ಕಲ್ಬುರ್ಗಿಯಲ್ಲಿ ಯಾವ ನಾಯಕರ ಹವಾ ಎದ್ದಿದೆ?

By Mahesh

Updated: Tuesday, May 14, 2013, 17:50 [IST]

ಉತ್ತರ ಕರ್ನಾಟಕದ ನಿಗಿನಿಗಿ ಕೆಂಡದಂತಿರುವ ಗುಲಬರ್ಗ ಜಿಲ್ಲೆಯಲ್ಲಿ ಇಂದಿಗೂ ಉರ್ದು ಪ್ರಭಾವ ಸಾಕಷ್ಟಿದೆ. 2006ರಲ್ಲಿ ದೇಶದ ಅತಿ ಹಿಂದುಳಿದ 250 ಜಿಲ್ಲೆಗಳಲ್ಲಿ ಗುಲಬರ್ಗ ಕೂಡ ಒಂದು 'ಬಿರುದಿಗೆ' ಪಾತ್ರವಾಗಿದ್ದ ಗುಲ್ಬರ್ಗಾ ಜಿಲ್ಲೆಗೆ ಸಿಎಂ ಸ್ಥಾನ ದಕ್ಕದೇ ಹೋಗಿದೆ. ಕೇಂದ್ರ ಸಚಿವ ಮಲ್ಲಿಕಾರ್ಜುನ ಖರ್ಗೆ ಅವರು ಈ ಬಾರಿ ಸಿಎಂ ಆಗುವ ಕನಸು ಕಂಡಿದ್ದಷ್ಟೇ ಬಂತು.

ಮುಸ್ಲಿಂ ಮತಗಳನ್ನು ಒಲಿಸಿಕೊಂಡವನೇ ಇಲ್ಲಿ ರಾಜನಾಗುತ್ತಾನೆ ಎಂಬುದು ಸುಳ್ಳಲ್ಲ. ಜಿಲ್ಲೆಯಲ್ಲಿ ಒಟ್ಟು 9 ವಿಧಾನಸಭೆ ಕ್ಷೇತ್ರಗಳಿದ್ದು, ಜಿದ್ದಾಜಿದ್ದಿಯ ಕುಸ್ತಿ ನಡೆದಿತ್ತು. [ಫಲಿತಾಂಶ: ಗೆದ್ದವರು, ಸೋತವರ ವಿವರ]

ಚಿತ್ತಾಪುರ ಕ್ಷೇತ್ರದಲ್ಲಿ ಮಲ್ಲಿಕಾರ್ಜುನ ಖರ್ಗೆ ಅವರ ಮಗ ಪ್ರಿಯಾಂಕ್ ಖರ್ಗೆ ಜಯಭೇರಿ ಬಾರಿಸಿದ್ದು ದೊಡ್ಡ ಸುದ್ದಿಯಾಗಿದೆ. ಸಚಿವ ಸಂಪುಟದಲ್ಲಿ ಸ್ಥಾನ ಸಿಕ್ಕರೆ ಹೈದರಾಬಾದ್ ಕರ್ನಾಟಕ ಭಾಗಕ್ಕೆ ನ್ಯಾಯ ಸಲ್ಲಿಸುವ ಮಾತುಗಳನ್ನಾಡಿದ್ದಾರೆ. ಚಿಂಚೋಳಿಯಲ್ಲಿ ಬಿಜೆಪಿಯಿಂದ ಗೆದ್ದಿದ್ದ ಸುನೀಲ್ ವಲ್ಯಾಪುರೆ ಈಗ ಕೆಜೆಪಿ ಟಿಕೆಟ್ ಗಿಟ್ಟಿಸಿಕೊಂಡು ಬಿಜೆಪಿಗೇ ಸೆಡ್ಡು ಹೊಡೆಯಲು ನೋಡಿ ಸೋತಿದ್ದಾರೆ..

2013ರಲ್ಲಿ ಗುಲ್ಬರ್ಗಾದಿಂದ ಆಯ್ಕೆಯಾದ ಶಾಸಕರು ಹಾಗೂ ಸೋತವರ ವಿವರ ಇಲ್ಲಿದೆ:

ಕ್ಷೇತ್ರ	ಗೆದ್ದವರು	ಗಳಿಸಿದ ಮತಗಳು	ಪಕ್ಷ	ಸೋತವರು	ಪಕ್ಷ	ಗಳಿಸಿದ ಮತಗಳು
ಅಫಜಲಪುರ	ಮಾಲಿಕಯ್ಯ ವಿ. ಗುತ್ತೇದಾರ	38093	ಬಿಜೆಪಿ	ಎಂ.ವಿ. ಪಾಟೀಲ	ಕೆಜೆಪಿ	32855
ಜೇವರ್ಗಿ	ಡಾ. ಅಜಯ್ ಸಿಂಗ್	67038	ಕಾಂಗ್ರೆಸ್	ದೊಡ್ಡಪ್ಪಗೌಡ ಪಾಟೀಲ ನರಿಬೋಳ	ಬಿಜೆಪಿ	30338
ಚಿತ್ತಾಪುರ (ಎಸ್ ಸಿ)	ಪ್ರಿಯಾಂಕ್ ಎಂ. ಖರ್ಗೆ	69379	ಕಾಂಗ್ರೆಸ್	ವಾಲ್ಮಿಕಿ ನಾಯಕ್	ಬಿಜೆಪಿ	38188
ಸೇಡಂ (ಎಸ್ ಟಿ)	ಡಾ. ಶರಣಪ್ರಕಾಶ್ ಪಾಟೀಲ	53546	ಕಾಂಗ್ರೆಸ್	ರಾಜಕುಮಾರ್ ಪಿ. ತೆಲ್ಕೂರು	ಬಿಜೆಪಿ	41651
ಚಿಂಚೋಳಿ (ಎಸ್ ಸಿ)	ಉಮೇಶ್ ಜಿ. ಜಾಧವ್	58599	ಕಾಂಗ್ರೆಸ್	ಸುನೀಲ್ ವಲ್ಯಾಪುರೆ	ಕೆಜೆಪಿ	32539
ಗುಲಬರ್ಗ ಗ್ರಾ. (ಎಸ್ ಸಿ)	ರಾಮಕೃಷ್ಣ ಜಿ.	40075	ಕಾಂಗ್ರೆಸ್	ರೇವೂನಾಯಕ್ ಬೆಳಮಗಿ	ಬಿಜೆಪಿ	32857
ಗುಲಬರ್ಗ ದಕ್ಷಿಣ	ದತ್ತಾತ್ರೆಯ ಪಾಟೀಲ ರೇವೂರ	36850	ಬಿಜೆಪಿ	ಶಶೀಲ್ ನಮೋಶಿ	ಜೆಡಿಎಸ್	26880
ಗುಲಬರ್ಗ ಉತ್ತರ	ಖಮರುಲ್ ಇಸ್ಲಾಂ	50498	ಕಾಂಗ್ರೆಸ್	ನಾಸಿರ್ ಹುಸೇನ್	ಕೆಜೆಪಿ	30377
ಆಳಂದ	ಬಿ ರಾಮಚಂದ್ರ	67085	ಕೆಜೆಪಿ	ಸುಭಾಷ್ ಗುತ್ತೇದಾರ	ಜೆಡಿಎಸ್	49971