• search
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮಾರ್ಚ್ 2019 - ಕ್ಯಾಲೆಂಡರ್ ಮೇಲೆ ತಿಂಗಳ ರಾಶಿ ಭವಿಷ್ಯ

By ಪಂಡಿತ್ ಅನುಜ್ ಕೆ. ಶುಕ್ಲಾ
|

ಜ್ಯೋತಿಷ್ಯ ಕ್ಯಾಲೆಂಡರನ್ನು ಖ್ಯಾತ ಜ್ಯೋತಿಷಿ ಪಂಡಿತ ಅನುಜ್ ಕೆ. ಶುಕ್ಲಾ ಅವರುಮಾರ್ಚ್2019ರ ಪಂಚಾಂಗದ ಆಧಾರದ ಮೇಲೆ ಆಯಾ ರಾಶಿಗೆ ಅನುಗುಣವಾಗಿ ರೂಪಿಸಿದ್ದಾರೆ. ನಿಮ್ಮ ರಾಶಿಗೆ ತಕ್ಕಂತೆ ಅಂದಿನ ದಿನ ನಿಮ್ಮ ಜೀವನದಲ್ಲಿ ಹೇಗಿರುತ್ತದೆ ಎಂಬುದನ್ನು ತಿಳಿದುಕೊಳ್ಳಿ. ಇಂದು ಮಾತ್ರವಲ್ಲ, ನಾಳೆ, ನಾಡಿದ್ದು ಅಥವಾ ಮುಂದಿನ ದಿನ ಹೇಗಿರುತ್ತದೆಂದು ಕೂಡ ಈ ಕ್ಯಾಲೆಂಡರ್ ಮುಖಾಂತರ ತಿಳಿಯಬಹುದು.

ವಾರ ಭವಿಷ್ಯ ಅಥವಾ ತಿಂಗಳ ಭವಿಷ್ಯ ಒಂದು ಬಾರಿ ನೋಡಿ ಮರೆತುಬಿಟ್ಟಿರುತ್ತೇವೆ. ನಾವು ಅವುಗಳನ್ನು ಮರೆತರೂ ಗ್ರಹ, ನಕ್ಷತ್ರ ಮತ್ತು ಕಾಲಚಕ್ರಗಳನ್ನು ನಮ್ಮನ್ನು ಮರೆಯುವುದಿಲ್ಲ. ಭಾರತದ ಪ್ರಾಚೀನ ಜ್ಯೋತಿಷ್ಯಶಾಸ್ತ್ರ ನಮ್ಮ ಜೀವನದೊಂದಿಗೆ ಯಾವತ್ತೂ ಕೂಡಿಕೊಂಡಿರುತ್ತದೆ. ನಿಮ್ಮ ಜೀವನವನ್ನು ಸರಳಗೊಳಿಸುವ ಉದ್ದೇಶದಿಂದ ಜ್ಯೋತಿಷ್ಯ ಕ್ಯಾಲೆಂಡರನ್ನು ಇಲ್ಲಿ ಸಾದರಪಡಿಸುತ್ತಿದ್ದೇವೆ. ನಮ್ಮ ಭವಿಷ್ಯಫಲ ಏನಿದೆ ಎಂದು ಇಲ್ಲಿ ಖುದ್ದಾಗಿ ನಾವೇ ನೋಡಿಕೊಳ್ಳಬಹುದು.

ಚಂದ್ರನ ಚಲನೆಯನ್ನು ಆಧಿರಿಸಿ ರೂಪಿಸಲಾಗಿರುವ ಈ ಕ್ಯಾಲೆಂಡರನ್ನು ನೋಡಿ ಆಯಾ ದಿನ ಪ್ರೇಮ ಪರಿಣಯ ಎಂದು ಹೇಗೆ, ಮನೆ ಕೊಳ್ಳಲು ಯಾವ ದಿನ ಸೂಕ್ತ, ಎಂದು ಧನ ಪ್ರಾಪ್ತಿಯಾಗುತ್ತದೆ, ಯಾವ ದಿನ ಖಿನ್ನತೆ ಆವರಿಸುತ್ತದೆ, ಎಂದು ಸಂತಸದ ಬುಗ್ಗೆ ಉಕ್ಕುತ್ತದೆ ಮುಂತಾದ ವಿಷಯಗಳ ಬಗ್ಗೆ ತಿಳಿಯಬಹುದು. ಎಲ್ಲ ಸಂಗತಿಗಳನ್ನು ಪಂಡಿತರು ವಿವಿಧ ಚಿಹ್ನೆಗಳ ಮುಖಾಂತರ ಅತ್ಯಂತರ ಸರಳವಾಗಿ ತಿಳಿಸಿಕೊಡುತ್ತಾರೆ.

