Deepavali 2024: ಅಕ್ಟೋಬರ್ 31 ದೀಪಾವಳಿ ಲಕ್ಷ್ಮಿ ಪೂಜೆ ಮುಹೂರ್ತ, ಪ್ರದೋಷ ಕಾಲದ ಸಮಯ ತಿಳಿಯಿರಿ

ಸಂಪತ್ತು, ಸಮೃದ್ಧಿ, ಅದೃಷ್ಟ ಮತ್ತು ಬೆಳಕಿನ ಹಬ್ಬವನ್ನು ಇಂದು (ಅಕ್ಟೋಬರ್ 31) ಅತ್ಯಂತ ಭಕ್ತಿ ಮತ್ತು ಸಂತೋಷದಿಂದ ಆಚರಿಸಲಾಗುತ್ತದೆ. ಈ ದಿನ ಮನೆಯಲ್ಲಿ ಹಾಗೂ ಕಚೇರಿಗಳಲ್ಲಿ ಲಕ್ಷ್ಮಿ ಮತ್ತು ಗಣೇಶನನ್ನು ಪೂಜಿಸಲಾಗುತ್ತದೆ. ಈ ದಿನ ಶುಭ ಮುಹೂರ್ತದಲ್ಲಿ ಮಾಡುವ ಪೂಜೆ ವರ್ಷವಿಡೀ ಫಲ ನೀಡಲಿದೆ ಎಂದು ಪರಿಗಣಿಸಲಾಗುತ್ತದೆ. ಹಾಗಾದರೆ ಲಕ್ಷ್ಮಿ-ಗಣೇಶನನ್ನು ಪೂಜಿಸಲು ಇಂದು ಉತ್ತಮ ಸಮಯ ಯಾವುದು ಎಂದು ತಿಳಿಯೋಣ.

ಅಮವಾಸ್ಯೆಯ ದಿನಾಂಕ ಯಾವಾಗ?

ಹಿಂದೂ ಧಾರ್ಮಿಕ ಗ್ರಂಥಗಳ ಪ್ರಕಾರ ದೀಪಾವಳಿಯಂದು ಲಕ್ಷ್ಮಿಯನ್ನು ಪೂಜಿಸುವುದು ಪ್ರದೋಷ ಕಾಲ ಮತ್ತು ಸ್ಥಿರ ಲಗ್ನದಲ್ಲಿ ಅತ್ಯುತ್ತಮವೆಂದು ಪರಿಗಣಿಸಲಾಗಿದೆ. ಪ್ರದೋಷ ಕಾಲದ ಹೊರತಾಗಿ, ನಿಶಿತ ಕಾಲದಲ್ಲಿ ಲಕ್ಷ್ಮಿ ಪೂಜೆಗೆ ವಿಶೇಷ ಮಹತ್ವವಿದೆ. ನಿಶಿತಕಾಲ ಪೂಜೆಯನ್ನು ಉದ್ಯಮಿಗಳು ಮಾಡುತ್ತಾರೆ. ಅಮವಾಸ್ಯೆ ತಿಥಿಯು ಅಕ್ಟೋಬರ್ 31ರಂದು ಗುರುವಾರ ಮಧ್ಯಾಹ್ನ 3:52 ಕ್ಕೆ ಪ್ರಾರಂಭವಾಗುತ್ತದೆ. ಮರುದಿನ (ನವೆಂಬರ್ 1) 6:16ಕ್ಕೆ ಕೊನೆಗೊಳ್ಳುತ್ತದೆ.

ಅಕ್ಟೋಬರ್ 31 ದೀಪಾವಳಿ ಲಕ್ಷ್ಮಿ ಪೂಜೆ ಮುಹೂರ್ತ:-

ಪ್ರದೋಷ ಕಾಲ: ಸಂಜೆ 05:48 ರಿಂದ 08:21 ರವರೆಗೆ

ವೃಷಭ ರಾಶಿ (ಸ್ಥಿರ ಆರೋಹಣ): ಸಂಜೆ 06:35 ರಿಂದ 08:33 ರವರೆಗೆ

ಲಕ್ಷ್ಮಿ ಪೂಜೆ ಮುಹೂರ್ತ: ಸಂಜೆ 06:45 ರಿಂದ 08:30 ರವರೆಗೆ (ಕಾಲ 01 ಗಂಟೆ 45 ನಿಮಿಷಗಳು)

