ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಇಮ್ರಾನ್ ಖಾನ್ ರ ಪ್ರೀತಿಯ ಸಾಕು ನಾಯಿಗಳಿಗೆ ವಿಕಿಪೀಡಿಯಾದಲ್ಲಿ ಸ್ಥಾನ

|
Google Oneindia Kannada News

ಇನ್ನೇನು ಪಾಕಿಸ್ತಾನ ಪ್ರಧಾನಿಯಾಗಿ ಅಧಿಕಾರ ಸ್ವೀಕರಿಸಲಿರುವ ಮಾಜಿ ಕ್ರಿಕೆಟಿಗ ಇಮ್ರಾನ್ ಖಾನ್ ರ ಅಚ್ಚುಮೆಚ್ಚಿನ ನಾಯಿಗಳಿಗಾಗಿಯೇ ಒಂದು ವಿಕಿಪೀಡಿಯಾ ಪುಟ ಮೀಸಲಾಗಿದೆ. ಈ ವಿಚಾರವನ್ನು ಪಾಕಿಸ್ತಾನದ ಮಾಧ್ಯಮವೊಂದಕ್ಕೆ ಆನ್ ಲೈನ್ ಎನ್ ಸೈಕ್ಲೋಪಿಡಿಯಾದ ಹೆಲ್ಪ್ ಡೆಸ್ಕ್ ನವರೇ ಖಾತ್ರಿ ಪಡಿಸಿದ್ದಾರೆ.

ಇಮ್ರಾನ್ ಖಾನ್ ರ ಬಳಿ ಐದು ನಾಯಿಗಳಿದ್ದವು ಎಂದು ವರದಿಯಾಗಿತ್ತು. ಮೋಟಿ, ಶೆರ್ನಿ, ಪಿಡು, ಮ್ಯಾಕ್ಸಿಮಸ್ ಅವುಗಳ ಹೆಸರು. ಅದರ ಜತೆಗೆ ಶೇರು ಅನ್ನೋ ಐದನೇ ನಾಯಿಯ ಹೆಸರನ್ನು ವಿಕಿಪೀಡಿಯಾ ಪಟ್ಟಿ ಮಾಡಿದೆ. ಆದರೆ ಜಿಯೋ ಟಿವಿ ವರದಿ ಪ್ರಕಾರ ಇಮ್ರಾನ್ ಖಾನ್ ಹೇಳಿದ್ದಾರಂತೆ, ಏಪ್ರಿಲ್ ನಲ್ಲಿ ಅದು ಮೃತಪಟ್ಟಿದೆ.

ಪಕ್ಕದ ಪಾಕಿಸ್ತಾನ್, ಅದಕ್ಕೆ ಇಮ್ರಾನ್ ಖಾನ್- ಜ್ಯೋತಿಷ್ಯ ವಿಶ್ಲೇಷಣೆಪಕ್ಕದ ಪಾಕಿಸ್ತಾನ್, ಅದಕ್ಕೆ ಇಮ್ರಾನ್ ಖಾನ್- ಜ್ಯೋತಿಷ್ಯ ವಿಶ್ಲೇಷಣೆ

ಆದರೆ, ಇಮ್ರಾನ್ ಖಾನ್ ತಮ್ಮ ಬಳಿ ಐದು ನಾಯಿಗಳಿರುವುದಾಗಿ ಹೇಳಿದ್ದರು. ಆ ಪೈಕಿ ಮ್ಯಾಕ್ಸಿಮಸ್ ಅವರ ಬಳಿಯೇ ಇದೆಯಾ ಅಥವಾ ಖಾನ್ ರ ಎರಡನೇ ಮಾಜಿ ಪತ್ನಿ ಬಳಿ ಇದೆಯಾ ಎಂಬ ಬಗ್ಗೆ ಸ್ಪಷ್ಟತೆ ಸಿಕ್ಕಿಲ್ಲ. ವಿಕಿಪೀಡಿಯಾದಲ್ಲಿ ಕೂಡ ಇಮ್ರಾನ್ ಖಾನ್ ರ ಅಚ್ಚುಮೆಚ್ಚಿನ ನಾಯಿಗಳ ಬಗ್ಗೆ ಹೆಚ್ಚಿನ ಮಾಹಿತಿ ಇಲ್ಲ. ಆದರೆ ಪ್ರಧಾನಿ ಹುದ್ದೆಗೆ ಏರುವುದು ಖಾತ್ರಿ ಆದ ಮೇಲೆ ಹೆಚ್ಚು ವಿವರಗಳು ಹರಿದು ಬರುವ ಭರವಸೆಯಂತೂ ಇದೆಯಂತೆ.