ಯಾವ ಚಿಹ್ನೆ ಏನು ಹೇಳುತ್ತದೆ?

ಹೃದಯ - ಪ್ರೀತಿ ಪ್ರೇಮ ಪ್ರಣಯಕ್ಕೆ ಆ ದಿನ ಅತ್ಯಂತ ಸುದಿನವಾಗಿರುತ್ತದೆ.
ಮಿಂಚು - ಆ ದಿನ ನಿಮ್ಮ ಜೀವನದಲ್ಲಿ ಆಪತ್ತು ಬರಬಹುದು.
ಮನೆ - ಮನೆ ಅಥವಾ ಅಂಗಡಿಯನ್ನು ಆ ದಿನ ಕೊಳ್ಳಬಹುದು ಅಥವಾ ಮಾರಬಹುದು.
ಮುಗುಳ್ನಗೆ - ಆ ದಿನ ನಿಮ್ಮ ಜೀವನದಲ್ಲಿ ಸಂತಸ ಬರಬಹುದು.
ಚಿಂತೆ - ಯಾವುದೋ ವಿಷಯದಲ್ಲಿ ಚಿಂತೆ ಅಥವಾ ಖಿನ್ನತೆ ಆವರಿಸಬಹುದು.
ನಕ್ಷತ್ರ - ಆ ದಿನ ಜೀವನದಲ್ಲಿ ಸೌಭಾಗ್ಯದ ದಿನವಾಗಿರುತ್ತದೆ.
ನಾಣ್ಯ - ನಾಣ್ಯ ಇದ್ದ ದಿನ ಧನ ಲಾಭ ಆಗುವ ಸಂಭವನೀಯತೆ ಇರುತ್ತದೆ.

ಪ್ರತಿದಿನ ಬಿಡುವು ಸಿಕ್ಕಾಗಲೆಲ್ಲ ಈ ಕ್ಯಾಲೆಂಡರನ್ನು ನೋಡಬೇಕೆಂದಿದ್ದರೆ ಈ ಪುಟವನ್ನು ಬುಕ್‌ಮಾರ್ಕ್ ಮಾಡಿಟ್ಟುಕೊಳ್ಳಿ.

ಮೇಷ : ಸ್ವಲ್ಪ ಮಟ್ಟಿಗಾದರೂ ಸ್ವಾರ್ಥಿಗಳಾಗಿ

ಮೇಷ : ಸ್ವಲ್ಪ ಮಟ್ಟಿಗಾದರೂ ಸ್ವಾರ್ಥಿಗಳಾಗಿ

ಗಂಡ, ಮನೆ, ಮಕ್ಕಳು, ಬಂಧುಗಳು, ಸ್ನೇಹಿತರು, ಸಂಬಂಧ, ಕೆಲಸ ಬೊಗಸಿ, ಕಲಿಕೆ, ಕೂಡಿಕೆ, ಹೂಡಿಕೆಗಳೊಂದಿಗೆ ಕಾಮನ್ ಫ್ಯಾಕ್ಟರ್ ಆಗಿ ಇರುವುದು ನಾವೇ. ನಮ್ಮನ್ನು ನಾವು ನೋಡಿಕೊಳ್ಳದಿದ್ದರೆ, ಸ್ವಲ್ಪ ಮಟ್ಟಿಗಾದರೂ ಸ್ವಾರ್ಥಿಗಳಾಗದಿದ್ದರೆ ಈ ಮೇಲಿನ ಯಾವುದಕ್ಕೂ ಅರ್ಥವೇ ಇರುವುದಿಲ್ಲ. ಎಷ್ಟೇ ಖರ್ಚಾಗಲಿ ಪರವಾಗಿಲ್ಲ ನಿಮ್ಮ ಆರೋಗ್ಯವನ್ನು ನೋಡಿಕೊಳ್ಳಿ. ಕೂಡಿಟ್ಟ ಹಣ ಆರೋಗ್ಯವನ್ನು ಕಾಪಾಡುವುದಿಲ್ಲ, ಅದನ್ನು ಖರ್ಚು ಮಾಡಲೇಬೇಕು. ಏನೇ ಗುರಿಯಿರಲಿ, ಎಷ್ಟೇ ಪ್ರಯತ್ನವಿರಲಿ ಆರೋಗ್ಯದಿಂದ ಗಮನ ಅತ್ತಿತ್ತ ಹೋಗದಿರಲಿ. ಇದು ನಮಗಾಗಿ ಮಾತ್ರವಲ್ಲ, ನಮ್ಮನ್ನು ನಂಬಿದವರಿಗಾಗಿಯಾದರೂ ನಾವು ನಾವಾಗಿಯೇ ಇರಬೇಕು.

