Fact Check: ಮುಕೇಶ್ ಅಂಬಾನಿ ಮೊಮ್ಮಗುವನ್ನು ನೋಡಲು ಮೋದಿ ಆಸ್ಪತ್ರೆಗೆ ಹೋಗಿದ್ದರೇ?

ನವದೆಹಲಿ, ಡಿಸೆಂಬರ್ 15: ಮುಕೇಶ್ ಅಂಬಾನಿ, ನೀತಾ ಅಂಬಾನಿ ಹಾಗೂ ಪ್ರಧಾನಿ ನರೇಂದ್ರ ಮೋದಿ ಇರುವ ಚಿತ್ರ ಒಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಇತ್ತೀಚೆಗಷ್ಟೇ ಜನಿಸಿದ ಅಂಬಾನಿ ಮೊಮ್ಮಗನನ್ನು ನೋಡಲು ನರೇಂದ್ರ ಮೋದಿ ಆಸ್ಪತ್ರೆಗೆ ತೆರಳಿದ್ದರು ಎಂದು ಬಿಂಬಿಸಲಾಗುತ್ತಿದೆ.

ಆಸ್ಪತ್ರೆಯಲ್ಲಿ ನೀತಾ ಅಂಬಾನಿ, ಮುಕೇಶ್ ಅಂಬಾನಿ, ನರೇಂದ್ರ ಮೋದಿ ಹಾಗೂ ಕೆಲವು ವೈದ್ಯರಿರುವ ಫೋಟೊ ಇದಾಗಿದೆ.

ಆದರೆ ಮುಕೇಶ್ ಅಂಬಾನಿ ಮೊಮ್ಮಗುವನ್ನು ನೋಡಲು ನರೇಂದ್ರ ಮೋದಿ ಆಸ್ಪತ್ರೆಗೆ ಹೋಗಿಲ್ಲ. ಈ ಚಿತ್ರವನ್ನು ಮುಂಬೈನಲ್ಲಿ 2014ರಲ್ಲಿ ನಿರ್ಮಿಸಲಾದ ರಿಲಯಾನ್ಸ್ ಆಸ್ಪತ್ರೆ ಉದ್ಘಾಟನೆಯ ಚಿತ್ರವಾಗಿದೆ. ಅಂದು ಆಸ್ಪತ್ರೆಯ ಉದ್ಘಾಟನೆಯನ್ನು ನರೇಂದ್ರ ಮೋದಿ ಮಾಡಿದ್ದರು ಎಂಬುದು ಸತ್ಯದ ಸಂಗತಿಯಾಗಿದೆ.

ಕೃಷಿ ಕಾಯ್ದೆಯನ್ನು ವಿರೋಧಿಸಿ ನವೆಮಬರ್ 26 ರಿಂದ ರೈತರು ದೆಹಲಿ, ಪಂಜಾಬ್, ಹರ್ಯಾಣ ಗಡಿಯಲ್ಲಿ ಪ್ರತಿಭಟನೆ ನಡೆಸುತ್ತಿದ್ದಾರೆ.

ಈ ಸಂದರ್ಭದಲ್ಲಿ ಪ್ರಧಾನಿ ಮೋದಿ ಆಸ್ಪತ್ರೆಯಲ್ಲಿದ್ದ ಚಿತ್ರ ಎಲ್ಲೆಡೆ ಹರಿದಾಡಿದೆ. ಜತೆಗೆ ಮಹಾರಾಷ್ಟ್ರದ ಮಾಜಿ ರಾಜ್ಯಪಾಲ ಸಿ ವಿದ್ಯಾಸಾಗರ್ ಅವರನ್ನೂ ಕೂಡ ಈ ಚಿತ್ರದಲ್ಲಿ ಕಾಣಬಹುದಾಗಿದೆ.

ಆದರೆ ಫೋಟೊ ಶೀರ್ಷಿಕೆಯನ್ನು ಹಿಂದಿಯಲ್ಲಿ ನೀಡಲಾಗಿದ್ದು, ಮುಕೇಶ್ ಅಂಬಾನಿ ಮೊಮ್ಮಗನನ್ನು ನೋಡಲು ಆಸ್ಪತ್ರೆಗೆ ಹೋಗುತ್ತಾರೆ ಆದರೆ ರೈತರ ಕಷ್ಟಗಳನ್ನು ಆಲಿಸಲು ರೈತರ ಬಳಿ ಬಂದಿಲ್ಲ ಎಂದು ಹೀಯಾಳಿಸಿದ್ದಾರೆ.

ಮೊದಲ ಬಾರಿಗೆ ಅಜ್ಜ ಅಜ್ಜಿಯಾಗಿ ಮುಕೇಶ್​ ಹಾಗೂ ನೀತಾ ಬಡ್ತಿ ಪಡೆದಿದ್ದಾರೆ. 2019 ರ ಮಾರ್ಚ್​ ನಲ್ಲಿ ಶೋಕ್ಲಾ ಹಾಗೂ ಆಕಾಶ್​ ಹಸೆಮಣೆ ಏರಿದ್ದರು. ಜಿಯೋ ವರ್ಲ್ಡ್​​ ಸೆಂಟರ್​ನಲ್ಲಿ ನಡೆದ ಅದ್ಧೂರಿ ವಿವಾಹದಲ್ಲಿ ಬಾಲಿವುಡ್​ ಸೇರಿದಂತೆ ಹಲವು ದಿಗ್ಗಜ್ಜರು ಭಾಗಿಯಾಗಿದ್ದರು.

English summary

An image of Prime Minister Narendra Modi with Reliance’s Mukesh Ambani and Nita Ambani at a hospital is being circulated to claim that Modi went to visit Ambani’s newly born grandson.