ಇಸ್ರೋದ ಮಂಗಳಯಾನಕ್ಕೆ ನಾಲ್ಕರ ಹರೆಯದ ಸಂಭ್ರಮ: ಕಣ್ಮನ ಸೆಳೆಯುವ ಚಿತ್ರಗಳು
ಬೆಂಗಳೂರು, ಸೆಪ್ಟೆಂಬರ್ 26: ಇಸ್ರೋದ ಮಹತ್ವಾಕಾಂಕ್ಷೆಯ ಮಂಗಳಯಾನ ಯೋಜನೆಗೆ ಸೋಮವಾರ ನಾಲ್ಕು ವರ್ಷ ತುಂಬಿದೆ.
ಮಾರ್ಸ್ ಆರ್ಬಿಟರ್ (ಮಂಗಳಯಾನ) ನೌಕೆಯನ್ನು 2013ರ ನವೆಂಬರ್ 5ರಂದು ಉಡಾವಣೆ ಮಾಡಲಾಗಿತ್ತು. ಈ ನೌಕೆ, 2014ರ ಸೆಪ್ಟೆಂಬರ್ 24ರಂದು ಕೆಂಪು ಗ್ರಹದ ಅಂಗಳವನ್ನು ಸೇರಿತ್ತು.
ಮಂಗಳಯಾನಕ್ಕೆ ನಾಲ್ಕು ವರ್ಷ ತುಂಬಿರುವ ವಿಚಾರವನ್ನು ಇಸ್ರೋದ ಮಾರ್ಸ್ ಆರ್ಬಿಟರ್ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.
ಕಕ್ಷೆಗೆ ಸೇರಿದಾಗಿನಿಂದಲೂ 980ಕ್ಕೂ ಅಧಿಕ ಫೋಟೊಗಳನ್ನು ಈ ನೌಕೆ ಭೂಮಿಗೆ ರವಾನಿಸಿದೆ. ಮಂಗಳ ಗ್ರಹದ ಕುರಿತ ಅಧ್ಯಯನಕ್ಕೆ ಪರೂಕವಾದ ಅನೇಕ ಮಹತ್ವ ಮಾಹಿತಿಗಳನ್ನು ಇದು ಒದಗಿಸಿದೆ.
ಆರು ತಿಂಗಳ ಕಾಲಾವಧಿಯ ಬಳಿಕ ಈ ಉಪಗ್ರಹ ನೌಕೆ ನಿಷ್ಕ್ರಿಯವಾಗಲಿದೆ ಎಂದು ಇಸ್ರೋ ಭಾವಿಸಿತ್ತು. ಆದರೆ, ಮಂಗಳಗ್ರಹದಲ್ಲಿ ಈ ನೌಕೆ ನಾಲ್ಕು ವರ್ಷ ಬದುಕಿದೆ. ಮಂಗಳಯಾನ ರವಾನಿಸಿರುವ ಚಿತ್ರಗಳು ಬಲು ಅಪರೂಪದ್ದು.
ಜಗತ್ತಿನ ಬೇರೆ ನೌಕೆಗಳು ಸೆರೆಹಿಡಿಯದ ವಿಶಿಷ್ಟ ಚಿತ್ರಗಳನ್ನು ಅದು ಕ್ಲಿಕ್ಕಿಸಿದೆ. ಕೆಂಪು ಗ್ರಹದ ಮೇಲ್ಮೈ ಎಷ್ಟು ಮನಮೋಹಕವಾಗಿದೆ ಎನ್ನುವುದನ್ನು ಈ ಚಿತ್ರಗಳೇ ವಿವರಿಸುತ್ತಿವೆ. ಅದು ಭೂಮಿಗೆ ಕಳುಹಿಸಿರುವ ಚಿತ್ರಗಳಲ್ಲಿ ಕಣ್ಮನ ಸೆಳೆಯುವ ಕೆಲವು ಚಿತ್ರಗಳು ಇಲ್ಲಿವೆ. (ಚಿತ್ರ ಕೃಪೆ: ಇಸ್ರೋ)
|
ನಾಲ್ಕು ವರ್ಷವಾಯ್ತು
'ನಾನು ಇಲ್ಲಿ ಸುತ್ತಾಡುತ್ತಾ ನಾಲ್ಕು ವರ್ಷವಾಯಿತು. ನಿಮ್ಮೆಲ್ಲರ ಪ್ರೀತಿ ಮತ್ತು ಪ್ರೋತ್ಸಾಹಕ್ಕಾಗಿ ಧನ್ಯವಾದಗಳು' ಎಂದು ಟ್ವೀಟ್ ಮಾಡಲಾಗಿದೆ.