ವೃಷಭ : ತ್ಯಾಗ, ಸತ್ಕಾರ್ಯ ಎಂದೂ ವಿಫಲವಾಗದು

ವೃಷಭ : ತ್ಯಾಗ, ಸತ್ಕಾರ್ಯ ಎಂದೂ ವಿಫಲವಾಗದು

ನಾವು ಮಾಡಿರುವ ತ್ಯಾಗ, ಸತ್ಕಾರ್ಯದ ಫಲ ಇತರರು ಅದನ್ನು ಅನುಭವಿಸಿದಾಗಲೇ ನಮಗೆ ಅರಿವಾಗುತ್ತದೆ. ಇತರರ ಏಳ್ಗೆಯಲ್ಲಿಯೇ ಬದುಕು ಸವೆಸುವುದು ಕೂಡ ಸಾರ್ಥಕ ಬದುಕಿಗೆ ನಾವು ಮಾಡಬೇಕಾಗಿರುವ ಕೆಲಸ. ಇಂಥ ಸಮಯದಲ್ಲಿ ಕೆಲವರಾದರೂ ನಮ್ಮ ಹೆಗಲಾಗಿದ್ದಾರೆ ಎಂಬುದು ಆ ಸಾರ್ಥಕ ಬದುಕನ್ನು ಮತ್ತಷ್ಟು ಸವಿಯಾಗಿಸುತ್ತದೆ. ಅಂಥ ಉತ್ಕೃಷ್ಟ ಜೀವನ ನೀವು ನಡೆಸುತ್ತಿದ್ದೀರಾದರೆ ನಿಮಗಿಂತ ಅದೃಷ್ಟವಂತ ವ್ಯಕ್ತಿ ಇನ್ನೊಬ್ಬರಿಲ್ಲ. ಕಡಿದಾದ ಬಂಡೆಗೆ ಉಳಿಪೆಟ್ಟು ಬಿದ್ದಾಗಲೇ ಸುಂದರ ಮೂರ್ತಿಯಾಗುತ್ತದೆ ಎಂಬುದನ್ನು ನಾವು ಮರೆಯಬಾರದು. ನಾವು ಮಾಡಿದ ಯಾವುದೇ ಕೈಂಕರ್ಯಕ್ಕೂ ಪ್ರತಿಫಲಾಪೇಕ್ಷೆ ಇರಬಾರದು. ಸಾಧ್ಯವಾದರೆ, ಈ ಜೀವನದ ಪಾಠವನ್ನು ಮುಂದಿನ ಪೀಳಿಗೆಗಾಗಿ ಬರೆದಿಡಿ.

