ವಾಟ್ಸಾಪ್ ಗ್ರೂಪಿನಿಂದ ಸಿಗ್ನಲ್ APP ಗ್ರೂಪಿಗೆ ಜಂಪ್ ಹೇಗೆ?
ಅತ್ಯಂತ ಜನಪ್ರಿಯ ಮೆಸೆಜಿಂಗ್ ಅಪ್ಲಿಕೇಷನ್ ವಾಟ್ಸಾಪ್ ತನ್ನ ಬಳಕೆದಾರರನ್ನು ದಿನದಿಂದ ದಿನಕ್ಕೆ ಕಳೆದುಕೊಳ್ಳುತ್ತಿದೆ. ಖಾಸಗಿತನ ನೀತಿ ಮತ್ತು ಸೇವೆಗಳ ನಿಬಂಧನೆಗಳ ಹೊಸ ಅಪ್ಡೇಟ್ ಕುರಿತಂತೆ ದೆಹಲಿ ಹೈಕೋರ್ಟಿನಲ್ಲಿ ವಿಚಾರಣೆಯನ್ನು ವಾಟ್ಸಾಪ್ ಎದುರಿಸುತ್ತಿದೆ. ಟೆಲಿಗ್ರಾಮ್ ಹಾಗೂ ಸಿಗ್ನಲ್ ತ್ವರಿತ ಮೆಸೇಜಿಂಗ್ ಅಪ್ಲಿಕೇಷನ್ ಗಳಿಗೆ ಪರಿಸ್ಥಿತಿಯ ಲಾಭ ದೊಡ್ಡ ಮಟ್ಟದಲ್ಲೇ ಆಗುತ್ತಿದೆ.
ವಾಟ್ಸಾಪ್ ಈಗ ಬಳಕೆದಾರರ ಗೌಪ್ಯ ಮಾಹಿತಿ, ಚಾಟ್ ಹಿಸ್ಟರಿಯನ್ನು ಮೂಲ ಸಂಸ್ಥೆ ಫೇಸ್ಬುಕ್ ಜೊತೆಗೆ ಹಂಚಿಕೊಳ್ಳಲು ಮುಂದಾಗಿದೆ. ಇದು ಬಳಕೆದಾರರ ಆಯ್ಕೆಗೆ ಬಿಟ್ಟಿದ್ದು ಎಂದರು ಪ್ರಕಟಣೆ ಹೊರಡಿಸಿದರೂ ಖ್ಯಾತನಾಮರ ಚಾಟ್ ಹಿಸ್ಟರಿಯೇ ಸೋರಿಕೆಯಾಗಿ ನಗೆಪಾಟಲಿಗೆ ವಾಟ್ಸಾಪ್ ಈಡಾಗಿದೆ.
ಅಪ್ಡೇಟ್ ಗೊಂದಲದಿಂದ ತಪ್ಪಿಸಿಕೊಳ್ಳಲು ಬಳಕೆದಾರರಿಗೆ ಬೇರೆ ಮಾರ್ಗವಿಲ್ಲದ ಕಾರಣ, ವಾಟ್ಸಾಪ್ ತೊರೆಯುತ್ತಿದ್ದಾರೆ. ಈಗಾಗಲೇ ಲಕ್ಷಾಂತರ ಮಂದಿ ಸಿಗ್ನಲ್ ಸೇರಿದ್ದಾರೆ. ವಾಟ್ಸಾಪ್ ಸಹ ಸಂಸ್ಥಾಪಕ ಬ್ರಿಯಾನ್ ಆಕ್ಟನ್ ಅವರೇ ಸಿಗ್ನಲ್ ಆಪ್ ರೂಪಿಸಿದ್ದು ಎಂಬುದು ವಿಶೇಷ. ಸಿಗ್ನಲ್ App ಸ್ಮಾರ್ಟ್ಫೋನ್ನಲ್ಲಿ ಡೌನ್ಲೋಡ್, ಬಳಕೆ ಹೇಗೆ? ಎಂಬುದನ್ನು ಈಗಾಗಲೇ ಓದಿರುತ್ತೀರಿ, ಈಗ ವಾಟ್ಸಾಪ್ ಗ್ರೂಪಿನಿಂದ ಸಿಗ್ನಲ್ APP ಗ್ರೂಪ್ ಪುನರ್ ರಚಿಸುವುದು ಹೇಗೆ ಎಂಬುದನ್ನು ಇಲ್ಲಿ ಓದಿ....