ಆರು ತಿಂಗಳ ಅವಧಿ!
ಮಂಗಳ ಗ್ರಹದ ಕುರಿತು ಅಧ್ಯಯನ ನಡೆಸುವ ಭಾರತದ ಮೊದಲ ಯೋಜನೆಯಾದ ಮಂಗಳಯಾನ ಯಶಸ್ವಿಯಾಗಿ ಕಾರ್ಯನಿರ್ವಹಿಸುತ್ತಿದೆ. ಇದನ್ನು ಆರು ತಿಂಗಳ ಜೀವಿತಾವಧಿ ಇರುವಂತೆ ವಿನ್ಯಾಸಗೊಳಿಸಿದ್ದರೂ ಈಗಲೂ ದತ್ತಾಂಶಗಳನ್ನು ಸಂಗ್ರಹಿಸಿ ಭೂಮಿಗೆ ರವಾನಿಸುತ್ತಿದೆ.
|
ಬ್ಲ್ಯಾಕ್ ಔಟ್ಸ್ ಚಿತ್ರ
2015ರ ಜೂನ್ 8ರಿಂದ 22ರ ವರೆಗೂ ಭೂಮಿ ಮತ್ತು ಮಂಗಳ ಗ್ರಹದ ಮಧ್ಯೆ ಬರುವ ಸೂರ್ಯ, ಉಪಗ್ರಹಗಳ ಸಂವಹನವನ್ನು ಕಡಿತಗೊಳಿಸಿತ್ತು. ಇದನ್ನು ಬಾಹ್ಯಾಕಾಶ ವಿಜ್ಞಾನ ಭಾಷೆಯಲ್ಲಿ (ಬ್ಲ್ಯಾಕ್ ಔಟ್) ಎಂದು ಕರೆಯಲಾಗುತ್ತದೆ. ಅದರಿಂದ ಹೊರ ಬಂದ ಬಳಿಕ ಮಂಗಳಯಾನದ ಕ್ಯಾಮೆರಾ ಸೆರೆಹಿಡಿದ ಚಿತ್ರವಿದು.
980ಕ್ಕೂ ಅಧಿಕ ಚಿತ್ರ
ಎಂಸಿಸಿಯು 980ಕ್ಕೂ ಅಧಿಕ ಚಿತ್ರಗಳನ್ನು ಕ್ಲಿಕ್ಕಿಸಿದೆ. ಕೆಂಪು ಗ್ರಹದ ಸುತ್ತ 1 ಈ ನೌಕೆ ಸಾವಿರಕ್ಕೂ ಹೆಚ್ಚು ಬಾರಿ ಸುತ್ತಿದೆ. ಮಂಗಳದ ಪೂರ್ಣ ಪ್ರಮಾಣದ ಚಿತ್ರವನ್ನು ಒಂದೇ ಚೌಕಟ್ಟಿನೊಳಗೆ ಸೆರೆಹಿಡಿದ ಮೊದಲ ಕೃತಕ ಮಂಗಳ ಉಪಗ್ರಹ ಇದಾಗಿದೆ. ಅಲ್ಲದೆ, ಮಂಗಳ ಗ್ರಹದ ಎರಡು ಚಂದ್ರಗಳಲ್ಲಿ ಒಂದಾದ ಡೀಮೊಸ್ನ ಚಿತ್ರವನ್ನು ತೆಗೆದ ಏಕೈಕ ಉಪಗ್ರಹ ಕೂಡ ಹೌದು.
