Maha Kumbh Mela 2025: ಮಹಾಕುಂಭದಲ್ಲಿ ಉಳಿಯಲು ಕಡಿಮೆ ಬೆಲೆಯಲ್ಲಿ ರೂಂ ವ್ಯವಸ್ಥೆ
ಉತ್ತರಪ್ರದೇಶದ ಪ್ರಯಾಗರಾಜ್ನಲ್ಲಿ ಮಹಾಕುಂಭ ಮೇಳ ನಡೆಯಲಿದೆ. ಇದಕ್ಕಾಗಿ ಸಕಲ ಸಿದ್ಧತೆಗಳು ಭರದಿಂದ ಸಾಗಿವೆ. ಈ ಮಹಾಕುಂಭ ಮೇಳವನ್ನು 12 ವರ್ಷಕ್ಕೊಮ್ಮೆ ಆಚರಿಸಲಾಗುತ್ತಿದ್ದು ದೇಶ ಹಾಗೂ ವಿದೇಶದಿಂದ ಲಕ್ಷಾಂತರ ಜನ ಭಾಗವಹಿಸುತ್ತಾರೆ. ಈ ಬಾರಿ ಸುಮಾರು ನಲವತ್ತು ಕೋಟಿ ಜನರು ಬರಬಹುದು ಎಂದು ಅಂದಾಜಿಸಲಾಗುತ್ತಿದೆ. ಅಲ್ಲದೆ ಈ ಮಹಾಕುಂಭಕ್ಕೆ ಹೋಗುವ ಯೋಚನೆಯಲ್ಲಿರುವವರು ಎಲ್ಲಿ ಉಳಿಯುವುದು ಎಂಬ ಚಿಂತೆಯಲ್ಲಿದ್ದಾರೆ. ಈ ಸಮಸ್ಯೆಗೆ ಸರ್ಕಾರವೇ ಪರಿಹಾರವನ್ನು ನೀಡಿದೆ.
ಪ್ರಯಾಗ್ರಾಜ್ ಹೋಮ್ ಸ್ಟೇ ಯೋಜನೆ
ಉತ್ತರ ಪ್ರದೇಶದ ಪ್ರವಾಸೋದ್ಯಮ ಇಲಾಖೆಯು ಪ್ರಯಾಗರಾಜ್ನಲ್ಲಿ ಹೋಮ್ ಸ್ಟೇ ಯೋಜನೆಯನ್ನು ಪ್ರಾರಂಭಿಸಿದೆ. ಇದರಿಂದ ಮಹಾ ಕುಂಭಕ್ಕೆ ಬರುವ ಭಕ್ತರು ಮನೆಯಲ್ಲಿ ಬೇಯಿಸಿದ ಆಹಾರ ಮತ್ತು ಮನೆಯಂತಹ ವಾತಾವರಣವನ್ನು ಪಡೆಯಬಹುದು. ಪ್ರವಾಸೋದ್ಯಮ ಇಲಾಖೆಯು ಪ್ರಯಾಗ್ರಾಜ್ನ ಜನರಿಗೆ ನೋಂದಣಿಯನ್ನು ಪ್ರಾರಂಭಿಸಿದೆ. ಇದರಲ್ಲಿ ತನ್ನ ಎರಡರಿಂದ ಐದು ಕೋಣೆಗಳ ಮನೆಯನ್ನು ಅತಿಥಿ ಗೃಹವಾಗಿ ಬಾಡಿಗೆಗೆ ನೀಡಲು ಬಯಸುವ ಯಾವುದೇ ವ್ಯಕ್ತಿ ತನ್ನ ಗೃಹವನ್ನು ಹೋಮ್ ಸ್ಟೇ ಆಗಿ ನೋಂದಾಯಿಸಿಕೊಳ್ಳಬಹುದು.
ಹೋಮ್ ಸ್ಟೇಗೆ ಬಾಡಿಗೆ ಎಷ್ಟು?
ಮಹಾಕುಂಭದಲ್ಲಿ ಹೋಮ್ ಸ್ಟೇಗೆ 200 ರಿಂದ 500 ರೂಪಾಯಿ ಬಾಡಿಗೆ ಇರುತ್ತದೆ. ಇಡೀ ಮನೆಗೆ ಬಾಡಿಗೆ ದಿನಕ್ಕೆ 3,000 ರಿಂದ 5,000 ರೂಪಾಯಿ ಇರುತ್ತದೆ. ಇಂಥಹ ಹೋಮ್ ಸ್ಟೇಗಳ ಬಗ್ಗೆ ಮಾಹಿತಿಯು ಮಹಾಕುಂಭ ಮೇಳದ ಆಡಳಿತ ಮತ್ತು ಜಿಲ್ಲಾಡಳಿತದ ವೆಬ್ಸೈಟ್ ಅಪ್ಲಿಕೇಶನ್ನಲ್ಲಿ ಲಭ್ಯವಿರುತ್ತದೆ.