ಮೊದಲಿಗೆ ಸಿಗ್ನಲ್ ಆಪ್ ಡೌನ್ಲೋಡ್ ಮಾಡಿಕೊಳ್ಳಿ
ಗೂಗಲ್ ಪ್ಲೇಸ್ಟೋರಿನಲ್ಲಿ signal ಎಂದು ಸರ್ಚ್ ಮಾಡಿದರೆ ನೀಲಿ ಬಣ್ಣದ ಲೋಗೋ ಇರುವ ಆಪ್ ಕಾಣಬಹುದು. ಇದೇ ರೀತಿ ಆಪಲ್ ಆಪ್ ಸ್ಟೋರಿನಲ್ಲೂ install ಮಾಡಿಕೊಳ್ಳಿ.
ಸಿಗ್ನಲ್ ಆಪ್ ಓಪನ್ ಮಾಡುತ್ತಿದ್ದಂತೆ ಎರಡು ಆಯ್ಕೆ ಸಿಗುತ್ತದೆ. ಹೊಸದಾಗಿ ಆಪ್ ಬಳಸುತ್ತಿದ್ದರೆ Continue ಬಟನ್ ಒತ್ತಿ, ಈ ಮೊದಲೇ ಬಳಸುತ್ತಿದ್ದರೆ ಹಳೆ ಬ್ಯಾಕಪ್ ಪುನಃ ಸ್ಥಾಪಿಸಲು Restore Backup ಆಯ್ಕೆ ಮಾಡಿ, ಈ ಸಂದರ್ಭದಲ್ಲಿ ಕೇಳುವ ಅನುಮತಿ ನೀಡಿ, ನಿಮ್ಮ ಫೋನ್ ನಂಬರ್ ಹಾಕಿ Next ಬಟನ್ ಒತ್ತುತ್ತಿದ್ದಂತೆ ನಿಮ್ಮ ಫೋನಿಗೆ ಒಟಿಪಿ ಸಂದೇಶ ಬರುತ್ತದೆ. ಇದನ್ನು ನಮೂದಿಸಿ, ನಂತರ ನಿಮ್ಮ ಫ್ರೊಫೈಲ್ ಫೋಟೋ, ಹೆಸರು ದಾಖಲಿಸಿ.
ಸಿಗ್ನಲ್ APPನಲ್ಲಿ ಗ್ರೂಪ್ ರಚಿಸುವುದು ಹೇಗೆ?
ನಿಮ್ಮ ಸಿಗ್ನಲ್ ಆಪ್ ಮೇಲ್ತುದಿಯಲ್ಲಿರುವ ಮಾರ್ಕ್ ಒತ್ತಿದರೆ new group ಆಯ್ಕೆ ಮಾಡಿ, ನಂತರ ನಿಮ್ಮ ಕಾಂಟ್ಯಾಕ್ಟ್ ನಲ್ಲಿರುವ ಯಾರಾದರೂ ಒಬ್ಬರನ್ನು ಗುಂಪಿಗೆ ಸೇರಿಸಿ. ಗ್ರೂಪಿಗೆ ಹೆಸರು ನೀಡಿ, ಗ್ರೂಪ್ ಚಿತ್ರ ಬದಲಾಯಿಸಿ, ಗ್ರೂಪ್ ರಚನೆಯಾಗುತ್ತಿದ್ದಂತೆ ಗುಂಪಿಗೆ ಹೊಸ ಸದಸ್ಯರನ್ನು ಸೇರಿಸಲು ಲಿಂಕ್ ಸಿಗುತ್ತದೆ. ಅಡ್ಮಿನ್ ಒಪ್ಪಿದರೆ ಮಾತ್ರ ಹೊಸ ಸದಸ್ಯರನ್ನು ಸೇರಿಸಬಹುದಾಗಿರುತ್ತದೆ.
ಹೊಸ ಸದಸ್ಯರನ್ನು ಗ್ರೂಪಿಗೆ ಸೇರಿಸುವುದು ಹೇಗೆ?