|
ಟಿರ್ಹೆನಸ್ ಮಾನ್ಸ್
ಮಂಗಳ ಗ್ರಹದಲ್ಲಿ ಎಷ್ಟೋ ವರ್ಷಗಳ ಹಿಂದೆ ಇದ್ದ ಪುರಾತನ ಟಿರ್ಹೆನಸ್ ಮಾನ್ಸ್ ಅಗ್ನಿಪರ್ವತ ಮತ್ತು ಅದರಿಂದ ಸೃಷ್ಟಿಯಾದ ಕುಳಿ, ಕಾಲುವೆಗಳ ಚಿತ್ರವಿದು.
|
ಕಣಿವೆ ಚಿತ್ರ
ಮಂಗಳ ಗ್ರಹದಲ್ಲಿ ಇರುವ ಅತಿ ದೊಡ್ಡ ಕಣಿವೆ ವ್ಯಾಲ್ಲಿಸ್ ಮರೈನರಿಸ್ ಚಿತ್ರವನ್ನು ಮಂಗಳಯಾನ ನೌಕೆ 2015ರ ಮಾರ್ಚ್ನಲ್ಲಿ ರವಾನಿಸಿತ್ತು.
ಒಲಿಂಪಸ್ ಮಾನ್ಸ್
ಸೌರವ್ಯೂಹದ ಅತಿ ಎತ್ತರದ ಅಗ್ನಿಪರ್ವತ ಒಲಿಂಪಸ್ ಮಾನ್ಸ್ ಸೇರಿದಂತೆ ಈ ನೌಕೆ ಅನೇಕ ಚಿತ್ರಗಳನ್ನು ರವಾನಿಸಿದೆ. 21 ಕಿಲೋ ಮೀಟರ್ನಷ್ಟು ಎತ್ತರ ಇರುವ ಈ ಪರ್ವತದ ಚಿತ್ರವನ್ನು ಮಾರ್ಸ್ ಕಲರ್ ಕ್ಯಾಮೆರಾ (ಎಂಸಿಸಿ) ಮೂಲಕ ಸೆರೆಹಿಡಿದಿದ್ದ ಮಂಗಳಯಾನ, ಈ ವರ್ಷದ ಮಾರ್ಚ್ 18ರಂದು ಅದನ್ನು ಕಳುಹಿಸಿತ್ತು.
ಕೆಂಪು ಗ್ರಹ
ಕೆಂಪು ಗ್ರಹ ಮಂಗಳನ ಹೊಳೆಯುವ ಅಂದದ ಚಿತ್ರ. ನಾಸಾದ ಉಪಗ್ರಹಗಳು ಸೇರಿದಂತೆ ಅನೇಕ ಉಪಗ್ರಹಗಳು ಸೆರೆಹಿಡಿಯಲು ಸಾಧ್ಯವಾಗದ ಕೋನದಲ್ಲಿ ಮಂಗಳದ ಚಿತ್ರವನ್ನು ಮಂಗಳಯಾನ ಕ್ಲಿಕ್ಕಿಸಿದೆ. ಅವುಗಳಲ್ಲಿ ಇದೂ ಒಂದು.
