Fact Check: ಈ ಸುಂದರ ಎಕ್ಸ್ಪ್ರೆಸ್ವೇ ಕಾಶ್ಮೀರದಲ್ಲ, ಕರ್ನಾಟಕದ್ದು
ಬೆಂಗಳೂರು, ಆ. 19: ಕಾಶ್ಮೀರದ 53 ಹಳ್ಳಿಗಳು ಮತ್ತು ಐದು ಜಿಲ್ಲೆಗಳನ್ನು ಸಂಪರ್ಕಿಸುವ ಬಹುನಿರೀಕ್ಷಿತ ರಿಂಗ್ ರೋಡ್ ಎಂದು ಹೇಳಿಕೊಂಡು ಒಂದು ರಸ್ತೆಯ ಸುಂದರ ಚಿತ್ರವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ.
ಇಂಡಿಯಾ ಟುಡೇ ಆಂಟಿ ಫೇಕ್ ನ್ಯೂಸ್ ವಾರ್ ರೂಮ್ (ಎಎಫ್ಡಬ್ಲ್ಯೂಎ) ಈ ಚಿತ್ರವು ತಪ್ಪು ದಾರಿಗೆ ಎಳೆಯುವಂತಿದೆ ಎಂದು ಕಂಡು ಹಿಡಿದಿದೆ. ಹಾಗೆಯೇ ಈ ವೈರಲ್ ಚಿತ್ರವು ಬೆಂಗಳೂರಿನ ನೈಸ್ ರಿಂಗ್ ರಸ್ತೆಯ ಭಾಗವಾಗಿದೆ ಎಂದು ಫಾಕ್ಟ್ ಚೆಂಕ್ ಮೂಲಕ ತಿಳಿದು ಬಂದಿದೆ. ಇನ್ನು ಶ್ರೀನಗರ ವರ್ತುಲ ರಸ್ತೆ ಯೋಜನೆ ಭೂಸ್ವಾಧೀನ ಹಂತದಲ್ಲಿದೆ ಎಂದು ತಿಳಿದು ಬಂದಿದೆ.
ಶ್ರೀನಗರ ಮತ್ತು ಜಮ್ಮು ರಿಂಗ್ ರಸ್ತೆ ಯೋಜನೆಗಳ ಆರಂಭಕ್ಕೆ ಚಾಲನೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮೇ 2018 ರಲ್ಲಿ ಮಾಡಿದ್ದಾರೆ. ಅದು ಪೂರ್ಣವಾಗಿದೆ ಎಂದು ಚಿತ್ರವೊಂದು ವೈರಲ್ ಆಗುತ್ತಿದೆ. ಆದರೆ ರಿವರ್ಸ್ ಇಮೇಜ್ ಸರ್ಚ್ ಸಹಾಯದಿಂದ, ವೈರಲ್ ಚಿತ್ರದ ಬಗ್ಗೆ ಮಾಹಿತಿ ಕಳೆ ಹಾಕಿದಾಗ, ಈ ಚಿತ್ರವು 2008 ರಿಂದ ಹಲವಾರು ವೆಬ್ಸೈಟ್ಗಳು ಮತ್ತು ವರದಿಗಳಲ್ಲಿ ಹಾಕಲಾಗಿದೆ ಎಂದು ತಿಳಿದು ಬಂದಿದೆ ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ.
2018 ರಲ್ಲಿ, ಫೇಸ್ಬುಕ್ನಲ್ಲಿ ಈ ಚಿತ್ರವನ್ನು ಬೆಂಗಳೂರು-ಮೈಸೂರು ಮೂಲಸೌಕರ್ಯ ಕಾರಿಡಾರ್ನ ಒಂದು ನೋಟ ಎಂದು ಹಂಚಿಕೊಳ್ಳಲಾಗಿದೆ. ಅದೇ ಸ್ಥಳದ ಒಂದೇ ರೀತಿಯ ಚಿತ್ರ, ಆದರೆ ಬೇರೆ ಆಂಗಲ್ನಿಂದ ತೆಗೆಯಲಾಗಿದೆ. ಇದನ್ನು 2014 ರಲ್ಲಿ "ಬಿಸಿನೆಸ್ ಇನ್ಸೈಡರ್" ಕೂಡಾ ಹಂಚಿಕೊಂಡಿದೆ.