ಹೊಸ ಗುಂಪಿಗೆ ಹೊಸ ಸದಸ್ಯರನ್ನು ಸೇರಿಸುವುದು ಸುಲಭ. ಗ್ರೂಪ್ ಸೆಟ್ಟಿಂಗ್ಸ್ ಗೆ ಹೋಗಿ ಗ್ರೂಪ್ ಲಿಂಕ್ ಪಡೆದು ಷೇರು ಬಟನ್ ಒತ್ತಬೇಕು. ಈ ಆಹ್ವಾನ ಲಿಂಕ್ ಸಿಗ್ನಲ್ ನ ಇತರೆ ಸದಸ್ಯರಿಗೆ ಕಳಿಸಬಹುದು ಕ್ಯೂಆರ್ ಕೋಡ್ ಮೂಲಕ ತಿಳಿಸಬಹುದು. ಅಥವಾ ಕಾಪಿ ಮಾಡಿಕೊಂಡ ಲಿಂಕ್ ವಾಟ್ಸಾಪ್, ಸೇರಿದಂತೆ ಇತರೆ ಆಪ್ ಗಳಿಗೆ ಕಳಿಸಿ ಗ್ರೂಪಿಗೆ ಸೇರುವಂತೆ ಕೇಳಿಕೊಳ್ಳಬಹುದು. ಈ ಮೂಲಕ ಒಮ್ಮೆಗೆ ಹೆಚ್ಚು ಸದಸ್ಯರನ್ನು ಸೇರಿಸಿಕೊಳ್ಳಬಹುದು. ಅಡ್ಮಿನ್ ಆದವರು ಒಬ್ಬೊಬ್ಬರನ್ನೇ ಆಯ್ಕೆ ಮಾಡಿ ಗುಂಪಿಗೆ ಸೇರಿಸಿಕೊಳ್ಳುವ ಪ್ರಕ್ರಿಯೆ ಅಗತ್ಯವಿಲ್ಲ.
ಕ್ರೌಡ್ ಫಂಡಿಂಗ್ ಮೂಲಕ ಅಭಿವೃದ್ಧಿಯಾದ ಸಿಗ್ನಲ್
ಸಿಗ್ನಲ್ ಆಪ್ ವಿನ್ಯಾಸ, ಅಭಿವೃದ್ಧಿ ಎಲ್ಲವೂ ಕ್ರೌಡ್ ಫಂಡಿಂಗ್ ಮೂಲಕ ಆಗಿದ್ದು, ಈ ಆಪ್ ಸೋರ್ಸ್ ಕೋಡ್ ಸಾರ್ವಜನಿಕರಿಗೆ ಲಭ್ಯವಾಗಲಿದೆ. ಡೆವಲಪರ್ ಗಳು ಸಿಗ್ನಲ್ ಸಂಸ್ಥೆ ಜೊತೆ ಕೈಜೋಡಿಸಿ ಇನ್ನಷ್ಟು ಅಭಿವೃದ್ಧಿ ಕಾರ್ಯದಲ್ಲಿ ತೊಡಗಿಕೊಳ್ಳಬಹುದು. ಪಾರದರ್ಶಕತೆ, ಸುರಕ್ಷತೆಯೇ ಆದ್ಯತೆ ಎಂದು ಬ್ರಿಯಾನ್ ಹೇಳಿದ್ದಾರೆ. ಡಿಸೆಂಬರ್ 17, 2020ರಂದು ಗೂಗಲ್ ಪ್ಲೇಸ್ಟೋರಿನಲ್ಲಿ ಕಾಣಿಸಿಕೊಂಡ ಸಿಗ್ನಲ್ ಇಲ್ಲಿ ತನಕ 10,000,000+ ಡೌನ್ಲೋಡ್ ಕಂಡಿದೆ. ಆಂಡ್ರಾಯ್ಡ್ 4.4 ಪ್ಲಸ್ ಒಎಸ್ ಇರುವ ಸ್ಮಾರ್ಟ್ ಫೋನ್ ಗಳಲ್ಲಿ ಬಳಸಬಹುದು. ಇತ್ತೀಚೆಗೆ ಗ್ರೂಪ್ ಚಾಟಿಂಗ್, ವಿಡಿಯೋ ಕಾಲಿಂಗ್ ಸೌಲಭ್ಯವನ್ನು ಸೇರಿಸಲಾಗಿದೆ.
