Vaishnavi Gowda: ಆ ಇಬ್ಬರು ಹುಡುಗಿಯರಿಂದ ವೈಷ್ಣವಿ ಗೌಡ ಜೀವನ ಸರಿ ಹೋಯ್ತು: ವೈಷ್ಣವಿ ಗೌಡ ತಾಯಿ

Vaishnavi Gowda: ಕಿರುತೆರೆ ನಟಿ ಹಾಗೂ ಅಗ್ನಿಸಾಕ್ಷಿ, ಸೀತಾರಾಮ ಧಾರಾವಾಹಿಗಳಲ್ಲಿ ನಾಯಕಿಯಾಗಿ ಮತ್ತು ಬಿಗ್‌ಬಾಸ್‌ನ ಮೂಲಕವೂ ಖ್ಯಾತಿ ಗಳಿಸಿರುವ ವೈಷ್ಣವಿ ಗೌಡ ಅವರಿಗೆ ಕಂಕಣ ಭಾಗ್ಯ ಕೂಡಿ ಬಂದಿದೆ. ಈ ಸಂದರ್ಭದಲ್ಲಿ ವೈಷ್ಣವಿ ಗೌಡ, ಅವರ ತಾಯಿ ಹಾಗೂ ತಂದೆ ಸಹ ಮಾಧ್ಯಮಗಳೊಂದಿಗೆ ಕೆಲವೊಂದು ವಿಷಯಗಳನ್ನು ಹಂಚಿಕೊಂಡಿದ್ದು. ಕೆಲವೊಂದು ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅದರಲ್ಲಿ ಈ ಹಿಂದೆ ವೈಷ್ಣವಿ ಗೌಡ ಅವರ ಎಂಗೇಜ್‌ಮೆಂಟ್‌ ಮುರಿದು ಬಿದ್ದಿರುವುದು ಹಾಗೂ ಇಬ್ಬರು ಹುಡುಗಿಯರಿಂದ ವೈಷ್ಣವಿ ಅವರ ಲೈಫ್ ಹೇಗೆ ಸರಿ ಹೋಯ್ತು ಎನ್ನುವುದರ ಬಗ್ಗೆ ಅವರ ತಾಯಿ ಭಾನು ರವಿಕುಮಾರ್ ಅವರು ಮಾತನಾಡಿದ್ದಾರೆ.

ವೈಷ್ಣವಿ ಗೌಡ ಅವರು ಕಿರುತೆರೆಯಿಂದ ಕರ್ನಾಟಕದಲ್ಲಿ ಮನೆ ಮಾತಾಗಿದ್ದಾರೆ. ಅಗ್ನಿಸಾಕ್ಷಿ ಧಾರಾವಾಹಿಯ ನಂತರ ಸೀತಾರಾಮ ಸೀರಿಯಲ್‌ನಲ್ಲಿ ವಿಭಿನ್ನ ಪಾತ್ರದ ಮೂಲಕ ಫೇಮಸ್‌ ಆಗಿದ್ದಾರೆ. ಸೀತಾರಾಮದಲ್ಲಿ ಇತ್ತೀಚಿನ ದಿನಗಳಲ್ಲಿ ಯಾವುದೇ ಸೀರಿಯಲ್‌ನಲ್ಲಿ ಬರದೆ ಇರುವ ಭಿನ್ನವಾದ ಪಾತ್ರ ವೈಷ್ಣವಿ ಅವರದ್ದು. ಸೀರಿಯಲ್‌ ಮುಖ್ಯಘಟ್ಟದಲ್ಲಿ ಇರುವಾಗಲೇ ಅವರು ವೈಯಕ್ತಿಕ ಜೀವನದಲ್ಲೂ ಮಹತ್ವದ ಬೆಳವಣಿಗೆ ನಡೆದಿದೆ. ಏರ್‌ಫೋರ್ಸ್‌ನಲ್ಲಿರುವ ಅನುಕೂಲ್ ಮಿಶ್ರಾ ಎಂಬುವವರೊಂದಿಗೆ ವೈಷ್ಣವಿ ಅವರು ಹೊಸ ಜೀವನಕ್ಕೆ ಕಾಲಿಡಲಿದ್ದಾರೆ. ಈ ಸಂದರ್ಭದಲ್ಲಿ ವೈಷ್ಣವಿ ಅವರ ಕುಟುಂಬದವರು ಈ ವಿವಾಹ ಹಾಗೂ ಈ ಹಿಂದಿನ ಘಟನೆಗಳ ಬಗ್ಗೆ ಮಾತನಾಡಿದ್ದಾರೆ.

ನನ್ನ ಮಗಳ ಜೀವನ ಸರಿ ಹೋಗುವುದಕ್ಕೆ ಆ ಇಬ್ಬರು ಹುಡುಗಿಯರೇ ಕಾರಣ. ಆ ಹುಡುಗಿಯರು ಮುಂದೆ ಬಂದು ನಿಜವಾದ ಪರಿಸ್ಥಿತಿ (ಸತ್ಯ) ಹೇಳಿದ್ದರು. ಅವರಿಗೆ ತುಂಬಾ ಧನ್ಯವಾದ ಹೇಳುತ್ತೇನೆ ಅಂತ ವೈಷ್ಣವಿ ಗೌಡ ಅವರ ತಾಯಿ ಭಾನು ರವಿಕುಮಾರ್ ಹೇಳಿದ್ದಾರೆ. ಈ ಬಗ್ಗೆ ಅವರು "Public tv" ಸಂದರ್ಶನದಲ್ಲಿ ಮಾತನಾಡಿದ್ದಾರೆ.