-
Gold Rate: ಬಂಗಾರ ಮತ್ತಷ್ಟು ದುಬಾರಿ: 16,000 ರೂ. ದಾಟಿದ ಚಿನ್ನ, ಬೆಳ್ಳಿ ಬೆಲೆ ಕೂಡ ಏರಿಕೆ, ಇಲ್ಲಿದೆ ಇಂದಿನ ದರ ವಿವರ -
Prakash Raj: ‘ಅಪ್ಪನ ಮನೆ ಆಸ್ತಿ ಮಾರ್ತಿದೀರಾ?’: ಕೇಂದ್ರದ ಹೊಸ ನಿಯಮದ ವಿರುದ್ಧ ನಟ ಪ್ರಕಾಶ್ ರಾಜ್ ಟೀಕೆ -
New Rent Rules 2026: ಬಾಡಿಗೆದಾರರಿಗೆ ಗುಡ್ನ್ಯೂಸ್: ಆಸ್ತಿದಾರರಿಗೆ ಸಂಕಷ್ಟ, ಹೊಸ ಕಾನೂನಿನ 5 ಪ್ರಮುಖ ಅಂಶಗಳು -
Sapthami Gowda: ಅಸಭ್ಯವಾಗಿ ವಿಡಿಯೋ ಚಿತ್ರೀಕರಣ: ಫಿಲ್ಮ್ ಚೇಂಬರ್ ಮೆಟ್ಟಿಲೇರಿದ ಸಪ್ತಮಿ ಗೌಡ, ಸಭೆಯಲ್ಲಿ ಮಹತ್ವದ ತೀರ್ಮಾನ -
Gold Price March 11: ಚಿನ್ನದ ಬೆಲೆಯಲ್ಲಿ ಹೊಸ ದಾಖಲೆ: ಬೆಳ್ಳಿ ಪ್ರಿಯರಿಗೆ ಅಚ್ಚರಿ, ಎಷ್ಟಿದೆ ಇಂದಿನ ಚಿನ್ನ - ಬೆಳ್ಳಿ ಬೆಲೆ -
Rain In Karnataka: ಈ ವಾರದಲ್ಲಿ ಕರ್ನಾಟಕದ ಈ ಭಾಗಗಳಲ್ಲಿ ಮಳೆ ಸಾಧ್ಯತೆ, ಬೆಂಗಳೂರಲ್ಲಿ ಹೇಗಿದೆ ವೆದರ್ -
Sayali Surve: ಇಸ್ಲಾಂನಿಂದ ಹಿಂದೂ ಧರ್ಮಕ್ಕೆ ಮತಾಂತರಗೊಂಡ ಮಿಸ್ ಇಂಡಿಯಾ ಅರ್ಥ್ ವಿಜೇತೆ ಸಯಾಲಿ ಸುರ್ವೆ, ಕಾರಣವೇನು -
Bengaluru Property: ಬೆಂಗಳೂರಿನಲ್ಲಿ ಕಟ್ಟಡ ನಿಯಮ ಉಲ್ಲಂಘಿಸಿದ ಆಸ್ತಿದಾರರಿಗೆ ಜಿಬಿಎ - ಬಿಡಿಎ ಜಂಟಿ ಶಾಕ್ -
Bengaluru Second Airport: ಬೆಂಗಳೂರಿಗೆ ಟಕ್ಕರ್ ಕೊಡಲು ಬಂದ ತಮಿಳುನಾಡಿಗೆ ಮುಖಭಂಗ, ಹೊಸೂರು ವಿಮಾನ ನಿಲ್ದಾಣ ಕಷ್ಟ -
LPG Alternatives: ಎಲ್ಪಿಜಿ ಬೆಲೆ ಏರಿಕೆಗೆ ಹೆದರಬೇಡಿ: ನಮ್ಮಲ್ಲೇ ಇರುವ ಈ ಪರ್ಯಾಯ ಮಾರ್ಗಗಳನ್ನು ಅಳವಡಿಸಿಕೊಂಡು ಜಾಣರಾಗಿ -
Shivam Dube: ಶಿವಂ ದುಬೆ ಸಾಧನೆಗೆ ಮನಸಾರೆ ಮೆಚ್ಚುಗೆ ಸೂಚಿಸಿದ ಪತ್ನಿ ಅಂಜುಮ್ ಖಾನ್: ಇನ್ಸ್ಟಾ ಪೋಸ್ಟರ್ ಭಾರೀ ವೈರಲ್ -
Fact Check: ಟಿ20 ವಿಶ್ವಕಪ್ ಫೈನಲ್ ಪಂದ್ಯಕ್ಕೂ ಮುನ್ನ ರಾಷ್ಟ್ರಗೀತೆ ವೇಳೆ ಕಣ್ಣೀರಿಟ್ಟ ಕಿವೀಸ್ ಆಟಗಾರ ಇಶ್ ಸೋಧಿ
Click it and Unblock the Notifications
Sign in with Google