ವೈರಲ್ ಇಮೇಜ್ ಮತ್ತು "ಬಿಸಿನೆಸ್ ಇನ್ಸೈಡರ್"ನ ಚಿತ್ರವನ್ನು ಗಮನಿಸಿದರೆ, ರಸ್ತೆಯು ಒಂದು ಬದಿಯಲ್ಲಿ ನೀರಿನ ಪ್ರದೇಶ ಹಾಗೂ ಇನ್ನೊಂದು ಬದಿಯಲ್ಲಿ ಕಂದು ಛಾವಣಿಯ ಕಟ್ಟಡವನ್ನು ಹೊಂದಿದೆ. ಇವೆರಡು ಕೂಡಾ ಎರಡು ಚಿತ್ರಗಳಲ್ಲಿ ಇದೆ.
ಇಂಡಿಯಾ ಟುಡೇ ನಂತರ ಗೂಗಲ್ ನಕ್ಷೆಗಳು ಮತ್ತು ಗೂಗಲ್ ಅರ್ಥ್ ನಲ್ಲಿ ಬೆಂಗಳೂರು-ಮೈಸೂರು ಮೂಲಸೌಕರ್ಯ ಕಾರಿಡಾರ್ ಅನ್ನು ಹುಡುಕಿದೆ. ನಂದಿ ಇನ್ಫ್ರಾಸ್ಟ್ರಕ್ಚರ್ ಕಾರಿಡಾರ್ ಎಂಟರ್ಪ್ರೈಸಸ್ (ಎನ್ಐಸಿಇ) ಕಛೇರಿಯೆಂದು ಗುರುತಿಸಲಾದ ಕಂದು ಛಾವಣಿಯೊಂದಿಗೆ ಅದೇ ಕಟ್ಟಡವು ಕಂಡುಬಂದಿದೆ. ಈ ಕಟ್ಟಡ ಎದುರು ನೀರಿನ ಪ್ರದೇಶ ಇರುವುದು ಗೂಗಲ್ ಅರ್ಥ್ ಹಾಗೂ ನಕ್ಷೆಗಳು ತೋರಿಸುತ್ತದೆ. ಈ ಕಾಶ್ಮೀರದ್ದು ಎಂದು ಹೇಳಲಾದ ಚಿತ್ರ ಹಾಗೂ ಬೆಂಗಳೂರು-ಮೈಸೂರು ಮೂಲಸೌಕರ್ಯ ಕಾರಿಡಾರ್ನ ಚಿತ್ರವು ಒಂದೇ ಆಗಿದೆ.
ಗೂಗಲ್ ನಕ್ಷೆಯಲ್ಲಿ ಎನ್ಐಸಿಇ ಕಚೇರಿಯ ಚಿತ್ರಗಳನ್ನು ಮತ್ತಷ್ಟು ಪರಿಶೀಲಿಸಿದಾಗ ವೈರಲ್ ಚಿತ್ರದಲ್ಲಿ ಕಾಣುವ ಕಟ್ಟಡವು ಎನ್ಐಸಿಇ ಕಚೇರಿಯಾಗಿದೆ ಎಂದು ತಿಳಿದು ಬಂದಿದೆ. ಗೂಗಲ್ ಮ್ಯಾಪ್ನಲ್ಲಿ ಬಳಕೆದಾರರು ಅಪ್ಲೋಡ್ ಮಾಡಿದ ಅದೇ ಸ್ಥಳದ ಇನ್ನೊಂದು ಚಿತ್ರವು ಕೂಡಾ ಇದು ಕರ್ನಾಟಕದ ಚಿತ್ರ ಎಂಬುವುದನ್ನು ಖಾತರಿ ಪಡಿಸಿದೆ.