ವೈಷ್ಣವಿ ಅವರಿಗೆ ಈ ಹಿಂದೆ ಮದುವೆ ನಿಶ್ಚಯವಾಗಿ ಮುರಿದು ಬಿದ್ದಿತ್ತು. ಇದೀಗ ಅನುಕೂಲ್ ಮಿಶ್ರಾ ಅವರೊಂದಿಗೆ ಎಂಗೇಜ್ಮೆಂಟ್ ಆದ ಮೇಲೆ ಈ ವಿಷಯವೂ ಚರ್ಚೆಯಾಗುತ್ತಿದ್ದು ಇದರ ಬಗ್ಗೆ ಅವರ ತಾಯಿ ಮಾತನಾಡಿದ್ದಾರೆ. ವೈಷ್ಣವಿ ತನ್ನದಲ್ಲದ ತಪ್ಪಿಗೆ ನೋವು ಅನುಭವಿಸುವಂತೆ ಆಗಿತ್ತು. ಆ ಹುಡುಗನ ಬಗ್ಗೆ ಆಗ ಮಾತನಾಡಿ, ಆ ಇಬ್ಬರು ಹುಡುಗಿಯರು ಸಹಾಯ ಮಾಡಿದರು. ಅವರಿಬ್ಬರಿಗೂ ಧನ್ಯವಾದ ಹೇಳುತ್ತೇನೆ. ಏನು ಎನ್ನುವುದನ್ನ ಅವರು ತಿಳಿಸಿದರು. ಆದರೆ ಅವರು ಯಾರು ಅಂತ ಗೊತ್ತಿಲ್ಲ. ಆದರೆ ಅವರಿಂದ ನಮಗೆ ತುಂಬಾನೇ ಉಪಕಾರವಾಗಿದೆ ಅಂತ ಹೇಳಿದ್ದಾರೆ.

Vaishnavi Gowda: ವೈಷ್ಣವಿ ಗೌಡ ಟ್ರೋಲ್ ಬಗ್ಗೆ ಬೇಸರ!

ಇನ್ನು ವೈಷ್ಣವಿ ಗೌಡ ಅವರ ಬಗ್ಗೆ ಟ್ರೋಲ್ ಮಾಡುತ್ತಿರುವುದಕ್ಕೆ ಅವರ ತಂದೆ ಹಾಗೂ ತಾಯಿ ಇಬ್ಬರೂ ಬೇಸರ ವ್ಯಕ್ತಪಡಿಸಿದ್ದಾರೆ. ಮಿಲಿಟರಿಯಲ್ಲಿ ಕೆಲಸ ಮಾಡುವ ಹುಡುಗ ಬೇಕು ಎನ್ನುವುದು ನಮ್ಮ ಮನೆಯವರ ಆಸೆಯಾಗಿತ್ತು. ನಮ್ಮ ಫ್ಯಾಮಿಲಿಯಲ್ಲಿ ಹಿಂದೆ ಯಾರೂ ಇರಲಿಲ್ಲ. ಈಗ ದೇಶಸೇವೆ ಮಾಡುವವರು ಸಿಕ್ಕಿದ್ದಾರೆ ಎನ್ನುವ ಖುಷಿ ಇದೆ. ಕೆಲವರು ಮಗಳ ಬಗ್ಗೆ ಏನೇನೋ ಮಾತಾಡ್ತಿದ್ದಾರೆ, ಟ್ರೋಲ್ ಮಾಡ್ತಿದ್ದಾರೆ ನಿಜ ಏನು ಅಂತ ಸರಿಯಾಗಿ ತಿಳಿದುಕೊಳ್ಳಬೇಕು ಅಂತ ಅವರ ತಾಯಿ ಹೇಳಿದ್ದಾರೆ.

ಇನ್ನು ಇದೇ ವಿಚಾರವಾಗಿ ಮಾತನಾಡಿರುವ ವೈಷ್ಣವಿ ಗೌಡ ಅವರ ತಂದೆ, ಇಬ್ಬರೂ ಸರಿಸಮನಾಗಿದ್ದಾರೆ. ಗಂಡು ಮತ್ತು ಹೆಣ್ಣಿಗೆ ಎಷ್ಟು ವಯಸ್ಸು ಇರಬೇಕೋ ಅದೇ ಇದೆ. ಮಿಲಿಟರಿ ಎಂದ ಮೇಲೆ ಹೈಟ್, ವೆಯಿಟ್ ಹಾಗೂ ಕಲರ್ ಎಲ್ಲವೂ ಸರಿ ಇದೆ. ಎಲ್ಲವೂ ಮ್ಯಾಚ್ ಆಗಿದೆ. ಸುಮ್ನೆ ಏನೇನೋ ಟ್ರೋಲ್‌ ಮಾಡ್ಬೇಡಿ ಅಂತ ರಿಕ್ವೆಸ್ಟ್‌ ಮಾಡಿದ್ದಾರೆ.

English summary

Television actress and TV personality Vaishnavi Gowda, who rose to fame as the heroine in the serials Agnisakshi, Seetharama and also through Bigg Boss, said that her life is better because of those two girls.