ನಿಶಿತಾ ಕಾಲ ಪೂಜೆ: ರಾತ್ರಿ 11:39 PM ರಿಂದ 12:31 AM

ದೀಪಾವಳಿಯ ಶುಭ ಸಂದರ್ಭದಲ್ಲಿ ಲಕ್ಷ್ಮಿ ದೇವಿಯನ್ನು ಪೂಜಿಸುವುದರಿಂದ ಸಾಕಷ್ಟು ಲಾಭವನ್ನು ನೀಡಲಿದೆ. ಹೀಗಾಗಿ ಈ ಹಬ್ಬದ ದಿನದಂದು ಶುಭ ಮುಹೂರ್ತವನ್ನು ನೋಡಿ ಪೂಜಿಸಲಾಗುತ್ತದೆ. ಈ ಬಾರಿ ದೀಪಾವಳಿ ಪೂಜೆಯ ವೇಳೆ ಸಂಜೆ 6:35ರಿಂದ 8:33ರವರೆಗೆ ವೃಷಭ ರಾಶಿ ಕಂಡು ಬರುತ್ತಿದೆ.

ಲಕ್ಷ್ಮಿ ದೇವಿಯನ್ನು ಸ್ಥಿರ ಲಗ್ನ ವೃಷಭ ರಾಶಿಯಲ್ಲಿ ಏಕೆ ಪೂಜಿಸಲಾಗುತ್ತದೆ?

ಹಿಂದೂ ಧರ್ಮದ ಪಠ್ಯಗಳಲ್ಲಿ ಲಕ್ಷ್ಮಿ ದೇವಿಯನ್ನು 'ಚಂಚಲಾ' ಎಂದು ಕರೆಯಲಾಗುತ್ತದೆ. ಅಂದರೆ ಅವಳು ಎಲ್ಲಿಯೂ ಶಾಶ್ವತವಾಗಿ ವಾಸಿಸುವುದಿಲ್ಲ. ಆದರೆ ಇದಕ್ಕೆ ಕಾರಣ ಪುರುಷನ ಕರ್ಮ ಮತ್ತು ಅದೃಷ್ಟ. ದೀಪಾವಳಿಯ ದಿನದಂದು ಮಂಗಳಕರವಾದ, ಸ್ಥಿರವಾದ ಆರೋಹಣ ಮತ್ತು ಮಂಗಳಕರ ಸಮಯದಲ್ಲಿ ಲಕ್ಷ್ಮಿ ದೇವಿಯನ್ನು ಪೂಜಿಸುವುದರಿಂದ ಅವಳು ಮನೆ, ಕುಟುಂಬ ಮತ್ತು ಜೀವನದಲ್ಲಿ ಸ್ಥಿರವಾಗಿ ಉಳಿಯುತ್ತಾಳೆ. ಸಾಧಕರಿಗೆ ಕಲ್ಯಾಣವನ್ನು ತರುತ್ತಾಳೆ.

ಶಾಸ್ತ್ರಗಳ ಪ್ರಕಾರ ವೃಷಭ ಲಗ್ನದಲ್ಲಿ ಶುಭ ಕಾರ್ಯ, ಗ್ರಹಪ್ರವೇಶ ಕಾರ್ಯ, ಗ್ರಹ ಕಾರ್ಯ, ವ್ಯಾಪಾರ ಮತ್ತು ವಾಹನ ಖರೀದಿಗೆ ಸಂಬಂಧಿಸಿದ ಕೆಲಸಗಳು ಸದಾ ಯಶಸ್ವಿಯಾಗುತ್ತವೆ. ಹಾಗಾಗಿ ಪೂಜೆಯ ಸಮಯದಲ್ಲಿ ಸ್ಥಿರ ಲಗ್ನವಾದ ವೃಷಭ ರಾಶಿಯನ್ನು ನೋಡಲಾಗುತ್ತದೆ.

English summary

Diwali 2024: October 31st Deepavali Lakshmi Puja Muhurta, Know Pradosha Kaala Time.