ಕೇಂದ್ರ ಗೃಹ ಇಲಾಖೆಯಲ್ಲಿ 49 ಹುದ್ದೆಗಳ ನೇಮಕಾತಿಗೆ ಅರ್ಜಿ ಆಹ್ವಾನ
ನವದೆಹಲಿ, ಮೇ 25: ಕೇಂದ್ರ ಗೃಹ ವ್ಯವಹಾರಗಳ ಸಚಿವಾಲಯದಲ್ಲಿ ವಿವಿಧ ಸ್ತರಗಳ ಒಟ್ಟು 49 ಹುದ್ದೆಗಳಿಗೆ ನೇಮಕಾತಿ ನಡೆಯುತ್ತಿದೆ. ಅದಕ್ಕಾಗಿ ಅರ್ಜಿ ಆಹ್ವಾನಿಸಲಾಗಿದೆ.
ಖಾಲಿ ಇರುವ 49 ಹುದ್ದೆಗಳಲ್ಲಿ ಅಂಡರ್ ಸೆಕ್ರೆಟರಿ, ಮ್ಯಾನೇಜರ್, ಸೆಕ್ಷನ್ ಆಫೀಸರ್, ಪ್ರೈವೇಟ್ ಸೆಕ್ರೆಟರಿ, ಅಸಿಸ್ಟೆಂಟ್ ಎಂಜಿನಿಯರ್, ಸೀನಿಯರ್ ಅಕೌಂಟೆಂಟ್ ಮೊದಲಾದವು ಸೇರಿವೆ.
ಗೃಹ ಇಲಾಖೆಯ ವ್ಯಾಪ್ತಿಗೆ ಬರುವ ಲ್ಯಾಂಡ್ ಪೋರ್ಟ್ಸ್ ಅಥಾರಿಟಿ ಆಫ್ ಇಂಡಿಯಾ (ಎಲ್ಪಿಎಐ) ಸೆಕ್ರೆಟರಿಯಾಟ್ನಲ್ಲಿ 15 ಹುದ್ದೆಗಳಿವೆ. ಇಂಟಿಗ್ರೇಟೆಡ್ ಚೆಕ್ ಪೋಸ್ಟ್ (ಐಸಿಪಿ) ಗಳಲ್ಲಿ 34 ಹುದ್ದೆಗಳಿವೆ. ಅಂತರರಾಷ್ಟ್ರೀಯ ಗಡಿಭಾಗದ ವಿವಿಧ ಸ್ಥಳಗಳಲ್ಲಿರುವ ಐಸಿಪಿಗಳಲ್ಲಿ ಈ ಹುದ್ದೆಗಳನ್ನು ನಿಯೋಜಿಸಲಾಗುತ್ತದೆ. ಎಲ್ಪಿಎಐನ ೧೫ ಹುದ್ದೆಗಳ ಕಾರ್ಯಸ್ಥಾನ ನವದೆಹಲಿಯಾಗಿರುತ್ತದೆ. ಅರ್ಜಿ ಸಲ್ಲಿಸಲು ಜೂನ್ 24ರವರೆಗೆ ಅವಕಾಶ ಕೊಡಲಾಗಿದೆ.
ಹುದ್ದೆ ವಿವರ:
ನೇಮಕವಾಗಲಿರುವ ಹುದ್ದೆಗಳು: 49
(ಎಲ್ಪಿಎಐ ಸೆಕ್ರೆಟರಿಯಾಟ್ನಲ್ಲಿ 15 ಹುದ್ದೆಗಳು ಮತ್ತು ಐಸಿಪಿಯಲ್ಲಿ 34 ಹುದ್ದೆಗಳು ಖಾಲಿ ಇವೆ.)
