ರಾಜಾಜಿನಗರದಲ್ಲಿ ಮಾಜಿ ಮೇಯರ್ ಪದ್ಮಾವತಿ ಆಟ ನಡೆಯಲೇ ಇಲ್ಲ.!

ಬೆಂಗಳೂರು, ಮೇ 15: ಬೆಂಗಳೂರಿನಲ್ಲಿ ಐತಿಹಾಸಿಕ ಮಹತ್ವ ಪಡೆದಿರುವ ರಾಜಾಜಿನಗರ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ಸುರೇಶ್ ಕುಮಾರ್ ಮತ್ತೊಂದು ಬಾರಿ ಗೆಲುವಿನ ನಗೆ ಬೀರಿದ್ದಾರೆ.

2008 ಹಾಗೂ 2013 ರ ಚುನಾವಣೆಯಲ್ಲಿ ಗೆದ್ದಿದ್ದ ಸುರೇಶ್ ಕುಮಾರ್ ಈ ಬಾರಿಯೂ ಗೆಲುವು ಸಾಧಿಸಿ ಹ್ಯಾಟ್ರಿಕ್ ಬಾರಿಸಿದ್ದಾರೆ. ಹಾಲಿ ಶಾಸಕ ಸುರೇಶ್ ಕುಮಾರ್ ವಿರುದ್ಧ ಕಣಕ್ಕೆ ಇಳಿದಿದ್ದ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿ, ಮಾಜಿ ಮೇಯರ್ ಪದ್ಮಾವತಿ ಸೋಲು ಅನುಭವಿಸಿದ್ದಾರೆ.

ಒಂದು ದಶಕದಿಂದ ಬಿಜೆಪಿಯ ಭದ್ರಕೋಟೆ ಆಗಿರುವ ರಾಜಾಜಿನಗರಕ್ಕೆ ಈ ಬಾರಿಯೂ ಸುರೇಶ್ ಕುಮಾರ್ ಅಧಿಪತಿ. 9453 ಮತಗಳ ಅಂತರದಿಂದ ಗೆಲುವಿನ ಕೇಕೆ ಹಾಕಿದ್ದಾರೆ ಸುರೇಶ್ ಕುಮಾರ್.

ಬಿಜೆಪಿ ಪಕ್ಷದ ಅಭ್ಯರ್ಥಿ ಎಸ್.ಸುರೇಶ್ ಕುಮಾರ್ ಪಡೆದಿರುವ ಒಟ್ಟು ಮತಗಳು - 56,271. ಇನ್ನೂ ಜಿ.ಪದ್ಮಾವತಿ ಪಡೆದಿರುವ ಒಟ್ಟು ಮತಗಳು - 46,818. 13637 ಮತಗಳನ್ನು ಪಡೆದು ಮೂರನೇ ಸ್ಥಾನದಲ್ಲಿದ್ದಾರೆ ಜೆ.ಡಿ.ಎಸ್ ನ ಎಮ್.ಎಂ.ಕೃಷ್ಣಮೂರ್ತಿ.

English summary

Karnataka Election Results 2018: BJP Candidate Suresh Kumar wins Rajajinagar constituency.