• search

ಇಡ್ಲಿ ಎಂಬ ಎರಡಕ್ಷರದಲ್ಲಿ ಎಷ್ಟೊಂದು ನೆನಪುಂಟು!

By Srinivasa Mata
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಮತ್ತೆ ನೆನಪಾಗುತಿದೆ. ಇದನ್ನು ಓದುತ್ತಿದ್ದ ಹಾಗೆ ಬೇಸಿಗೆ ಕಾಲದಲ್ಲಿ ಇದೆಂಥದು ಅಂದುಕೊಳ್ಳಬೇಡಿ. ಇವತ್ತು ವಿಶ್ವ ಇಡ್ಲಿ ದಿನ ಅಂತೆ. ಇಂಥ ಶುಭ ದಿನದಲ್ಲಿ ಮತ್ತೆ ಮತ್ತೆ ನೆನಪಾಗುತ್ತಿದೆ ತುಮಕೂರು. ಕ್ಯಾತ್ಸಂದ್ರದ ಪವಿತ್ರಾ ಹೋಟೆಲ್ ಹಾಗೂ ರವಿ ದರ್ಶನ್ ಅನ್ನು ನೆನಪಿಸಿಕೊಂಡೇ ಮುಂದೆ ಸಾಗಬೇಕು. ಸಾಲಾಗಿ ನಿಂತ ಕಾರುಗಳು, ಗಿಜಿಗುಡುವ ಜನ.

    ಹಬೆಯಾಡುವ ಇಡ್ಲಿ ಹಾಗೂ ಹದವಾದ ಚಟ್ನಿ, ಮೇಲೊಂದಿಷ್ಟು ಬೆಣ್ಣೆ ಮುಂದೆ ಬಾಗದ ನಾಲಗೆಯುಂಟೆ? ಇನ್ನು ತುಮಕೂರು ನಗರದ ಶಿವಕುಮಾರ ಸ್ವಾಮೀಜಿ ಸರ್ಕಲ್ ನ ಬಳಿ ಮಹಾತ್ಮ ಗಾಂಧಿ ಸ್ಟೇಡಿಯಂ ಎದುರಿನ ಶಿರಡಿ ಹೋಟೆಲ್ ಕೂಡ ವಾಹ್. ಆದರೆ ಈ ಹೋಟೆಲ್ ಗೆ ಹೋಗುವಾಗ ಒಂದಿಷ್ಟು ತಾಳ್ಮೆಯಿಂದ ಹೋಗಬೇಕು.

    ರವಾ ಇಡ್ಲಿಗೂ ವಿಶ್ವಯುದ್ಧಕ್ಕೂ ಎತ್ತಣಿಂದೆತ್ತಣ ಸಂಬಂಧವಯ್ಯ?

    ಏಕೆಂದರೆ, ಒಂದು ಕೆಲಸಗಾರರು ಕಡಿಮೆ. ಮಾಲೀಕರೂ ಸೇರಿದಂತೆ ಇಡೀ ಹೋಟೆಲ್ ಗೆ ಹೋಟೆಲ್ ಬಿಜಿಯಾಗಿರುತ್ತದೆ. ಬೆಳಗ್ಗೆ ಹತ್ತು- ಹತ್ತೂವರೆಗೆಲ್ಲ ಬಾಗಿಲು ಬಂದ್. ಇಡ್ಲಿ ಮುಖ್ಯ ಆಕರ್ಷಣೆ. ಜತೆಗೆ ಮಸಾಲೆ ವಡೆ, ಉಪ್ಪಿಟ್ಟು, ಚಿತ್ರಾನ್ನ, ಕಾಫಿ-ಟೀ ಕೂಡ ಸಿಗುತ್ತದೆ. ಇನ್ನು ಅಮಾನಿ ಕೆರೆಯಿಂದ ಮುಂದೆ ಇರುವ ಚರ್ಚ್ ಎದುರಿಗೆ ಅಟ್ಟೂರು ಹೋಟೆಲ್ ಅಂತೊಂದಿದೆ.

    ತಂದೆ ಕಾಲದಿಂದಲೂ ಅಂಗಡಿ ನಡೆಸುತ್ತಿದ್ದಾರೆ

    ತಂದೆ ಕಾಲದಿಂದಲೂ ಅಂಗಡಿ ನಡೆಸುತ್ತಿದ್ದಾರೆ

    ಅಲ್ಲಿನ ಇಡ್ಲಿ, ಅವರೆಕಾಳು ಗಸಿ ಬಲೇ ಕಾಂಬಿನೇಷನ್, ಜತೆಗೆ ಮಸಾಲ ವಡೆ, ತುಪ್ಪದ ದೋಸೆ ಹಾಗೂ ಮಸಾಲೆ ದೋಸೆ ಕೂಡ ಅಷ್ಟೇ ಚಂದ. ಕೆ.ಆರ್.ರೋಡ್ ನಲ್ಲಿ ಈಗ ಮಂಜು ಅನ್ನೋರು ಸಣ್ಣ ಹೋಟೆಲ್ ಇಟ್ಟುಕೊಂಡಿದ್ದಾರೆ. ಅವರ ತಂದೆ ಕಾಲದಿಂದ ಇಡ್ಲಿ ಮಾಡಿಕೊಂಡು ಬರ್ತಿದ್ದಾರೆ. ಅವರ ಹೆಸರಲ್ಲೇ ಈ ಹೋಟೆಲ್ ಬಹಳ ಹೆಸರುವಾಸಿ.