Srinagar Ring Road(Rs 939.41Cr)- The ring rd will traverse through 53 Villages and Five district of Pulwama, Budgma, Baramulla, Srinagar and Bandipore.#HappyKupwara#SecularIndia #KupwaraDeveloping #Kashmir pic.twitter.com/iwMiJcETyt
— Pannun Kashmir (@KashmirPannun) August 10, 2021
ಶ್ರೀನಗರ ರಿಂಗ್ ರೋಡ್
ಎನ್ಎಚ್ಎಐ ಮಹತ್ವಾಕಾಂಕ್ಷೆಯ ಶ್ರೀನಗರ ರಿಂಗ್ ರೋಡ್ 52 ಹಳ್ಳಿಗಳು ಮತ್ತು ಐದು ಜಿಲ್ಲೆಗಳಾದ ಪುಲ್ವಾಮ, ಬುಡ್ಗಾಮ್, ಬಾರಾಮುಲ್ಲಾ, ಶ್ರೀನಗರ ಮತ್ತು ಬಂಡಿಪೋರಾಗಳ ಮೂಲಕ ಹಾದು ಹೋಗುತ್ತದೆ. ವರದಿಗಳ ಪ್ರಕಾರ, ಯೋಜನೆಯು ಭೂಸ್ವಾಧೀನ ಹಂತದಲ್ಲಿದೆ ಮತ್ತು ಇನ್ನೂ ಪೂರ್ಣಗೊಂಡಿಲ್ಲ. ಅನೇಕ ಭೂಮಾಲೀಕರು ಭೂಮಿಗೆ ಬದಲಾಗಿ ಅಧಿಕಾರಿಗಳಿಂದ ನ್ಯಾಯಯುತ ಪರಿಹಾರವನ್ನು ನೀಡಲಾಗಿಲ್ಲ ಎಂದು ಆರೋಪಿಸಿದ ಹಿನ್ನೆಲೆಯಿಂದಾಗಿ ಯೋಜನೆಯು ವಿಳಂಬವಾಗುತ್ತಿದೆ ಎಂದು ವರದಿಗಳು ಹೇಳುತ್ತವೆ.
ಆದ್ದರಿಂದ, ವೈರಲ್ ಚಿತ್ರವು ಬೆಂಗಳೂರಿನ ನೈಸ್ ರಿಂಗ್ ರಸ್ತೆಯದ್ದು ಮತ್ತು ಶ್ರೀನಗರಕ್ಕೆ ಸಂಬಂಧಿಸಿಲ್ಲ ಎಂಬುದು ಸ್ಪಷ್ಟವಾಗಿದೆ.
(ಒನ್ ಇಂಡಿಯಾ)
Fact Check
ಕ್ಲೇಮು
ಈ ಚಿತ್ರ ಕಾಶ್ಮೀರದ 53 ಹಳ್ಳಿಗಳು ಮತ್ತು ಐದು ಜಿಲ್ಲೆಗಳನ್ನು ಸಂಪರ್ಕಿಸುವ ಬಹುನಿರೀಕ್ಷಿತ ರಿಂಗ್ ರೋಡ್
ಪರಿಸಮಾಪ್ತಿ
ಈ ಚಿತ್ರ ಕಾಶ್ಮೀರದ ರಿಂಗ್ ರೋಡ್ ಅಲ್ಲ, ಬದಲಾಗಿ ಕರ್ನಾಟಕದ್ದು ಆಗಿದೆ.