ಮಿಥುನ : ಒಂದು ದಿನದ ಮಟ್ಟಿಗೆ ಗೌತಮ ಬುದ್ಧ

ಮಿಥುನ : ಒಂದು ದಿನದ ಮಟ್ಟಿಗೆ ಗೌತಮ ಬುದ್ಧ

ಬಟ್ಟೆ ಕಳಚಿದಷ್ಟೇ ಸರಾಗವಾಗಿ ಎಲ್ಲ ಭವಬಂಧನಗಳನ್ನು ತೊಡೆದುಕೊಂಡು ಬಾಹುಬಲಿಯಂತಾಗುವಂತಿದ್ದರೆ ಎಷ್ಟು ಚೆನ್ನಾಗಿರುತ್ತಿತ್ತು, ಅಲ್ಲವೆ? ಆದರೆ ಈ ಬಂಧಗಳೇ ನಮಗೆ ತೊಡಕಾಗಿ ತೇಲಲೂ ಆಗದೆ ಮುಳುಗಲೂ ಆಗದೆ ಸತಾಯಿಸುತ್ತಿರುತ್ತದೆ. ಸಕಲ ಭೌತಿಕ ಆಕಾಂಕ್ಷೆಗಳನ್ನು ತ್ಯಜಿಸಿ ನಗ್ನರಾಗುವ ನಿಟ್ಟಿನಲ್ಲಿ ಯಾವತ್ತಾದರೂ ಯೋಚಿಸಿದ್ದೀರಾ? ನಿರ್ವಾಣ ಸ್ಥಿತಿಗೆ ತಲುಪುವ ದಿಕ್ಕಿನಲ್ಲಿ ಕನಿಷ್ಠ ಪಕ್ಷ ಅಸೂಯೆ, ದ್ವೇಷ, ಸಿಟ್ಟು, ಮಾತ್ಸರ್ಯ, ಆಸೆಗಳನ್ನಾದರೂ ತ್ಯಜಿಸಲು ಯತ್ನಿಸಿ. ಒಂದು ದಿನದ ಮಟ್ಟಿಗೆ ಗೌತಮ ಬುದ್ಧ, ಒಂದು ದಿನದ ಮಟ್ಟಿಗೆ ಬಾಹುಬಲಿಯಾಗಲು ಯತ್ನಿಸಿ.

ಕರ್ಕಾಟಕ : ಸಾಗುವ ದಾರಿಯಲ್ಲಿ ಕಲ್ಲುಮುಳ್ಳುಗಳು, ಅಡೆತಡೆ

ಕರ್ಕಾಟಕ : ಸಾಗುವ ದಾರಿಯಲ್ಲಿ ಕಲ್ಲುಮುಳ್ಳುಗಳು, ಅಡೆತಡೆ

ಯಾವುದೇ ಕೆಲಸ ಹಿಡಿದಾಗ ಆಗುವುದೇ ಇಲ್ಲ ಎಂಬ ಮನೋಭಾವದಿಂದಲೇ ಕೆಲಸ ಆರಂಭಿಸಿದರೆ ನಿರಾಶೆ ಖಂಡಿತ. ಆತ್ಮವಿಶ್ವಾಸವೊಂದು ಇದ್ದರೆ ಎಂಥದೇ ಕ್ಲಿಷ್ಟಕರ ಕೆಲಸವೂ ಅಷ್ಟೇ ಸಲೀಸಾಗಿ ಆಗಿಬಿಡುತ್ತದೆ. ಇಂಥ ಅನೇಕ ನಿದರ್ಶನಗಳನ್ನು ನಾವು ನೋಡಬಹುದು. ಸಾಗುವ ದಾರಿಯಲ್ಲಿ ಕಲ್ಲುಮುಳ್ಳುಗಳು, ಅಡೆತಡೆಗಳು, ಏರಿಳಿತಗಳು ಸಹಜ. ಮುಂದಡಿಯಿಡುವ ಬದಲು ಹಿಂದಡಿಯಿಟ್ಟರೆ ನಾವೇ ಬಿಸಾಕಿದ ಮುಳ್ಳು ನಮಗೇ ಚುಚ್ಚಿಕೊಳ್ಳುತ್ತದೆ. ಎಲ್ಲಕ್ಕಿಂತ ಮುಖ್ಯವಾಗಿ ಹಬ್ಬಹರಿದಿನಗಳನ್ನು, ವಾರಾಂತ್ಯಗಳನ್ನು ಬಂಧುಮಿತ್ರರೊಂದಿಗೆ, ಮಕ್ಕಳು, ತಂದೆತಾಯಿಯರೊಂದಿಗೆ ಕಳೆಯುವ ಸಂಕಲ್ಪ ಮಾಡಿ. ಅಷ್ಟಕ್ಕೂ ಎಲ್ಲವನ್ನು ಮಾಡುವುದು ಒಟ್ಟಿಗೆ ಸೇರಿ, ಸವಿಯಲೆಂದೇ ಅಲ್ಲವೆ?