    ಪತ್ರಿಕಾಗೋಷ್ಠಿಯಲ್ಲಿ ಕಾಯಂ ಮೆನು

    ಪತ್ರಿಕಾಗೋಷ್ಠಿಯಲ್ಲಿ ಕಾಯಂ ಮೆನು

    ತುಮಕೂರು ನಗರದ ಪ್ರವಾಸ ಮಂದಿರದಲ್ಲಿ ಪತ್ರಿಕಾಗೋಷ್ಠಿ ಆದರೆ ಇಡ್ಲಿ-ವಡೆ, ಉಪ್ಪಿಟ್ಟು, ಚಿತ್ರಾನ್ನ ಕಾಯಂ ಮೆನು. ಅದರಲ್ಲೂ ಕೆಲವು ಮುಖಂಡರು ಪತ್ರಿಕಾ ಗೋಷ್ಠಿ ಕರೆದರಂತೂ ಇಂಥದ್ದೇ ಹೋಟೆಲಿನ ಇಡ್ಲಿ ತರಿಸುವುದು ನಿಶ್ಚಿತ ಎಂಬುದು ಪತ್ರಕರ್ತರಿಗೂ ಖಾತ್ರಿ ಆಗಿರುತ್ತದೆ. ಅಂಥ ಹಲವು ಪತ್ರಿಕಾಗೋಷ್ಠಿ ಈಗಲೂ ನೆನಪಾಗುತ್ತದೆ, ಇಡ್ಲಿಯ ಸಹಿತ.

    ಸೋಮೇಶ್ವರಪುರಂನ ಸುನೀತಾ ಹೋಟೆಲ್

    ಸೋಮೇಶ್ವರಪುರಂನ ಸುನೀತಾ ಹೋಟೆಲ್

    ಇನ್ನು ಸೋಮೇಶ್ವರಪುರಂ ಸುನೀತಾ ಹೋಟೆಲ್ ಗೆ ಒಮ್ಮೆಯಾದರೂ ಹೋಗಲೇಬೇಕು. ಅಲ್ಲಿನ ಇಡ್ಲಿ-ಸಾಂಬಾರ್, ಮಸಾಲೆ ದೋಸೆ, ಕಾಫಿ ಇಡೀ ತುಮಕೂರಿಗೆ ಖ್ಯಾತಿ. ಇನ್ನು ಹೊಯ್ಸಳ ಹೋಟೆಲ್, ಎಂ.ಜಿ.ರಸ್ತೆಯ ದ್ವಾರಕಾ ಹೋಟೆಲ್, ಬಸ್ ಸ್ಟಾಪ್ ಹತ್ತಿರದ ಅಶೋಕ ಹೋಟೆಲ್, ಸುಧಾ ಟೀ ಹೌಸ್, ನಂಜುಂಡೇಶ್ವರ ಹೋಟೆಲ್, ಚಿಕ್ಕಪೇಟೆಯ ಅನ್ನಪೂರ್ಣೇಶ್ವರಿ ಹೋಟೆಲ್, ಗಣೇಶ ಹೋಟೆಲ್... ಪಟ್ಟಿ ಹೀಗೆ ಬೆಳೆಯುತ್ತಲೇ ಹೋಗುತ್ತದೆ.

    ಬೆಂಗಳೂರಿನ ಹೋಟೆಲ್ ಗಳ ನೆನಪು ಒಂದಿಷ್ಟು

    ಬೆಂಗಳೂರಿನ ಹೋಟೆಲ್ ಗಳ ನೆನಪು ಒಂದಿಷ್ಟು

    ಇದೇ ಸಂದರ್ಭದಲ್ಲಿ ಬೆಂಗಳೂರಿನ ಚಾಮರಾಜಪೇಟೆಯ ಬ್ರಾಹ್ಮಣರ ಕಾಫಿ ಕೇಂದ್ರ, ನಾರ್ತ್ ರೋಡ್ ನ ಎಸ್ಎಲ್ ವಿ, ಬನಶಂಕರಿ ಎರಡನೇ ಹಂತದ ಬಿಡಿಎ ಕಾಂಪ್ಲೆಕ್ಸ್ ಹತ್ತಿರದ ಎಸ್ಎಲ್ ವಿ, ಜಯನಗರ ನಾಲ್ಕನೇ ಬ್ಲಾಕ್ ನ ಇಡ್ಲೀಸ್, ಇಂದಿರಾ ನಗರದ ಮದುರೆ ಇಡ್ಲಿ ಹೋಟೆಲ್, ಲಾಲ್ ಬಾಗ್ ಬಳಿಯಿರುವ ಎಂಟಿಆರ್,ಮಲ್ಲೇಶ್ವರದ ವೀಣಾ ಹೋಟೆಲ್ ಎಲ್ಲವನ್ನೂ ನೆನಪಿಸಿಕೊಂಡು ಬಿಡೋಣ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    March 30th World Idli day. This is the time to remember tasty Idli- Chatni of Tumakuru and Bengaluru. Idli is favorite and healthy snacks for South Indians.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more