ಐಫೋನ್ ಬಳಕೆದಾರರಿಗೆ ಎದುರಾಯ್ತಾ ಅಪಾಯ? ನಿಮ್ಮ ಬಳಿ ಐಫೋನ್ ಇದ್ದರೂ ಇಲ್ಲದೆ ಇದ್ದರೂ ಈ ಸ್ಟೋರಿ ತಪ್ಪದೆ ಓದಿ!
ಒಂದು ಕಾಲ ಇತ್ತು, ಐಫೋನ್ ತಗೊಬೇಕು ಅಂದ್ರೆ ತುಂಬಾನೆ ಕಷ್ಟ ಆಗುತ್ತಿತ್ತು. ಅದ್ರಲ್ಲೂ ಐಫೋನ್ ಅಂದ್ರೆ ಅದು ಶ್ರೀಮಂತರ ಫೋನ್ ಎಂಬ ಮಾತು ಕೂಡ ಕೇಳಿಬರುತ್ತಿತ್ತು. ಆದ್ರೆ ಈಗ ಜಮಾನ ಬದಲಾಗಿದೆ, ಕಾಲ ಬದಲಾಗಿ ಹೋಗಿದೆ. ಯಾರು ಬೇಕಾದರೂ, ಐಫೋನ್ ಸುಲಭವಾಗಿ ಖರೀದಿ ಮಾಡಬಹುದು. ಅದ್ರಲ್ಲೂ ಬಜೆಟ್ ಫ್ರೆಂಡ್ಲಿ ಹಣದಲ್ಲೇ ಐಫೋನ್ನ ಖರೀದಿ ಮಾಡಬಹುದು. ಹೀಗಿದ್ದಾಗ ಐಫೋನ್ ಬಳಕೆದಾರರಿಗೆ ಎಚ್ಚರಿಕೆ ಸಂದೇಶ ಬಂದಿದೆ!
ಹೌದು, ಐಫೋನ್ ಅಂದ್ರೆ ಸಿಕ್ಕಾಪಟ್ಟೆ ಸೇಫ್ ಅನ್ನೋ ಮಾತು ಇದೆ. ಇದೇ ಕಾರಣಕ್ಕೆ ಜನ ಐಫೋನ್ ಬಳಸಲು ಬಯಸುತ್ತಾರೆ. ಅದ್ರಲ್ಲೂ ಶ್ರೀಮಂತರು ತಮ್ಮ ಗೌಪ್ಯ ಮಾಹಿತಿಗಳನ್ನ ಕಾಪಾಡಿಕೊಳ್ಳಲು ಈ ರೀತಿಯಾಗಿ, ಐಫೋನ್ ಮೊರೆ ಹೋಗುತ್ತಾರೆ. ಹೀಗಿದ್ದಾಗ ಐಫೋನ್ ಭದ್ರತೆ ಕುರಿತು ಎಚ್ಚರಿಕೆ ಸಂದೇಶ ಒಂದು ರವಾನೆ ಆಗಿದೆ. ಹಾಗಾದರೆ ಏನದು ಎಚ್ಚರಿಕೆಯ ಸಂದೇಶ? ಐಫೋನ್ ಬಳಕೆದಾರರು, ಈ ಸುದ್ದಿಯನ್ನು ತಪ್ಪದೆ ಯಾಕೆ ಓದಬೇಕು ಗೊತ್ತಾ? ಬನ್ನಿ ಆ ಬಗ್ಗೆ ಸಂಪೂರ್ಣ ಮಾಹಿತಿ ತಿಳಿಯೋಣ.
ಐಫೋನ್ ಬಳಕೆದಾರರಿಗೆ ಎಚ್ಚರಿಕೆ!
ಅಂದಹಾಗೆ ಆ್ಯಪಲ್ ಕಂಪೆನಿಯ ಐಫೋನ್, ಮ್ಯಾಕ್ಬುಕ್, ಐಪ್ಯಾಡ್ ಸೇರಿದಂತೆ ವಿಶನ್ ಪ್ರೊ ಹೆಡ್ಸೆಟ್ ಬಳಸುವುದು ಅಪಾಯಕಾರಿ ಎಂಬ ಸಂದೇಶ ಹೊರಬಿದ್ದಿದೆ. ಇದರ ಜೊತೆಯಲ್ಲೇ ಹ್ಯಾಕರ್ಸ್ ಈ ಫೋನ್ಗಳ ಮೇಲೆ ಸುಲಭವಾಗಿ ದಾಳಿ ಮಾಡಬಹುದು ಎಂಬ ಆರೋಪವೂ ಕೇಳಿಬಂದಿದೆ. ಈ ಬಗ್ಗೆ ಇದೀಗ ಭಾರತೀಯ ಕಂಪ್ಯೂಟರ್ ತುರ್ತು ಸ್ಪಂದನ ತಂಡವು ಅಂದರೆ ಸಿಇಆರ್ಟಿ-ಇನ್, ಆ್ಯಪಲ್ ಉತ್ಪನ್ನಗಳ ಬಳಕೆದಾರರಿಗೆ ಎಚ್ಚರಿಕೆ ಸಂದೇಶವನ್ನು ನೀಡಿದ್ದು. ಹ್ಯಾಕರ್ಸ್ ಅವುಗಳನ್ನು ದುರ್ಬಳಕೆ ಮಾಡಿಕೊಳ್ಳುವ ಅಪಾಯ ಇದೆ ಎಂದು ಎಚ್ಚರಿಸಲಾಗಿದೆ.
