• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

Numerology: ನಿಮ್ಮ ಹೆಸರಿನ ಪ್ರಕಾರ ಸ್ವಭಾವ, ಲಕ್ ಹೇಗಿರುತ್ತದೆ?

By ಶಂಕರ್ ಭಟ್
|

ನ್ಯೂಮರಾಲಜಿ ಎಂಬುದು ನಿಂತಿರುವುದು ಇಂಗ್ಲಿಷ್ ಅಕ್ಷರಗಳ ಮೇಲೆ. ಹಿಂದೂ ಪಂಚಾಂಗ ರೀತಿಯಾಗಿ ಹೆಸರು ಇಡುವ ಸಂಪ್ರದಾಯ ಕಡಿಮೆ ಆಗುತ್ತದೆ. ಇದು ಸರಿಯೋ ತಪ್ಪೋ ಎಂಬ ಚರ್ಚೆಯನ್ನು ಮಾಡುವುದು ಈ ಲೇಖನದ ಉದ್ದೇಶ ಖಂಡಿತಾ ಅಲ್ಲ. ಯಾವುದೇ ಶಾಸ್ತ್ರಕ್ಕೆ ಇರುವ ಆಧಾರದ ಬಗ್ಗೆ ಅಧ್ಯಯನ ಮಾಡಿ, ತಿಳಿದುಕೊಂಡು, ಒಮ್ಮೆ ಪರಾಮರ್ಶೆ ಮಾಡಿದ ನಂತರ ಒಂದು ಲೇಖನ ಬರೆಯುವುದು ನನ್ನ ಪರಿಪಾಠ.

ಈಗ ಕೂಡ ಅಷ್ಟೇ. ಇತ್ತೀಚೆಗೆ ಕೆಲ ಸಮಯ ಸಂಖ್ಯಾಶಾಸ್ತ್ರದ ಬಗ್ಗೆ ತಿಳಿದುಕೊಳ್ಳುವ ಅವಕಾಶ ಸಿಕ್ಕಿತು. ಅಧ್ಯಯನದ ನಂತರ ಹೆಸರಿನ ವಿಚಾರವಾಗಿ ಇಂಗ್ಲಿಷ್ ನಲ್ಲಿ ಇರುವಂಥ ನಂಬಿಕೆಯನ್ನು ನಿಮಗೆ ತಿಳಿಸಬೇಕು ಎಂದು ನೋಟ್ಸ್ ಮಾಡಿಟ್ಟುಕೊಂಡಿದ್ದೆ. ಈ ದಿನ ಆ ಬಗ್ಗೆ ಒಂದು ಲೇಖನ ಬರೆಯೋಣ ಎನಿಸಿತು.

ಜ್ಯೋತಿಷ್ಯ: ಈ 4 ರಾಶಿಯವರು ಎಂಥ ಸಾಧನೆಯನ್ನಾದರೂ ಮಾಡಬಲ್ಲರು

ಒಂದು ವಿಷಯ ಅಂತೂ ಸ್ಪಷ್ಟ ಪಡಿಸುತ್ತಿದ್ದೇನೆ. ವೈದಿಕ ಜ್ಯೋತಿಷ್ಯ ಸರಿಯೇ ಅಥವಾ ಈ ನ್ಯೂಮರಾಲಜಿ ಸರಿಯೇ ಎಂದು ಚರ್ಚೆ ಮಾಡುವುದು ಈ ಲೇಖನದ ಉದ್ದೇಶ ಅಲ್ಲ. ನಿಮಗೆ ಬೇಕಿದ್ದರೆ ತೆಗೆದುಕೊಳ್ಳಬಹುದು, ಇಲ್ಲದಿದ್ದರೆ ಇಲ್ಲ. ಯಾವುದಕ್ಕೂ ಬಲವಂತ ಇಲ್ಲ. ಇದೇ ಸರಿ ಎಂಬ ಅಪ್ಪಣೆ ಇಲ್ಲ. ಇನ್ನುಳಿದಂತೆ ನೀವುಂಟು, ಲೇಖನ ಉಂಟು. ವಿನಮ್ರನಾಗಿ ನಿಮ್ಮ ಮುಂದೆ ತೆರೆದಿಡುತ್ತಿದ್ದೇನೆ.