ಸಿಂಹ : ಗತಕಾಲದ ನೆನಪುಗಳನ್ನು ಮೆಲುಕು ಹಾಕಿ

ಸಿಂಹ : ಗತಕಾಲದ ನೆನಪುಗಳನ್ನು ಮೆಲುಕು ಹಾಕಿ

ಪುರಾತನ ವಸ್ತುಗಳು, ಹಳೆಯ ಸ್ನೇಹ, ಅಚ್ಚಳಿಯದ ಗತಕಾಲದ ನೆನಪುಗಳು, ಮನಃಪಟಲದಿಂದ ಮಾಸಿಹೋಗಿರುವ ಸಂಬಂಧಗಳನ್ನು ಆಗಾಗ ಮೆಲುಕು ಹಾಕಬೇಕಾಗುತ್ತದೆ. ಹಳೆಯ ಆಲ್ಬಂ ನೋಡಿ ಆನಂದಿಸಿದಂತೆ. ವಸ್ತುಗಳು ಹಳೆಯದಾದರೂ ನೆನಪುಗಳು ಎಂದೂ ಮಾಸಲಾರವು. ಚಡ್ಡಿ ಹಾಕಿಕೊಳ್ಳಲು ಕಲಿತಂದಿನಿಂದ ಕಾರು ಕೊಳ್ಳುವತನಕ ಏನೇನಾಗಿದೆ ಒಮ್ಮೆ ಮನನ ಮಾಡಿಕೊಳ್ಳಿ. ಬಿಟ್ಟುಹೋದ ಬಂಧಗಳಿಗೆ ಮುಲಾಮು ಹಚ್ಚಿ, ಬಿರುಕುಬಿಟ್ಟ ಸ್ನೇಹಕ್ಕೆ ತ್ಯಾಪೆ ಹಚ್ಚಿ, ಮನಸ್ಸನ್ನು ಅತ್ಯಂತ ಸಹಜವಾಗಿ ಹರಿಯುವ ನೀರಿನಂತೆ ಹರಿಯಬಿಡಿ. ಅಣೆಕಟ್ಟುಗಳನ್ನು ಕಟ್ಟಿಕೊಂಡಷ್ಟೂ ಪಾಚಿಕಟ್ಟಲು ಆರಂಭವಾಗುತ್ತದೆ. ಅತ್ಯಂತ ನಿರ್ಮಲವಾದ, ಮನಸ್ಸಿನ ಆಪ್ತರಾಗಿದ್ದ ವ್ಯಕ್ತಿಗಳನ್ನು ಸಾಧ್ಯವಾದರೆ ಸಂಪರ್ಕಿಸಿ, ಸಂದರ್ಶಿಸಿ.

ಕನ್ಯಾ : ಗಾಳಿ ಸುದ್ದಿಗಳಿಗೆ ಕಿವಿಯಾಗಬೇಡಿ

ಕನ್ಯಾ : ಗಾಳಿ ಸುದ್ದಿಗಳಿಗೆ ಕಿವಿಯಾಗಬೇಡಿ

ಉದ್ಯೋಗ ಸ್ಥಳದಲ್ಲಿ ಸಲ್ಲದ ಮಾತುಗಳು ಕಿವಿಗೆ ಬೀಳುವುದು ಸಹಜ. ಕೇಳಿದ್ದನ್ನು ಇದ್ದಹಾಗೆ ನಂಬಬೇಡಿ. ವಿಶ್ಲೇಷಣೆ ಮಾಡಿ ನಂತರ ನೀವೇ ನಿರ್ಧಾರಕ್ಕೆ ಬನ್ನಿ. ಕೆಲವು ಗಾಳಿ ಸುದ್ದಿಗಳು ನಂಬಿಕೆಗೆ ಅರ್ಹವಿರುವುದಿಲ್ಲ, ಕೆಲವನ್ನು ಸಾಮರಸ್ಯ ಕದಡಲೆಂದೇ ಹರಿಯಬಿಟ್ಟಿರಲಾಗುತ್ತದೆ. ಎಲ್ಲಕ್ಕಿಂತ ಮುಖ್ಯವಾಗಿ ನಿಮ್ಮ ಉದ್ಯೋಗ, ನಿಮ್ಮ ಭವಿಷ್ಯದೆಡೆ ಗಮನವಿರಲಿ. ವಾತಾವರಣ ಉಸಿರುಗಟ್ಟುವಂತಿದ್ದರೆ ಎದ್ದು ಹೊರಟುಬಿಡಿ, ಹೊರಗಡೆ ಬೇಕಾದಷ್ಟು ವಿಶಾಲ ಜಗತ್ತಿದೆ, ಅವಕಾಶಗಳು ಹೇರಳವಾಗಿರುತ್ತವೆ. ನಿಮ್ಮಲ್ಲಿ ಆತ್ಮವಿಶ್ವಾಸ ಇರಬೇಕಷ್ಟೆ.