ಮ್ಯಾಕ್ಸಿಮಸ್ ಅನ್ನೋ ಬೆಲ್ಜಿಯಂ ಶೆಫರ್ಡ್

ಮ್ಯಾಕ್ಸಿಮಸ್ ಅನ್ನೋ ಬೆಲ್ಜಿಯಂ ಶೆಫರ್ಡ್

ರೆಹಾಮ್ ಖಾನ್ ಗೆ ಇಮ್ರಾನ್ ಖಾನ್ ವಿಚ್ಛೇದನ ನೀಡಿದ್ದೇ ತಮ್ಮ ಸಾಕು ನಾಯಿಗಳ ವಿಚಾರದ ಭಿನ್ನಾಭಿಪ್ರಾಯಕ್ಕೆ ಎಂದು ಪತ್ರಿಕೆಯೊಂದು ವರದಿ ಮಾಡಿತ್ತು. ಆದರೆ ಆ ಆರೋಪವನ್ನು ರೆಹಾಮ್ ನಿರಾಕರಿಸಿದ್ದರು. ಇನ್ನು ಮ್ಯಾಕ್ಸಿಮಸ್ ಅನ್ನೋ ಬೆಲ್ಜಿಯಂ ಶೆಫರ್ಡ್ ನಾಯಿಯನ್ನು ರೆಹಾಮ್ ಇಂಗ್ಲೆಂಡ್ ನಿಂದ ಇಸ್ಲಾಮ್ ಬಾದ್ ಗೆ ತಂದಿದ್ದರಂತೆ.

ಮೂರನೇ ಪತ್ನಿ ಜತೆಗೆ ಅದೇ ವಿಚಾರಕ್ಕೆ ಮನಸ್ತಾಪ

ಮೂರನೇ ಪತ್ನಿ ಜತೆಗೆ ಅದೇ ವಿಚಾರಕ್ಕೆ ಮನಸ್ತಾಪ

ಇಮ್ರಾನ್ ಹಾಗೂ ರೆಹಾಮ್ ವಿವಾಹದ ನಂತರ ನೀಡಿದ ಹಲವು ಸಂದರ್ಶನದಲ್ಲಿ ಕಾಣಿಸಿಕೊಂಡಿದ್ದು ಅದೇ ಮ್ಯಾಕ್ಸಿಮಸ್. ವಿಚ್ಛೇದನದ ನಂತರ ಅದು ರೆಹಾಮ್ ಜತೆಗೆ ಇದೆ ಎಂದು ಮೂಲಗಳು ತಿಳಿಸಿವೆ. ಇತ್ತೀಚೆಗೆ ಇಮ್ರಾನ್ ಖಾನ್ ರ ಮೂರನೇ ಪತ್ನಿ ಬುಶ್ರಾ ಮನೇಕಾ ಜತೆಗೂ ತಮ್ಮ ನೆಚ್ಚಿನ ನಾಯಿ ಸಲುವಾಗಿಯೇ ಮನಸ್ತಾಪ ಮಾಡಿಕೊಂಡಿದ್ದರು ಎಂದು ಸುದ್ದಿ ಸಂಸ್ಥೆಯೊಂದು ವರದಿ ಮಾಡಿತ್ತು.

