Pushpa 2: ಆರೇ ದಿನಕ್ಕೆ ಎಲ್ಲ ದಾಖಲೆ ಮುರಿದ ಪುಷ್ಪ-2: ಭಾರತೀಯ ಮೊದಲ ಸಿನಿಮಾ ಪಟ್ಟ..
ಬೆಂಗಳೂರು, ಡಿಸೆಂಬರ್ 12: ಭಾರತದ ವಿಶ್ವಾದಾದ್ಯಂತ ಅದ್ಧೂರಿಯಾಗಿ ಬಿಡುಗಡೆಯಾಗಿದ್ದ ತೆಲುಗಿನ 'ಪುಷ್ಪ-2' ಸಿನಿಮಾ ಭರ್ಜರಿ ಕಲೆಕ್ಷನ್ ಮಾಡುವ ಮೂಲಕ ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸಿದೆ. ಇದುವರೆಗೂ ಯಾವ ಸಿನಿಮಾ ಮಾಡಿರದ ದಾಖಲೆಯನ್ನು ಮೊದಲ ಬಾರಿಗೆ ನಟ ಅಲ್ಲು ಅರ್ಜುನ್ ಹಾಗೂ ನಟಿ ರಶ್ಮಿಕಾ ಮಂದಣ್ಣ ಅಭಿನಯದ 'ಪುಷ್ಪ-2' ಸಿನಿಮಾ ಮಾಡಿದೆ. ಮೊದಲ ದಿನವೇ ನೂರಾರು ಕೋಟಿ ಗಳಿಸಿದ್ದ ಸಿನಿಮಾ ಸಕ್ಸಸ್ ಓಟ 6ನೇ ದಿನಕ್ಕೂ ಮುಂದುವರಿದಿದೆ.
ಸುಮಾರು 12000 ಥಿಯೇಟರ್ಗಳಲ್ಲಿ ಸಿನಿಮಾ ತೆರೆ ಕಂಡಿದ್ದ 'ಪುಷ್ಪ-2' ಸಿನಿಮಾವು ಕೇವಲ ಆರೇ ದಿನದಲ್ಲಿ ಬಾಕ್ಸ್ ಆಫಿಸ್ನಲ್ಲಿ ಕಮಾಲ್ ಮಾಡಿದೆ. ಬರೋಬ್ಬರಿ 1000 ಕೋಟಿ ರೂಪಾಯಿ ಕಲೆಕ್ಟ್ ಮಾಡುವ ಮೂಲಕ ಹೊಸ ದಾಖಲೆ ಬರೆದಿದೆ. ಈ ಮೂಲಕ ಕೆಲವು ಪ್ಯಾನ್ ಇಂಡಿಯಾ ಸಿನಿಮಾಗಳ ಈವರೆಗಿನ ದಾಖಲೆ ಮುರಿದಿದೆ. 'ಪುಷ್ಪ-2' ಭಾರತೀಯ ಸಿನಿಮಾ ರಂಗದಲ್ಲಿ ಹೊಸ ಸಾರ್ವಕಾಲಿಕ ದಾಖಲೆ ಮಾಡಿದೆ.
ಈವರೆಗೆ ಕೆಜಿಎಫ್ ಚಾಪ್ಟರ್ 2 ಹಾಗೂ ಬಾಹುಬಲಿ ಸಿನಿಮಾಗಳೇ ಅತೀ ಕಡಿಮೆ ಅವಧಿಯಲ್ಲಿ ಅತ್ಯಧಿಕ ಗಳಿಕೆ ಮಾಡಿದ ಸಿನಿಮಾಗಳಾಗಿದ್ದವು. ನಟ ಯಶ್ ಹಾಗೂ ನಟ ಪ್ರಭಾಸ್ ಅವರ ಅಭಿಮಾನಿಗಳು ಈ ದಾಖಲೆ ಕಂಡು ಮೀಸೆ ತಿರುವಿದ್ದರು. ಇದೀಗ ನಟ ಅಲ್ಲು ಅರ್ಜುನ್ ಫ್ಯಾನ್ಸ್ ಸಹ ನಮ್ಮ ಹಿರೋ ಯಾರಿಗೇನು ಕಡಿಮೆ ಇಲ್ಲ ಎಂದು ಕಾಲರ್ ಎತ್ತಿಕೊಂಡು ತಿರುಗುತ್ತಿದ್ದಾರೆ.
