ದಸರಾ ಪ್ರಯುಕ್ತ ಎರಡು ದಿನ ಮಿನಿ ಏರ್ ಷೋ

ಮೈಸೂರು, ಅ.2: ದಸರಾ ಪ್ರಯುಕ್ತ ಮೈಸೂರಿನ ಬನ್ನಿಮಂಟಪದಲ್ಲಿ ಎರಡು ದಿನಗಳ ಕಾಲ ಪ್ರತಿ ವರ್ಷವೂ ರೋಮಾಂಚನಕಾರಿ ಏರ್ ಷೋ ಎಲ್ಲರನ್ನು ಮುದಗೊಳಿಸುತ್ತಿತ್ತು, ಆದರೆ, ಈ ಬಾರಿ ಏರ್ ಷೋ ಕ್ಯಾನ್ಸಲ ಆಗಿದೆ ಎಂಬ ಸುದ್ದಿ ಎಲ್ಲರಿಗೂ ಬೇಸರ ತರಿಸಿತ್ತು.

ಈ ಬಾರಿ ಏರ್ ಷೋ ನಡೆಯುವುದಿಲ್ಲ ಎಂಬ ಮಾತುಗಳು ಕೇಳಿ ಬಂದಿತ್ತು. ಆದರೆ ಕೊನೆಗಳಿಗೆಯಲ್ಲಿ ದಸರಾದಲ್ಲಿ ಏರ್ ಷೋ ಇಲ್ಲದಿದ್ದರೆ ಜನತೆಗೆ ನಿರಾಶೆಯಾಗುವುದು ಖಂಡಿತಾ ಎಂಬುವುದನ್ನು ಅರಿತ ದಸರಾ ಸಮಿತಿ ಮಿನಿ ಏರ್ ಷೋವನ್ನು ಏರ್ಪಡಿಸಲು ಮುಂದಾಗಿದೆ.

ಈ ಏರ್ ಷೋ ಅಕ್ಟೋಬರ್ 2 ಹಾಗೂ 3 ರಂದು ಸಂಜೆ 4 ರಿಂದ 5 ರವರೆಗೆ ಬನ್ನಿಮಂಟಪದಲ್ಲಿ ನಡೆಯಲಿದ್ದು, ಆರ್ಮಿ ಅಡ್ವೆಂಚರ್ ಸ್ಪೋರ್ಟ್ಸ್ ವಿಂಗ್‌ನ ಯೋಧರು ಏರ್ ಷೋನಲ್ಲಿ ಪಾಲ್ಗೊಂಡು ಪ್ಯಾರಾ ಮೋಟಾರ್‍ಸ್, ಪ್ಯಾರಾ ಸೈಲಿಂಗ್, ಸ್ಕೈಡೈವಿಂಗ್ ಮೊದಲಾದ ಸಾಹಸ ಪ್ರದರ್ಶನ ನೀಡಲಿದ್ದಾರೆ.

English summary

After public demand Dasara organisation committee finally decided to include Mini Air Show program in Dasara 2011. Earlier Airshow at BanniMantappa was cancelled.