ತುಲಾ : ನಿಮ್ಮ ದೇಹವನ್ನು ದಂಡಿಸಿ ಹುರಿಗೊಳಿಸಿ

ತುಲಾ : ನಿಮ್ಮ ದೇಹವನ್ನು ದಂಡಿಸಿ ಹುರಿಗೊಳಿಸಿ

ಕೂತುಕೂತು ಬೆಳೆಸಿದ ಬೊಜ್ಜನ್ನು ಕರಗಿಸುವ ಯೋಜನೆ ರೂಪಿಸಿಕೊಳ್ಳಿ. ತಿಂಗಳಲ್ಲಿ ಇದು ನೀವೇನಾ ಎಂಬಷ್ಟರ ಮಟ್ಟಿಗೆ ನಿಮ್ಮ ದೇಹವನ್ನು ದಂಡಿಸಿ ಹುರಿಗೊಳಿಸಿ. ಸುದೀರ್ಘ ಜೀವನಕ್ಕಾಗಿ ಆರೋಗ್ಯದೆಡೆ ಗಮನವಿರಲಿ. ತಲುಪಬೇಕಾದ ಗುರಿ ಇನ್ನೂ ದೂರವಿದೆ, ಮಾಡಬೇಕಾದ ಸಾಧನೆ ಬೆಟ್ಟದಷ್ಟಿದೆ, ಕಲಿತು ಕಲಿಸುವುದು ಕೂಡ ನಿಮ್ಮ ಜವಾಬ್ದಾರಿಗಳ ಪಟ್ಟಿಯಲ್ಲಿದೆ. ಈ ಎಲ್ಲ ಸಾಧನೆಗೆ ಉದ್ಯೋಗವೇ ತೊಡಕಾದರೆ ಆ ಉದ್ಯೋಗ ಬಿಟ್ಟು ಬೇರೆ ಮಾರ್ಗವಿದ್ದರೆ ಪ್ರಯತ್ನಿಸುವುದರಲ್ಲಿ ಯಾವುದೇ ತಪ್ಪಿಲ್ಲ. ಆದರೆ ಆ ಮಾರ್ಗ ಮಾತ್ರ ಸನ್ಮಾರ್ಗದಿಂದ ಕೂಡಿರಲಿ. ಸಕಲಕಲಾವಲ್ಲಭರೆಂಬ ಬಿರುದಿರುವ ನಿಮಗೆ ಯಾವುದೂ ಕಷ್ಟವಲ್ಲ. ಮನಸ್ಸು ಮಾಡಬೇಕಷ್ಟೆ.