ಲೈಂಗಿಕತೆ, ಮಾದಕದ್ರವ್ಯ, ಸಲಿಂಗಕಾಮ : ಬೆಚ್ಚಿಬೀಳಿಸುವ ಇಮ್ರಾನ್ ಖಾನ್ ಕಥೆ!ಲೈಂಗಿಕತೆ, ಮಾದಕದ್ರವ್ಯ, ಸಲಿಂಗಕಾಮ : ಬೆಚ್ಚಿಬೀಳಿಸುವ ಇಮ್ರಾನ್ ಖಾನ್ ಕಥೆ!

ನಾಯಿ ಮರಿಗಳನ್ನು ಕೊಡುಗೆ ನೀಡಿದ್ದರಂತೆ ಮುಷರಫ್

ನಾಯಿ ಮರಿಗಳನ್ನು ಕೊಡುಗೆ ನೀಡಿದ್ದರಂತೆ ಮುಷರಫ್

ಪಾಕಿಸ್ತಾನದ ಮಾಜಿ ಸೇನಾಧಿಕಾರಿ ಪರ್ವೇಜ್ ಮುಷರಫ್ ಕೊಡುಗೆಯಾಗಿ ನೀಡಿದ ಹಲವು ನಾಯಿ ಮರಿಗಳು ಇಮ್ರಾನ್ ಖಾನ್ ಬಳಿಯಿವೆ. ಮುದ್ದಾದ ಮರಿಗಳೆಂದರೆ ಇಮ್ರಾನ್ ಖಾನ್ ಗೆ ಬಲು ಇಷ್ಟ ಎಂದು ರೆಹಾಮ್ ಬರೆದಿದ್ದಾರೆ. ಸದ್ಯಕ್ಕೆ ಈ ಬಗ್ಗೆ ವಿಕಿಪೀಡಿಯಾಗೆ ಏನೇ ಮಾಹಿತಿ ಬೇಕೆಂದರೂ ಅದಕ್ಕಾಗಿ ಬೇರೆ ಮಾಧ್ಯಮಗಳನ್ನು ಅವಲಂಬಿಸುವುದು ಅನಿವಾರ್ಯ ಆಗುತ್ತದೆ.

ನಾನಾ ದೇಶದ ಅಧ್ಯಕ್ಷರು- ಪ್ರಧಾನಿಗಳ ಮೆಚ್ಚಿನ ಪ್ರಾಣಿಗಳ ವಿವರ

ನಾನಾ ದೇಶದ ಅಧ್ಯಕ್ಷರು- ಪ್ರಧಾನಿಗಳ ಮೆಚ್ಚಿನ ಪ್ರಾಣಿಗಳ ವಿವರ

ಎಷ್ಟಾದರೂ ದೇಶವೊಂದರ ಪ್ರಧಾನಿಯ ಮೆಚ್ಚಿನ ನಾಯಿಗಳ ಬಗ್ಗೆ ಮಾಹಿತಿಗಾಗಿ ಅಷ್ಟಾದರೂ ಶ್ರಮ ಹಾಕದಿದ್ದರೆ ಹೇಗೆ? ಅಮೆರಿಕ ಅಧ್ಯಕ್ಷರೂ ಸೇರಿದ ಹಾಗೆ ವಿವಿಧ ದೇಶಗಳ ಅಧ್ಯಕ್ಷರು- ಪ್ರಧಾನಿಗಳ ನೆಚ್ಚಿನ ಪ್ರಾಣಿಗಳ ಬಗ್ಗೆ ಮಾಹಿತಿ ನೀಡುವ ಸಲುವಾಗಿಯೇ ವಿಕಿಪೀಡಿಯಾದಲ್ಲಿ ಪುಟಗಳು ಇವೆ ಅನ್ನೋದು ಆಸಕ್ತಿಕರ ಅಂಶ.

English summary
"Imran's pet dogs attracted press attention over a sufficiently significant period of time, so I think we can have a page on them, we already have several pages on United States presidential pets," said Wikipedia help desk to Pakistani news paper.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X