ಮೊದಲಿನಿಂದಲೇ ಕ್ರೇಜ್ ಸೃಷ್ಟಿಸಿದ್ದ 'ಪುಷ್ಪ-2' ಸಿನಿಮಾ ಆರು ದಿನಗಳಲ್ಲಿ 1000 ಕೋಟಿ ರೂ.ಕ್ಲಬ್ ಸೇರಿದೆ. ಈ ಮೂಲಕ ಭಾರತದ ಚಿತ್ರರಂಗದಲ್ಲಿ ಸಿನಿಮಾವೊಂದು ಇಷ್ಟು ಕಡಿಮೆ ಅವಧಿಯಲ್ಲಿ ಅತ್ಯಧಿಕ ಹಣ ಗಳಿಕೆ ಮಾಡಿದ ಮೊದಲ ಸಿನಿಮಾ ಆಗಿದೆ. ಬಾಕ್ಸ್ ಆಫೀಸ್ ಕಲೆಕ್ಷನ್ ವಿಚಾರದಲ್ಲಿ 'ಪುಷ್ಪ-2' ಗೆ ಹೊಸ ಪಟ್ಟ ಸಿಕ್ಕಂತಾಗಿದೆ.
'ಪುಷ್ಪ-2' ಅಬ್ಬರಕ್ಕೆ ಗಲ್ಲಾಪೆಟ್ಟಿಯಲ್ಲಿದ್ದ ಹಳೆಯ ರೆಕಾರ್ಡ್ಗಳೆಲ್ಲವು ಬ್ರೇಕ್ ಆಗಿದ್ದು, 'ಪುಷ್ಪ-2' ಟಾಪ್ ಒನ್ ಸಿನಿಮಾ ಎನಿಸಿಕೊಂಡಿದೆ. 'ಪುಷ್ಪ-2' ಸಿನಿಮಾ ಅಬ್ಬರ ಇಲ್ಲಿಗೆ ನಿಲ್ಲುವಂತೆ ಕಾಣುತ್ತಿಲ್ಲ. ಇನ್ನಷ್ಟು ದಿನಗಳ ಕಾಲ ಸಾವಿರಾರು ಥಿಯೇಟರ್ಗಳಲ್ಲಿ ಭರ್ಜರಿ ಪ್ರದರ್ಶನ ಮುಂದುವರಿಯಲಿದೆ. ಇನ್ನಷ್ಟು ಗಳಿಕೆ ಮಾಡುವ ವಿಶ್ವಸದಲ್ಲಿದೆ.
ತೆಲುಗು ಬಾಹುಬಲಿ ಹಾಗೂ ಕನ್ನಡದ ಕೆಜಿಎಫ್ 2 ನಿಮಾಗಳು ಪ್ಯಾನ್ ಇಂಡಿಯಾದಲ್ಲಿ ರಿಲೀಸ್ ಆಗಿದ್ದವು ಅವುಗಳ ಕೂಡ 1000 ಕೋಟಿ ರೂಪಾಯಿ ಕ್ಲಬ್ ಸೇರಿವೆ. ಆದರೆ ಆರೇ ದಿನದಲ್ಲಿ ಅಂದರೆ ಅತೀ ಕಡಿಮೆ ಸಮಯದಲ್ಲಿ ಬೃಹತ್ ಮೊತ್ತ ಕಲೆ ಹಾಕಿರುವ ಸಿನಿಮಾಗಳ ಸಾಲಿನಲ್ಲಿ ಪುಷ್ಪ 2ಗೆ ಅಗ್ರಸ್ಥಾನ ಸಿಗಲಿದೆ. ಈ ಕಾರಣದಿಂದಲೇ ಪುಷ್ಪ2 ಸಿನಿಮಾಗೆ ಕಡಿಮೆ ಅವಧಿಯಲ್ಲಿ ಅಧಿಕ ಗಳಿಕೆ ಕಂಡ ಭಾರತದ ಸಿನಿಮಾ ಎಂಬ ಪಟ್ಟ ಸಿಕ್ಕಿದೆ. ಚಿತ್ರತಂಡ ಫುಲ್ ಖುಷಿಯಲ್ಲಿದೆ.
ವಿಶ್ವದಾದ್ಯಂತ ಐದು ಭಾಷೆಗಳಲ್ಲಿ ಬಿಡುಗಡೆ ಆಗಿದ್ದ ಈ ಸಿನಿಮಾ ಬಿಡುಗಡೆಯ ಆರಂಭಿಕ ದಿನಗಳಲ್ಲಿ ಇದ್ದ ಟಿಕೆಟ್ ಹೆಚ್ಚಿನ ದರವನ್ನು ಕಳೆದ ಎರಡು ದಿನಗಳಿಂದ ಕಡಿಮೆ ಮಾಡಲಾಗಿದೆ. ಸಿಂಗಲ್ ಸ್ಕ್ರೀನ್, ಮಾಲ್ಗಳಲ್ಲಿ ಟಿಕೆಟ್ ದರ ಸಹಜ ದರಕ್ಕೆ ಬಂದಿದೆ ಎನ್ನಲಾಗಿದೆ.
Click it and Unblock the Notifications
Sign in with Google