 A, I, J, Q, Y

A, I, J, Q, Y

ಯಾವುದೇ ವ್ಯಕ್ತಿಯ ಹೆಸರು ಇಂಗ್ಲಿಷ್ ನಲ್ಲಿ ಬರೆದಾಗ ಅದರಲ್ಲಿ ಈ ಮೇಲ್ಕಂಡ ಇಂಗ್ಲಿಷ್ ಅಕ್ಷರಗಳು ಪುನರಾವರ್ತನೆಯಾದರೆ ಅಂಥವರು ಬಹಳ ಧೈರ್ಯವಂತರಾಗಿರುತ್ತಾರೆ. ಒರಿಜಿನಲ್ ಆಲೋಚನೆಗಳು ಇರುತ್ತವೆ. ಬೇರೆಯವರ ಮೇಲೆ ಹತೋಟಿ ಸಾಧಿಸುವಂಥ ಮನಸ್ಥಿತಿ ಇರುತ್ತದೆ. ಸ್ವತಂತ್ರವಾಗಿ ಇರುವ ಸಲುವಾಗಿ ಎಂಥ ಹೋರಾಟಕ್ಕಾದರೂ ಸಿದ್ಧವಾಗುತ್ತಾರೆ. ಸಮಾಜದಲ್ಲಿ ತಮ್ಮದೊಂದು ಗುರುತಿರಬೇಕು, ಮನ್ನಣೆ ಸಿಗಬೇಕು ಎಂದು ಪ್ರಯತ್ನಿಸುತ್ತಾರೆ. ಪ್ರತಿಷ್ಠಿತ ಹುದ್ದೆಗಳಲ್ಲಿ ಸ್ಥಾನ ಪಡೆಯುತ್ತಾರೆ. ಸಹಕಾರ ನೀಡುವ ಮನೋಭಾವ ಇರುತ್ತದೆ. ವ್ಯಾಪಾರದಲ್ಲಿ ಏಳ್ಗೆ ಆಗುತ್ತದೆ. ಹಣ ಮತ್ತು ಅಧಿಕಾರದ ಬಗ್ಗೆ ವ್ಯಾಮೋಹ ಇರುತ್ತದೆ.

 B, K, R

B, K, R

ಯಾರ ಹೆಸರಲ್ಲಿ ಮೇಲ್ಕಂಡ ಇಂಗ್ಲಿಷ್ ಅಕ್ಷರಗಳು ಪುನರಾವರ್ತನೆ ಆಗಿರುತ್ತದೋ ಸ್ವಭಾವತಃ ಬಹಳ ಸೂಕ್ಷ್ಮವಾಗಿರುತ್ತಾರೆ. ಸ್ವಲ್ಪ ಹೆದರಿಕೆ ಸ್ವಭಾವದವರಾಗಿರುತ್ತಾರೆ. ಭಾವನಾತ್ಮಕ ಜೀವಿಗಳಾಗಿರುತ್ತಾರೆ. ಸಂಗೀತ ಮತ್ತು ಕಲೆ ಬಗ್ಗೆ ಹೆಚ್ಚು ಆಸಕ್ತಿ ಇರುತ್ತದೆ. ಇವರು ಮೂಲತಃ ಇನ್ನೊಬ್ಬರಿಗೆ ನೆರವು ನೀಡುವ ಮನಸ್ಥಿತಿಯವರಾಗಿರುತ್ತಾರೆ. ಯಾವ ಸಮಸ್ಯೆಯನ್ನೂ ತಂತ್ರಗಾರಿಕೆಯಿಂದ ಬಗೆಹರಿಸುವ ಆಲೋಚನೆ ಇವರದು. ಜತೆಗೆ ತಾಳ್ಮೆಯೂ ಹೆಚ್ಚಾಗಿರುತ್ತದೆ.