ವೃಶ್ಚಿಕ : ಪ್ರಜ್ಞಾವಂತರಂತೆ ವರ್ತಿಸಲು ಆರಂಭಿಸಿ

ವೃಶ್ಚಿಕ : ಪ್ರಜ್ಞಾವಂತರಂತೆ ವರ್ತಿಸಲು ಆರಂಭಿಸಿ

ಮನದಲ್ಲಿ ಏನೇ ಆತಂಕಗಳು, ಅತೃಪ್ತಿಗಳು, ಅಸಮಾಧಾನಗಳು, ಅಸಂಖ್ಯ ಗೊಂದಲಗಳು ಹುದುಗಿಕೊಂಡಿದ್ದರೆ ಅವರನ್ನು ನೇರವಾಗಿ ಚರ್ಚಿಸಿ ಸಮಸ್ಯೆಗಳಿಗೆ ಪರಿಹಾರ ಹುಡುಕಿಕೊಳ್ಳಿ. ಅಟ್ಟದ ಮೇಲೆ ಕಟ್ಟಿಗೆ ಒಟ್ಟಿದಂತೆ ಒಂದರ ಮೇಲೊಂದು ಸಮಸ್ಯೆಗಳನ್ನು ಹೊರಿಸಿಕೊಳ್ಳುತ್ತಲೇ ಇದ್ದರೆ, ಒಂದು ದಿನ ತಲೆ ಸಿಡಿದು ಹೋಳಾಗುವುದು ಖಚಿತ. ಇಲ್ಲಿ ಯಾರೂ ಒಳ್ಳೆಯವರಲ್ಲ, ಯಾರೂ ಕೆಟ್ಟವರಲ್ಲ. ಪೂರ್ವಗ್ರಹ ಪೀಡಿತರಂದೆ ಯೋಚಿಸುವುದು ಬಿಟ್ಟು ಪ್ರಜ್ಞಾವಂತರಂತೆ ವರ್ತಿಸಲು, ಮಾತಾಡಲು ಆರಂಭಿಸಿ. ಮನಸ್ಸು ತಿಳಿಯಾದಷ್ಟೂ ಸಂಕೋಲೆಗಳು ಕಳಚಲು ಆರಂಭಿಸುತ್ತವೆ. ಮನಸ್ಸು ಮುಕ್ತವಾಗಿರಲಿ ಮತ್ತು ಎಲ್ಲರನ್ನೂ ನಂಬಲು ಆರಂಭಿಸಿ.

ಧನುಸ್ಸು : ನಿನ್ನೆಯಂತೆ ಇಂದಿರುವುದಿಲ್ಲ, ಇಂದಿನಂತೆ ನಾಳೆ ಇರುವುದಿಲ್ಲ

ಧನುಸ್ಸು : ನಿನ್ನೆಯಂತೆ ಇಂದಿರುವುದಿಲ್ಲ, ಇಂದಿನಂತೆ ನಾಳೆ ಇರುವುದಿಲ್ಲ

ನಮ್ಮ ಸುತ್ತಲೇ ನಡೆಯುತ್ತಿರುವ ಕೆಲ ಚಟುವಟಿಕೆಗಳು, ಕೆಲ ಬೆಳವಣಿಗೆಗಳು ಹಲವಾರು ಸೂಚನೆಗಳನ್ನು ನೀಡುತ್ತಿರುತ್ತವೆ. ಅವನ್ನು ಧನಾತ್ಮಕವಾಗಿ ಅಥವಾ ಋಣಾತ್ಮಕವಾಗಿ ಪರಿಗಣಿಸುವ ಕೆಲಸ ನಿಮ್ಮದು. ಹಾಗಂತ, ಆ ಸೂಚನೆಗಳನ್ನೇ ನಂಬಿಕೊಂಡು ಮೈಮರೆಯುವುದು ತರವಲ್ಲ. ನಿಮ್ಮ ಮನಸ್ಸು ಸದಾಕಾಲ ಕರ್ತವ್ಯದೆಡೆಗೆ ತುಡಿಯುತ್ತಿರಲಿ, ಸುತ್ತಲಿನ ಜಗತ್ತಿನಲ್ಲಿ ಏನೇ ವ್ಯಾಪಾರ ನಡೆಯುತ್ತಿರಲಿ. ಮನೋವ್ಯಾಪಾರದಲ್ಲಿ ಮಾತ್ರ ಸ್ಪಷ್ಟತೆ ಇರಲಿ. ಆದರೆ, ಒಂದು ವಿಷಯ ಮನದಲ್ಲಿರಲಿ. ಸಿಕ್ಕ ಅವಕಾಶವನ್ನು ಯಾವುದೇ ಕಾರಣಕ್ಕೂ ಕೈಚೆಲ್ಲಿ ಕೂಡಬೇಡಿ. ನಿನ್ನೆಯಂತೆ ಇಂದಿರುವುದಿಲ್ಲ, ಇಂದಿನಂತೆ ನಾಳೆ ಇರುವುದಿಲ್ಲ. ನಾಳೆ ನಮ್ಮನ್ನೆಂದೂ ಕಾಯುತ್ತಿರುವುದಿಲ್ಲ.

