ. ಯಾವುದೇ ರೀತಿಯ ಲಸಿಕೆಯಿಲ್ಲದೆ, ಇದುವರೆಗೂ ಚಿಕಿತ್ಸಸೆಯೂ ಇಲ್ಲದ ಈ ರೋಗಕ್ಕೆ ಭಾರತದಲ್ಲಿ ಇದುವರೆಗೂ ಬಲಿಯಾದವರ ಸಂಖ್ಯೆ 11 ಕ್ಕೂ ಹೆಚ್ಚು!

ಆ ಎಲ್ಲರ ಸಾವಿನ ದುಃಖವಿದ್ದರೂ, ನೋವಲ್ಲೂ ಹಾಸ್ಯಪ್ರಜ್ಞೆ ಹರಿಸುವ ಕೆಲವು ಜೋಕುಗಳು ನಿಮಗಾಗಿ ಇಲ್ಲಿವೆ.

2018-ಬಾವಲಿ ಕಾಲ!

ಬಾಹುಬಲಿ-2015
ಕಬಾಲಿ-2016
ಹೆಬ್ಬುಲಿ-2017
ಬಾವಲಿ-2018

ಬಾಹುಬಲಿ, ಕಬಾಲಿ, ಹೆಬ್ಬುಲಿ ಕಾಲವೆಲ್ಲ ಮುಗೀತು ಇನ್ನೇನಿದ್ರೂ ಬಾವಲಿ ಕಾಲ ಎಂಬ ಜೋಕು ಸಾಮಾಜಿಕ ಮಾಧ್ಯಮಗಳಲ್ಲಿ ಹಬ್ಬಿ ನಗೆ ಉಕ್ಕಿಸುತ್ತಿದೆ.

ನಿಪಾಹ್ ಜಸ್ಟ್ ಆಸ್ಕಿಂಗ್!

ಜಸ್ಟ್ ಆಸ್ಕಿಂಗ್ ಪ್ರಕಾಶ್ ರೈ ಅವರನ್ನು ಟ್ರೋಲ್ ಮಾಡುವವರು ಇಲ್ಲೂ ಬಿಟ್ಟಿಲ್ಲ! ಯಾವಾಗಲೋ ಒಮ್ಮೆ, 'ಕೇರಳದಲ್ಲಿ ಮಾತ್ರ ನೆಮ್ಮದಿಯಿಂದ ಉಸಿರಾಡಲು ಸಾಧ್ಯ' ಎಂದಿದ್ದ ಪ್ರಕಾಶ್ ರೈ ಹೇಳಿಕೆಯನ್ನೇ ಇಟ್ಟುಕೊಂಡು ಈಗ ಟ್ರೋಲ್ ಮಾಡುತ್ತಿರುವುದು ಹೀಗೆ!