ಐಫೋನ್ ಬಗ್ಗೆ ಎಚ್ಚರಿಕೆ ಯಾಕೆ?
ಅಷ್ಟಕ್ಕೂ ಈ ಡಿವೈಸ್ಗಳಲ್ಲಿ ಇರುವ ಲೋಪ ಬಳಸಿಕೊಂಡು ಹ್ಯಾಕರ್ಸ್ ಸ್ಮಾರ್ಟ್ ಸಾಧನದ ಬಳಕೆದಾರ ನಿರ್ದಿಷ್ಟ ಲಿಂಕ್ ಮೇಲೆ ಕ್ಲಿಕ್ ಮಾಡುವಂತೆ ವಂಚನೆ ಮಾಡಿ, ದಾರಿ ತಪ್ಪಿಸುತ್ತಾರೆ. ಈ ಮೂಲಕವಾಗಿ ಸ್ಮಾರ್ಟ್ ಸಾಧನದ ಮೇಲೆ ನಿಯಂತ್ರಣ ಸಾಧಿಸಬಲ್ಲರು ಎಂದು ಆರೋಪ ಮಾಡಲಾಗಿದೆ. ಹಾಗೇ ಯಾವೆಲ್ಲಾ ಮಾಡೆಲ್ನಲ್ಲಿ ಈ ರೀತಿ ಮೋಸ ಹೋಗುವ ಸಾಧ್ಯತೆಗಳು ಹೆಚ್ಚು ಅನ್ನೋದನ್ನ ನೋಡುವುದಾದರೆ.
ಐಫೋನ್ ಎಕ್ಸ್ಎಸ್, ಐಪ್ಯಾಡ್ ಪ್ರೊ (12.9 ಇಂಚು, 10.5 ಇಂಚು, 11 ಇಂಚು ಮಾದರಿ), ಐಪ್ಯಾಡ್ ಏರ್, ಐಪ್ಯಾಡ್ & ಐಪ್ಯಾಡ್ ಮಿನಿ ಸಾಧನಗಳಲ್ಲಿ ಐಒಎಸ್ ಮತ್ತು ಐಪ್ಯಾಡ್ಒಎಸ್ 17.4.1 ಕಾರ್ಯಾಚರಣೆ ಆವೃತ್ತಿ ಅಥವಾ ಅದಕ್ಕೂ ಹಿಂದಿನ ಆವೃತ್ತಿ ಹೊಂದಿದ್ದರೆ ಅಪಾಯ ಎದುರಾಗುವ ಸಾಧ್ಯತೆ ಇದೆ ಎಂದು ಎಚ್ಚರಿಕೆ ನೀಡಲಾಗಿದೆ. ಈ ಮೂಲಕ ಬಳಕೆದಾರರಿಗೆ ಎಚ್ಚರಿಕೆಯ ಸಂದೇಶವನ್ನು ನೀಡಲಾಗಿದೆ.
ವೈ-ಫೈ ಬಳಸುವ ಮೊದಲು ಓದಿರಿ!
ಹಾಗೇ ಬಳಕೆದಾರರು ಸಾರ್ವಜನಿಕ ವೈ-ಫೈ ಸೌಲಭ್ಯ ಬಳಸಬಾರದು ಎಂಬ ಎಚ್ಚರಿಕೆ ಸಂದೇಶ ಕೂಡ ನೀಡಲಾಗಿದೆ. ಮತ್ತೊಂದು ಕಡೆ ಯಾವುದೆ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿಕೊಳ್ಳುವ ಮೊದಲು ಎಚ್ಚರಿಕೆಯಿಂದ ಇರಬೇಕು ಎಂಬ ಸಂದೇಶವನ್ನು ಕೂಡ ನೀಡಲಾಗಿದೆ. ಹೀಗಾಗಿ, ಐಫೋನ್ ಬಳಕೆದಾರರು ಈಗ ಟೆನ್ಷನ್ನಲ್ಲಿ ಯೋಚನೆ ಮಾಡುವಂತಾಗಿದೆ. ಮತ್ತೊಂದ್ಕಡೆ ಈ ವಿಚಾರದ ಬಗ್ಗೆ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಚರ್ಚೆ ಆರಂಭವಾಗಿದೆ.
Click it and Unblock the Notifications
Sign in with Google