ಜ್ಯೋತಿಷ್ಯ: ಈ 6 ರಾಶಿಯವರಿಗೆ ಅದೃಷ್ಟವೋ ಅದೃಷ್ಟ

 C, G, L, S

C, G, L, S

ಯಾರ ಹೆಸರಲ್ಲಿ ಈ ಮೇಲ್ಕಾಣಿಸಿದ ಅಕ್ಷರಗಳು ಪುನರಾವರ್ತನೆ ಆಗಿರುತ್ತದೋ ಅಂಥವರಿಗೆ ಊಹಾತ್ಮಕ ಶಕ್ತಿ ಹೆಚ್ಚು. ಕಲಾವಿದ ಮನಸ್ಸಿರುತ್ತದೆ ಹಾಗೂ ಪ್ರತಿಭಾವಂತರಾಗಿರುತ್ತಾರೆ. ಬರವಣಿಗೆ, ಭಾಷಣ ಕಲೆ, ಸಂಗೀತ ಮತ್ತು ವಿಭಿನ್ನ ಬಗೆಯ ಉದ್ಯಮಗಳನ್ನು ಆರಂಭಿಸುವ ಮೂಲಕ ತಮ್ಮ ಸಾಮರ್ಥ್ಯವನ್ನು ಹೊರ ಹಾಕುತ್ತಾರೆ. ಆದರೆ ಇವರು ಸ್ವಲ್ಪ ಮಟ್ಟಿಗೆ ಸ್ವಾರ್ಥಿಗಳೂ ಆಗಿರುತ್ತಾರೆ. ಏಕಾಗ್ರತೆಯಲ್ಲಿ ಕೊರತೆ ಇರುತ್ತದೆ. ಅಶಿಸ್ತು ಮತ್ತು ಆಲಸ್ಯದ ಕಾರಣಕ್ಕೆ ಪ್ರತಿಭೆಯನ್ನು ಹಾಳು ಮಾಡಿಕೊಳ್ಳುತ್ತಾರೆ.

 U, V, W

U, V, W

ಈ ಅಕ್ಷರಗಳ ಸಾಲಲ್ಲಿ ಬರುವವರು ಕಲಾ ಪೋಷಕರಾಗಿರುತ್ತಾರೆ. ಮಾನವತಾವಾದಿ ಆಗಿರುತ್ತಾರೆ. ತಾವಾಗಿಯೇ ಜವಾಬ್ದಾರಿ ತೆಗೆದುಕೊಳ್ಳುತ್ತಾರೆ. ಸಹಾಯ ಮಾಡುವ ಮನೋಭಾವ ಇರುತ್ತದೆ. ಕೌಟುಂಬಿಕ ಪ್ರೀತಿ ಹೆಚ್ಚಾಗಿರುತ್ತದೆ. ಜನಪ್ರಿಯರಾಗಿರುತ್ತಾರೆ. ಪ್ರವಾಸ, ಸಾಮಾಜಿಕ ಚಟುವಟಿಕೆಗಳಲ್ಲಿ ಆಸಕ್ತಿ ಇರುತ್ತದೆ.

ಮಕರ ಸಂಕ್ರಾಂತಿ ಫಲಾಫಲ ಯಾರಿಗೆ ಲಾಭ? ಯಾರಿಗೆ ನಷ್ಟ?

 D, M, T

D, M, T

ಈ ಅಕ್ಷರಗಳು ಪುನರಾವರ್ತನೆ ಆಗಿದ್ದಲ್ಲಿ ಅವರು ಪರಿಶ್ರಮಿಗಳಾಗಿರುತ್ತಾರೆ. ತಮ್ಮ ವ್ಯಾಪಾರ- ಉದ್ಯಮ ವಿಸ್ತರಣೆಗಾಗಿ ತಪಸ್ಸಿನಂತೆ ಬದುಕುತ್ತಾರೆ. ಆಸ್ತಿ- ಹಣಕಾಸು ನಿರ್ವಹಣೆಯನ್ನು ತುಂಬ ಚೆನ್ನಾಗಿ ಮಾಡುತ್ತಾರೆ. ಸಂಬಂಧಿಕರ ಜವಾಬ್ದಾರಿಗಳನ್ನು ತಾವು ತೆಗೆದುಕೊಳ್ಳುತ್ತಾರೆ. ಆದರೆ ಇವರ ಪ್ರಗತಿ ನಿಧಾನಗತಿಯಲ್ಲಿ ಆಗುತ್ತದೆ.