ಹೋಟೆಲ್ ರೀತಿಯ ಸೌಲಭ್ಯಗಳು
ಹೋಮ್ ಸ್ಟೇನಲ್ಲಿ ನೀವು ಮನೆಯಂತಹ ವಾತಾವರಣವನ್ನು ಪಡೆಯುತ್ತೀರಿ. ಇಲ್ಲಿ ಹೋಟೆಲ್ನಂತಹ ಸೌಲಭ್ಯಗಳನ್ನು ಸಹ ಒದಗಿಸಲಾಗುತ್ತದೆ. ಅಂದರೆ ಇವು ಮನೆಯ ಸೌಕರ್ಯ, ಹೋಟೆಲ್ ಸೌಕರ್ಯ ಅಂದರೆ ವೈ-ಫೈ, ಮಾಡ್ಯುಲರ್ ಕಿಚನ್, ಎಸಿ ಕೊಠಡಿಗಳನ್ನು ಹೊಂದಿರುತ್ತವೆ. ಪ್ರವಾಸೋದ್ಯಮ ಇಲಾಖೆ ಪ್ರಕಾರ, ಹೋಟೆಲ್ಗಳನ್ನು ಹೊರತುಪಡಿಸಿ ಸುಮಾರು ನೂರು ಹೋಂ ಸ್ಟೇಗಳು ನೋಂದಣಿಯಾಗಿವೆ.
ಪ್ರಯಾಗರಾಜ್ನಲ್ಲಿ 100 ಕ್ಕೂ ಹೆಚ್ಚು ಹೋಟೆಲ್ಗಳು
ಪ್ರವಾಸೋದ್ಯಮ ಇಲಾಖೆಯಲ್ಲಿ ಪಟ್ಟಿ ಮಾಡಲಾದ ಹೋಟೆಲ್ಗಳ ಕುರಿತು ಮಾತನಾಡುವುದಾದರೆ, ಪ್ರಯಾಗ್ರಾಜ್ನಲ್ಲಿ ಕೊಠಡಿಗಳಿಗಾಗಿ 100 ಕ್ಕೂ ಹೆಚ್ಚು ಹೋಟೆಲ್ಗಳು ಲಭ್ಯವಿದೆ. ಅವುಗಳಲ್ಲಿ ಸುಮಾರು 2 ಸಾವಿರ ಕೊಠಡಿಗಳಿವೆ. ಇವುಗಳಲ್ಲದೆ 26 ಹೋಂ ಸ್ಟೇಗಳು ನೋಂದಣಿಯಾಗಿದ್ದು, 36 ಹೋಂ ಸ್ಟೇಗಳಿಗೆ ಅರ್ಜಿಗಳು ಬಂದಿವೆ.
ಹೋಮ್ ಸ್ಟೇ ಬಗ್ಗೆ ಸಂಪೂರ್ಣ ಮಾಹಿತಿ
ಹೋಮ್ ಸ್ಟೇ ಅಡಿಯಲ್ಲಿ ಎರಡರಿಂದ ಐದು ಕೊಠಡಿಗಳನ್ನು ಮಾತ್ರ ನೋಂದಾಯಿಸಬಹುದು. ಪ್ರವಾಸೋದ್ಯಮ ಇಲಾಖೆಯು ಈ ಹೋಮ್ ಸ್ಟೇಗಳ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ತನ್ನದೇ ಆದ ಮಹಾಕುಂಭ ಮೇಳದ ವೆಬ್ಸೈಟ್ಗಳಲ್ಲಿ ಹಂಚಿಕೊಳ್ಳುತ್ತದೆ. ಇದರಿಂದ ಜನರು ಆನ್ಲೈನ್ನಲ್ಲಿ ಸುಲಭವಾಗಿ ಬುಕ್ ಮಾಡಬಹುದು. ಇದಕ್ಕಾಗಿ ಭೂಮಾಲೀಕರು ಯಾವುದೇ ತೆರಿಗೆಯನ್ನು ಪಾವತಿಸಬೇಕಾಗಿಲ್ಲ. ಹೆಚ್ಚಿನ ಮಾಹಿತಿಗಾಗಿ kumbhstays.com ಗೆ ಭೇಟಿ ನೀಡಿ ಮಾಹಿತಿಯನ್ನು ಪಡೆಯಬಹುದು.
Click it and Unblock the Notifications
Sign in with Google