I'm Single: ಸೀತಾರಾಮ ಧಾರಾವಾಹಿ ನಟನ ಬ್ರೇಕಪ್ ಸ್ಟೋರಿ ಕೇಳಿದ್ರಾ..?
ಸೀತಾರಾಮ ಸದ್ಯ ಕನ್ನಡ ಕಿರುತೆರೆಯ ಸೆನ್ಸಷೇನಲ್ ಧಾರಾವಾಹಿ. ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುವ ಈ ಧಾರಾವಾಹಿ ಸ್ಟೋರಿಗೆ ಮನಸೋಲದರಿಲ್ಲ ಎನ್ನುವಂತಾಗಿದೆ. ಧಾರಾವಾಹಿಯ ಹಾಡು ಹಾಗೂ ಪಾತ್ರಧಾರಿಗಳು ನೋಡುಗರ ಮನಸ್ಸು ಗೆದ್ದಿದ್ದಾರೆ. ಹೀಗಾಗಿ ಸೀತಾರಾಮ ಧಾರಾವಾಹಿ ಟಿಆರ್ಪಿ ವಾರದಿಂದ ವಾರಕ್ಕೆ ಹೆಚ್ಚುತ್ತಲೇ ಇದೆ.
ನಟ ಗಗನ್ ಚಿನ್ನಪ್ಪ, ಬಿಗ್ಬಾಸ್ ಕನ್ನಡ ಖ್ಯಾತಿಯ ವೈಷ್ಣವಿ ಗೌಡ ಹಾಗೂ ಡ್ರಾಮ ಜ್ಯೂನಿಯರ್ಸ್ ಖ್ಯಾತಿಯ ರಿತು ಸಿಂಗ್ ಸೀತಾರಾಮ ಧಾರಾವಾಹಿಯಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈಗಾಗಲೇ ಈ ಮೂರು ಪಾತ್ರಗಳನ್ನು ವೀಕ್ಷಕರು ಮನಸಾರೆ ಮೆಚ್ಚಿಕೊಂಡಿದ್ದಾರೆ. ಹೀಗಾಗಿ ಇವರ ಖಾಸಗಿ ಜೀವನದ ಬಗ್ಗೆಯೂ ತಿಳಿಯುವ ಕುತೂಹಲ ಹಲವರಲ್ಲಿದೆ.
ಅದರಲ್ಲೂ ಮುಖ್ಯವಾಗಿ ಶ್ರೀರಾಮ್ ದೇಸಾಯಿ ಪಾತ್ರಧಾರಿ ಗಗನ್ ಚಿನ್ನಪ್ಪ ಬಗ್ಗೆ ತಿಳಿದುಕೊಳ್ಳಲು ಉತ್ಸುಕರಾಗಿದ್ದಾರೆ. ಕಿರುತೆರೆಯ ಹಿಟ್ ಧಾರಾವಾಹಿ ಮಂಗಳ ಗೌರಿಯಲ್ಲಿ ನಾಯಕ ನಟನಾಗಿ ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಗಗನ್ ಚಿನ್ನಪ್ಪ ಸೀತಾರಾಮ ಧಾರವಾಹಿಯಲ್ಲಿ ಬ್ಯುಸಿನೆಸ್ ಮೆನ್ ಆಗಿ ಸಖತ್ ಲುಕ್ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.
