ಜೋಕ್ಸ್ : ಶುಗರ್ ಲೆವೆಲ್ ಚೆಕ್ ಮಾಡ್ತವ್ನೆ ಗುಂಡ!

ಗುಂಡ ಅಡುಗೆ ಮನೆಗೆ ಹೋಗಿ ಸಕ್ಕರೆ ಡಬ್ಬವನ್ನು ಓಪನ್ ಮಾಡಿ, ನೋಡಿ ಮತ್ತೆ ಮುಚ್ಚಿದ. ಪ್ರತಿ ಒಂದು ಗಂಟೆಗೆ ಒಂದು ಬಾರಿ ಈ ರೀತಿ ಮಾಡುತ್ತಿದ್ದ. ಇದನ್ನೆಲ್ಲಾ ಗಮನಿಸುತ್ತಿದ್ದ ಗುಂಡನ ಮಡದಿ ಗುಂಡಿ...
ಗುಂಡಿ : ರೀ ನಾನು ಆವಾಗಿಂದ ನೋಡ್ತಾನೆ ಇದ್ದೀನಿ, ಸಕ್ಕರೆ ಡಬ್ಬ ಓಪನ್ ಮಾಡ್ತೀರಾ, ನೋಡ್ತೀರಾ ಮತ್ತೆ ಮುಚ್ಚುತ್ತೀರಾ. ಏನು ಮಾಡ್ತಾ ಇದ್ದೀರಾ ನೀವು?
ಗುಂಡ : ಡಾಕ್ಟರ್ ಹೇಳಿದ್ದಾರೆ ಪ್ರತಿ ಗಂಟೆಗೊಮ್ಮೆ ಸುಗರ್ ಲೆವೆಲ್ ಚೆಕ್ ಮಾಡೀಂತಾ!

***
ತಿಮ್ಮ : ಯಾಕೋ ರಮೇಶ್ ಮನೆಯ ಗೃಹ ಪ್ರವೇಶಕ್ಕೆ ಬರಲಿಲ್ಲಾ?
ಗುಂಡ : ಬರಬೇಕೂಂತಾನೆ ಇದ್ದೆ, ಆದ್ರೆ ಯಾವ ಕಲ್ಯಾಣ ಮಂಟಪದಲ್ಲಿ ಅಂತ ಅವ್ನು ಹೇಳೇ ಇಲ್ಲಾ.

***
ತಿಮ್ಮ : ಯಾಕೋ ಅಳತಿದ್ದೀಯಾ?
ಗುಂಡ : ಜುಲೈ ತಿಂಗಳಲ್ಲಿ ನಮ್ಮಪ್ಪ ಸತ್ತು ಹೋದ್ರು, ನನ್ನ ಹೆಸರಲ್ಲಿ ಒಂದು ಲಕ್ಷ ಬಿಟ್ಟು ಹೋದ್ರು. ಆಗಸ್ಟ್ ತಿಂಗಲ್ಲಿ ನಮ್ಮ ಅತ್ತೆ ತೀರಿ ಹೋದ್ರು ಅವ್ರು ನನ್ನ ಹೆಸರಲ್ಲಿ ಎರಡು ಲಕ್ಷ ಬಿಟ್ಟು ಹೋದ್ರು. ಹೋದ ತಿಂಗಳಲ್ಲಿ ನಮ್ಮ ಮಾವ ತೀರಿ ಹೋದ್ರು, ಅವರು ಕೂಡಾ ನನ್ನ ಹೆಸರಲ್ಲಿ ಎರಡು ಲಕ್ಷ ಬಿಟ್ಟು ಹೋದ್ರು.
ತಿಮ್ಮ : ಸಾವು ಏನು ಮಾಡಕ್ಕಾಗಲ್ಲಾ. ಅಷ್ಟೆಲ್ಲಾ ದುಡ್ಡು ಬಿಟ್ಟು ಹೋಗಿದ್ದಾರಲ್ಲಾ. ಮತ್ತೆ ಯಾಕೆ ಅಳತಿದ್ದೀಯಾ?
ಗುಂಡ : ಈ ತಿಂಗಳಲ್ಲಿ ಯಾರು ಸಾಯಲಿಲ್ಲಾ ಅದಕ್ಕಪ್ಪಾ!

***
ಒಂದು ದಿನ ಗುಂಡನ ಹಿಂದೆ ಒಂದು ನಾಯಿ ಓಡಿ ಬರುತ್ತಿತ್ತು. ಇದನ್ನೇ ನೋಡುತ್ತಿದ್ದ ಗುಂಡ ಸಂತೋಷದಿಂದ ನಗುತ್ತಿದ್ದ..
ತಿಮ್ಮ : ಯಾಕೋ ತುಂಬಾ ಸಂತೋಷವಾಗಿದ್ದೀಯಾ?
ಗುಂಡ : ನೋಡೋ ನಾನು ಬಳಸೋದು ಏರ್ ಟೆಲ್, ಆದ್ರೆ ಹಚ್ ನೆಟ್ವರ್ಕ್ ನನ್ನನ್ನು ಫಾಲೋ ಮಾಡ್ತಾ ಇದೆ.