ಉದ್ಯೋಗ ಸ್ಥಳ: ಎಲ್ಪಿಎಐನ 15 ಹುದ್ದೆಗಳ ಕಾರ್ಯಸ್ಥಾನ ನವದೆಹಲಿ. ಐಸಿಪಿಯ 34 ಹುದ್ದೆಗಳು ಅಂತರರಾಷ್ಟ್ರೀಯ ಗಡಿಭಾಗದ ವಿವಿಧೆಡೆ ಕಾರ್ಯಸ್ಥಾನ.
ಅರ್ಜಿ ಸಲ್ಲಿಕೆಗೆ ಕೊನೆಯ ದಿನ: ಜೂನ್ 24, 2022.
ಹುದ್ದೆಗಳ ಹೆಸರು: ಎಲ್ಪಿಎಐನಲ್ಲಿ ಅಂಡರ್ ಸೆಕ್ರೆಟರಿ, ಸೆಕ್ಷನ್ ಆಫೀಸರ್, ಪ್ರೈವೇಟ್ ಸೆಕ್ರೆಟರಿ, ಅಸಿಸ್ಟೆಂಟ್ ಎಂಜಿನಿಯರ್, ಅಸಿಸ್ಟೆಂಟ್, ಸೀನಿಯರ್ ಅಕೌಂಟೆಂಟ್, ಜೂನಿಯರ್ ಎಂಜಿನಿಯರ್, ಪರ್ಸನಲ್ ಅಸಿಸ್ಟೆಂಟ್ ಮತ್ತು ಅಕೌಂಟೆಂಟ್ ಹುದ್ದೆಗಳಿಗೆ ಅರ್ಜಿ ಕರೆಯಲಾಗಿದೆ.
ಐಸಿಪಿಯಲ್ಲಿ ಮ್ಯಾನೇಜರ್ 4, ಅಸಿಸ್ಟೆಂಟ್ 9 ಮತ್ತು ಸ್ಟೆನೋಗ್ರಾಫರ್ 6 ಹುದ್ದೆಗಳಿಗೆ ಅರ್ಜಿ ಕರೆಯಲಾಗಿದೆ.
ಅರ್ಹತೆ: ಈ ಎರಡು ಇಲಾಖೆಗಳಲ್ಲಿ ಎ, ಬಿ ಮತ್ತು ಸಿ ಗ್ರೂಪ್ಗಳಾಗಿ ಹುದ್ದೆಗಳನ್ನು ವರ್ಗೀಕರಿಸಲಾಗಿದೆ. ಬಿ ಮತ್ತು ಸಿ ಗ್ರೂಪ್ನ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವವರು ಕಂಪ್ಯೂಟರ್ನ ಮೂಲ ಜ್ಞಾನವನ್ನು ಹೊಂದಿರಬೇಕು. ಇ-ಆಫೀಸ್, ಇಮೇಲ್ ಸೇರಿದಂತೆ ಎಂಎಸ್ ಅಫೀಸ್ ಅಪ್ಲಿಕೇಶನ್ನ ಕಾರ್ಯನಿರ್ವಹಣೆ ತಿಳಿದಿರಬೇಕು. ಹೆಚ್ಚಿನ ವಿವರಕ್ಕೆ ಕೇಂದ್ರ ಗೃಹ ವ್ಯವಹಾರಗಳ ಸಚಿವಾಲಯದ ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಬಹುದು.
ಗಮನಿಸಿ:
2022, ಜನವರಿ 11ರಂದು ಇವೇ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಿದ್ದವರು ಮತ್ತೊಮ್ಮೆ ಸಲ್ಲಿಸುವ ಅಗತ್ಯ ಇಲ್ಲ ಎಂದು ಸೂಚಿಸಲಾಗಿದೆ. ಹೆಚ್ಚಿನ ಮಾಹಿತಿಗೆ ಈ ಮುಂದಿನ ವೆಬ್ಸೈಟ್https://lpai.gov.inಗೆ ಭೇಟಿ ನೀಡಬಹುದು.
(ಒನ್ಇಂಡಿಯಾ ಸುದ್ದಿ)
Click it and Unblock the Notifications
Sign in with Google