-
Sachin Tendulkar: ಅಭಿಷೇಕ್ ಶರ್ಮಾಗೆ ಕ್ರಿಕೆಟ್ ದೇವರು ಸಚಿನ್ ತೆಂಡ್ಯೂಲ್ಕರ್ ವಿಶೇಷ ಸಂದೇಶ -
Bengaluru Home: ಬೆಂಗಳೂರಲ್ಲಿ ಸ್ವಂತ ಮನೆಯ ಕನಸು ಕಾಣುತ್ತಿರುವವರಿಗೆ ಜಿಬಿಎ ಗುಡ್ನ್ಯೂಸ್: ಒಂಟಿ ಮನೆ ಯೋಜನೆ ಅಪ್ಡೇಟ್ಸ್ -
Petrol Price: ಇರಾನ್,ಅಮೆರಿಕ – ಇಸ್ರೇಲ್ ಯುದ್ಧ: ಕಚ್ಚಾ ತೈಲ ದರ ಏರಿಕೆ, ಭಾರತದಲ್ಲಿ ಪೆಟ್ರೋಲ್ ಬೆಲೆ ಶೀಘ್ರ 200 ರೂ. ? -
"ನನ್ನನ್ನೇಕೆ ಮದುವೆಗೆ ಕರೆದಿಲ್ಲ" ಎಂದು ದಬಾಯಿಸಿದ ಪುಟಾಣಿ ಅಭಿಮಾನಿ: ಮನೆಗೆ ಊಟಕ್ಕೆ ಆಹ್ವಾನಿಸಿದ ವಿಜಯ್ ದೇವರಕೊಂಡ-ರಶ್ಮಿಕಾ -
Viral Video: ಅಮೆರಿಕದ ಯುದ್ಧ ಸ್ಮಾರಕದ ಮುಂದೆ ಭಾರತೀಯ ದಂಪತಿ ಎಡವಟ್ಟು: ಶುರುವಾಯ್ತು ಗಡೀಪಾರು ಭೀತಿ, ವೈರಲ್ ವಿಡಿಯೋ -
Suryakumar Yadav: ಮೀಟರ್ ಇದ್ರೆ ಮೈದಾನದಲ್ಲಿ ಅಭಿಮಾನಿಗಳ ಬಾಯಿ ಮುಚ್ಚಿಸಿ: ಮಿಚೆಲ್ ಸ್ಯಾಂಟ್ನರ್ಗೆ ಸೂರ್ಯ ಸವಾಲು -
ಟೀಕೆಗಳು ಸಾಯುತ್ತವೆ, ಕೆಲಸಗಳು ಉಳಿಯುತ್ತವೆ ಎಂಬ ಮಾತಿನಂತೆ ನಡೆದುಕೊಂಡ ಯುವರಾಜ್ ಸಿಂಗ್ ಶಿಶ್ಯ ಅಭಿಷೇಕ್ ಶರ್ಮಾ -
"ನಂದಿನಿ" ನಕಲಿ ತುಪ್ಪಕ್ಕೆ ಕೆಎಂಎಫ್ ಕ್ಯೂಆರ್ ಕೋಡ್ ಅಸ್ತ್ರ; ಪತ್ತೆ ಹಚ್ಚುವುದು ಈಗ ಸುಲಭ -
"ಬೆಂಗಳೂರು ಮಲಯಾಳಿಗರ ಹಬ್" ಎಂದ ಕೇರಳಿಗರು, ವೈರಲ್ ವಿಡಿಯೋ ನೋಡಿ ಕಣ್ಣು ಕೆಂಪಾಗಿಸಿದ ಕನ್ನಡಿಗರು -
Bengaluru Property: ಬೆಂಗಳೂರಿನ 510 ಕೋಟಿ ಮೌಲ್ಯದ 14 ಎಕರೆ ಭೂಮಿ ವಶಕ್ಕೆ ಪಡೆದ ಜಿಬಿಎ, ಕಾರಣವೇನು -
Jaggery: ಬೆಲ್ಲದಲ್ಲಿ ಕಲಬೆರಕೆಯ ಕೆಮಿಕಲ್, ಬಣ್ಣ, ಸಕ್ಕರೆ ಮಿಶ್ರಣ: ಪರಿಶೀಲನೆ ಮಾಡುವ ಸರಳ ವಿಧಾನಗಳು -
ಟಿ20 ವಿಶ್ವಕಪ್ 2026 ಭಾರತದ ಮುಡಿಗೆ: ಬಾಲ ಮುದುರಿಕೊಂಡ 'ಸೈಲೆಂಟ್' ಸ್ಯಾಂಟ್ನರ್
Click it and Unblock the Notifications
Sign in with Google