ರಾಮನ ನಡೆ, ನುಡಿ, ಲುಕ್ಗೆ ಫಿದಾ ಆಗದವರಿಲ್ಲ. ಹೀಗಾಗಿ ಗಗನ್ ಚಿನ್ನಪ್ಪ ಅವರ ಖಾಸಗಿ ಜೀವನ ಅಂದ್ರೆ ಮದುವೆ, ಪ್ರೀತಿ, ಬ್ರೇಕಪ್ ಹೀಗೆ ಖಾಸಗಿ ವಿಚಾರಗಳನ್ನು ಅನೇಕರು ತಿಳಿಯಲು ಹುಡುತ್ತಿದ್ದಾರೆ. ತಮ್ಮ ಪ್ರೀತಿ, ಬ್ರೇಕಪ್ ಬಗ್ಗೆ ಸ್ವತಃ ಗಗನ್ ಚಿನ್ನಪ್ಪ ಮಾತನಾಡಿದ್ದಾರೆ. ಇತ್ತೀಚಿಗೆ ನೀಡಿದ ಸಂದರ್ಶನವೊಂದರಲ್ಲಿ ಮಾತನಾಡಿದ ಅವರು, ತಮ್ಮ ರಿಲೇಷನ್ಶಿಪ್, ಲವ್, ಬ್ರೇಕಪ್ ಮದುವೆ ಕುರಿತು ಮುಕ್ತವಾಗಿ ಮಾತನಾಡಿದ್ದಾರೆ.
ಈ ಹಿಂದೆ ಗಗನ್ ಚಿನ್ನಪ್ಪ, ಒಬ್ಬರ ಬಗ್ಗೆ ನೋಟ್ ಬರೆದಿದ್ದು ನೀಜಾನಾ? ಆ ರಿಲೇಷನ್ಶಿಪ್ ಈಗಲೂ ಇದೆಯಾ? ಗಗನ್ ಚಿನ್ನಪ್ಪ ಲವ್ನಲ್ಲಿದ್ದಾರಾ? ಇಲ್ಲಾ ಮದುವೆಯಾಗುತ್ತಿದ್ದಾರಾ..? ಎನ್ನುವ ಪ್ರಶ್ನೆಗಳಿಗೆ ನೇರವಾಗಿ ಉತ್ತರಿಸಿದ್ದಾರೆ.
ಅವರ ಬಗ್ಗೆ ಬರೆದ ನೋಟ್ ನಿಜ. 2021ರಲ್ಲಿ ನಾವು ಡೇಟಿಂಗ್ ಮಾಡುತ್ತಿದ್ದೆವು. ಆ ನಂತರ ನಮ್ಮಿಬ್ಬರ ಮಧ್ಯೆ ಬ್ರೇಕಪ್ ಆಯಿತು. ಯಾರೂ ಕೂಡಾ ಪರ್ಮನೆಂಟ್ ಅಲ್ಲ, 2021ರಲ್ಲಿ ನಾನು ಪೋಸ್ಟ್ ಮಾಡುವಾಗ ನಾನಷ್ಟು ಫೇಮಸ್ ಆಗಿರಲಿಲ್ಲ. ಹಾಗಾಗಿ ಅದು ಅಷ್ಟೋಂದು ಬೆಳಕಿಗೆ ಬಂದಿರಲಿಲ್ಲ. ಆಗ ಬರೆದ ನೋಟ್ ಈಗ ವೈರಲ್ ಆಗಿದೆ.
ಈಗ ನಾವು ಒಳ್ಳೆಯ ಗೆಳೆಯರು, ಆದರೆ ಟಚ್ನಲ್ಲಿಲ್ಲ. ಸಿಕ್ಕಾಗ ಹಾಯ್-ಬಾಯ್ ಹೇಳುತ್ತೇವೆ. ಅದೆಲ್ಲವೂ ಜೀವನದ ಒಂದು ಭಾಗ ಅಷ್ಟೆ. ಫ್ರೆಂಡ್ಸ್ ಐ ಯ್ಯಾಮ್ ಸಿಂಗಲ್, ರೆಡಿ ಟು ಮಿಂಗಲ್ ಎಂದು ನಟ ಹೇಳಿದ್ದಾರೆ. ಈ ಮೂಲಕ ಗಗನ್ ಚಿನ್ನಪ್ಪ ಅವರು ತಾವು ಸಿಂಗಲ್ ಎನ್ನುವುದನ್ನು ಸ್ಪಷ್ಟವಾಗಿ ಹೇಳಿಕೊಂಡಿದ್ದಾರೆ. ಈ ವಿಡಿಯೋ ಕೆಲ ದಿನಗಳ ಹಿಂದೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು.
Click it and Unblock the Notifications
Sign in with Google