Rating
-
ಪಿಎಂ ಇ-ಬಸ್ ಯೋಜನೆ: ಕರ್ನಾಟಕದಲ್ಲಿ ರಸ್ತೆಗಿಳಿಯಲಿವೆ 750 ಇ-ಬಸ್ಗಳು; ಮಹಾರಾಷ್ಟ್ರಕ್ಕೆ ಸಿಂಹಪಾಲು -
ಜಿಮ್ನಲ್ಲಿ ಭೇಟಿ, ಸಾಫ್ಟ್ವೇರ್ ಕಂಪನಿ ಕೆಲಸ: 7,500 ರೂ. ಸಂಬಳ ಪಡೆಯುತ್ತಿದ್ದ ಅಶ್ವಿನಿ ಅಪ್ಪು ಮನಗೆದ್ದಿದ್ದು ಹೇಗೆ? -
Bengaluru: SSLC ಪರೀಕ್ಷೆ ಬರೆಯುವ ವಿದ್ಯಾರ್ಥಿಗಳಿಗೆ ಬಿಎಂಟಿಸಿಯಿಂದ ಉಚಿತ ಪ್ರಯಾಣ -
Horoscope March 11: ಈ ರಾಶಿಯವರಿಗೆ ಸಿಗಲಿವೆ ಹೊಸ ಅವಕಾಶಗಳು, ಬುದಕಿನಲ್ಲಿ ಯಶಸ್ಸು; ಇಂದಿನ ದಿನ ಭವಿಷ್ಯ -
LPG Gas: ದೇಶದಲ್ಲಿ'ಅಡುಗೆ ಅನಿಲ ತುರ್ತು ಪರಿಸ್ಥಿತಿ' ಭೀತಿ; ಡಿಜಿಟಲ್ ಬುಕಿಂಗ್ ಸರ್ವರ್ ಡೌನ್; ಏಜೆನ್ಸಿಗಳ ಮುಂದೆ ಜನರ ಕ್ಯೂ -
Horoscope March 12: ಗುರುವಾರ ದ್ವಾದಶ ರಾಶಿಗಳ ಫಲಾಫಲ ಹೇಗಿದೆ, ಇಲ್ಲಿದೆ ದಿನ ಭವಿಷ್ಯ -
ಮಾರ್ಚ್ 10ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ -
ಪ್ರವಾಸೋದ್ಯಮ ಇಲಾಖೆಯಿಂದ ಎಸ್ಸಿ,ಎಸ್ಟಿ ಅಭ್ಯರ್ಥಿಗಳಿಗೆ ಆತಿಥ್ಯ ಕ್ಷೇತ್ರದಲ್ಲಿ ಉಚಿತ ಕೌಶಲ್ಯಾಭಿವೃದ್ಧಿ ತರಬೇತಿ -
ಅಕ್ಷಯ ತೃತೀಯ 2026: ಏಪ್ರಿಲ್ 19ಕ್ಕೆ ಚಿನ್ನದಂತಹ ಹಬ್ಬ; ಶುಭ ಮುಹೂರ್ತ, ಪೂಜಾ ವಿಧಿವಿಧಾನ, ವಿವರ -
Prakash Raj: ‘ಅಪ್ಪನ ಮನೆ ಆಸ್ತಿ ಮಾರ್ತಿದೀರಾ?’: ಕೇಂದ್ರದ ಹೊಸ ನಿಯಮದ ವಿರುದ್ಧ ನಟ ಪ್ರಕಾಶ್ ರಾಜ್ ಟೀಕೆ -
New Rent Rules 2026: ಬಾಡಿಗೆದಾರರಿಗೆ ಗುಡ್ನ್ಯೂಸ್: ಆಸ್ತಿದಾರರಿಗೆ ಸಂಕಷ್ಟ, ಹೊಸ ಕಾನೂನಿನ 5 ಪ್ರಮುಖ ಅಂಶಗಳು -
Sapthami Gowda: ಅಸಭ್ಯವಾಗಿ ವಿಡಿಯೋ ಚಿತ್ರೀಕರಣ: ಫಿಲ್ಮ್ ಚೇಂಬರ್ ಮೆಟ್ಟಿಲೇರಿದ ಸಪ್ತಮಿ ಗೌಡ, ಸಭೆಯಲ್ಲಿ ಮಹತ್ವದ ತೀರ್ಮಾನ
Click it and Unblock the Notifications
Sign in with Google