 O, Z

O, Z

ಸಂಶೋಧನೆ, ಶೈಕ್ಷಣಿಕ ರಂಗ, ಧ್ಯಾನ- ಯೋಗ ಇಂಥ ಕ್ಷೇತ್ರಗಳಲ್ಲಿ ಪ್ರಗತಿ ಇರುತ್ತದೆ. ಇವರು ಏಕಾಂತವಾಗಿ ಇರುವುದಕ್ಕೆ ಬಯಸುತ್ತಾರೆ. ಜನಜಂಗುಳಿ ಅಂದರೆ ಇವರಿಗೆ ಅಷ್ಟಕ್ಕಷ್ಟೇ. ಸಂಬಂಧಿಕರ ಜತೆಗೂ ಅಷ್ಟಾಗಿ ಬೆರೆಯುವುದಿಲ್ಲ. ಇದಕ್ಕೆಲ್ಲ ಕಾರಣ ಏನೆಂದರೆ, ಸಮಸ್ಯೆಯ ಮೂಲಗಳು ಇವು ಎಂಬುದು ಇವರ ನಂಬಿಕೆಯಾಗಿರುತ್ತದೆ.

 P, F

P, F

ವ್ಯಾಪಾರ- ವ್ಯವಹಾರಕ್ಕೆ ಸಂಬಂಧಿಸಿದಂತೆ ಇವರು ಬಲು ಚುರುಕಾಗಿ ಇರುತ್ತಾರೆ. ಅಧಿಕಾರ ಮತ್ತು ಹುದ್ದೆ ಬಗ್ಗೆ ಸದಾ ಆಕರ್ಷಣೆ ಹೊಂದಿರುತ್ತಾರೆ. ಆದರೆ ಇವರಿಗೆ ಸಾಂಸಾರಿಕ ನೆಮ್ಮದಿ ಕಡಿಮೆ ಇರುತ್ತದೆ. ವ್ಯಾಪಾರ- ವ್ಯವಹಾರ, ಉದ್ಯಮದ ಸಲುವಾಗಿ ಸಿಕ್ಕಾಪಟ್ಟೆ ಪ್ರಯಾಣ ಮಾಡುತ್ತಾರೆ. ಆಸ್ತಿ ವ್ಯವಹಾರಗಳು ಜಾಸ್ತಿ ಇರುತ್ತದೆ ಮತ್ತು ಖರ್ಚು ವಿಪರೀತ ಮಾಡುತ್ತಾರೆ.

 E, H, N, X

E, H, N, X

ಈ ಮೇಲ್ಕಂಡ ಅಕ್ಷರಗಳು ಹೆಸರಿನಲ್ಲಿ ಪುನರಾವರ್ತನೆ ಆಗಿದ್ದಲ್ಲಿ ಇವರು ಕಾನೂನು ಹಾಗೂ ಸಾರ್ವಜನಿಕ ವಿಚಾರಗಳಲ್ಲಿ ಯಶಸ್ವಿ ಆಗುತ್ತಾರೆ. ಜತೆಗೆ ಮಾರಾಟ ವಿಭಾಗದಲ್ಲಿ ದೊಡ್ಡ ಹೆಸರು ಮಾಡುತ್ತಾರೆ. ಈ ಪೈಕಿ ಕೆಲವರು ವಿಪರೀತ ಖರ್ಚು ಮಾಡುವವರು, ಕುಡಿತ ಮತ್ತು ಲೈಂಗಿಕ ಆಸಕ್ತಿ ಹೆಚ್ಚಿರುವವರು ಆಗುತ್ತಾರೆ. ಇದರಿಂದ ಸಮಸ್ಯೆಗಳನ್ನು ತಂದುಕೊಳ್ಳುತ್ತಾರೆ. ಕುಟುಂಬದ ಬಗ್ಗೆ ಗಮನ ಇಲ್ಲದಂತೆ ಆಗುತ್ತಾರೆ. ಅನಿರೀಕ್ಷಿತ ಕಷ್ಟ, ಸಮಸ್ಯೆಗಳಿಗೆ ಪದೇ ಪದೇ ಸಿಲುಕುತ್ತಾರೆ.

English summary
According to numerology how name affects your character, here is an interesting article.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X