ಮಕರ : ಪ್ರಯೋಗಗಳಿಗೆ, ಅನುಭವಗಳಿಗೆ ತೆರೆದುಕೊಳ್ಳಿ

ಮಕರ : ಪ್ರಯೋಗಗಳಿಗೆ, ಅನುಭವಗಳಿಗೆ ತೆರೆದುಕೊಳ್ಳಿ

ನಮ್ಮ ಜೀವನವನ್ನು ಪ್ರಯೋಗಗಳಿಗೆ, ಅನುಭವಗಳಿಗೆ, ಕಲಿಕೆಗಳಿಗೆ ಆಗಾಗ ಒಡ್ಡಿಕೊಳ್ಳಲೇಬೇಕು. ಅನುಭವದ ಮೂಸೆಯಲ್ಲಿ ನೆಂದಷ್ಟೂ, ಬೆಂದಷ್ಟೂ ನಾವು ಮಾಗುತ್ತೇವೆ. ಕೂತು ತಿಂದರೆ ಕುಡಿಕೆ ಹೊನ್ನು ಸಾಲದು ಎಂಬಂತೆ, ಮೈಮುರಿದು ದುಡಿಯದೆ ಆತ್ಮತೃಪ್ತಿಯಾಗುವುದಿಲ್ಲ. ಎಲ್ಲ ಸಂಕಷ್ಟಗಳಿಗೂ ಅವನೇ ಕಾರಣ ಎಂದು ಅವನನ್ನೇ ಕಾರಣೀಭೂತರನ್ನಾಗಿಸುವುದು ಸರಿಯಲ್ಲ. ಕೈಯಲ್ಲಿ ಪೆನ್ನೇ ಇರಲಿ ಗನ್ನೇ ಇರಲಿ, ಶಾಯಿ ಖಾಲಿಯಾಗುವವರೆಗೆ ಗೀಚುತ್ತಲೇ ಇರಲೇಬೇಕು, ಕಾಡತೂಸೂಗಳು ಮುಗಿಯುವವರೆಗೆ ಮೊರೆಯುತ್ತಲೇ ಇರಬೇಕು. ಆಗ ಎರಡೂ ಆರೋಗ್ಯವಂತವಾಗಿರುತ್ತವೆ.

ಕುಂಭ : ಚೈತ್ರದ ಚಿಗುರೊಡೆಯಲಿ, ಹೊಸ ಕಂಪ ಸೂಸಲಿ

ಕುಂಭ : ಚೈತ್ರದ ಚಿಗುರೊಡೆಯಲಿ, ಹೊಸ ಕಂಪ ಸೂಸಲಿ

ಹೆಗಲಿಗೆ ಜೋಳಿಗೆಯನ್ನು ಹಾಕಿಕೊಂಡು ಮನಸ್ಸು ಬಂದತ್ತ ಹೊರಡಿ. ಹೊಸ ಅನ್ವೇಷಣೆಯ ಉತ್ಸಾಹದೊಂದಿಗೆ ಹೊಸ ಮನ್ವಂತರದೆಡೆಗೆ ಕಾಲು ಸಾಗುತ್ತಿರಲಿ. ಇದರರ್ಥ ಅಬ್ಬೇಪಾರಿಯಂತೆ ತಿರುಗಬೇಕೆಂದೇನೂ ಅಲ್ಲ, ಗುರಿಯಿರಲಿ, ಗುರಿ ತಲುಪುವ ಛಲವಿರಲಿ. ಹೊಸ ವ್ಯಾಪಾರಕ್ಕೆ ಕೈಹಾಕಿ, ಹೊಸ ನೌಕರಿಗೆ ಅರ್ಜಿ ಹಾಕಿ, ಹೊಸ ಬಾಳಿಗೆ ನಾಂದಿ ಹಾಡಿರಿ. ಚೈತ್ರ ಹತ್ತಿರ ಬರುತ್ತಿದೆ, ಎಲ್ಲೆಲ್ಲೂ ಚಿಗುರೊಡೆಯುತ್ತಿದೆ. ನಿಮ್ಮ ಜೀವನದಲ್ಲೂ ಚೈತ್ರದ ಚಿಗುರೊಡೆಯಲಿ, ಹೊಸ ಕಂಪ ಸೂಸಲಿ.

ಮೀನ : ಸಾಹಸಕ್ಕೆ ಕೈಹಾಕಲು ಇದು ತಕ್ಕ ಸಮಯ

ಮೀನ : ಸಾಹಸಕ್ಕೆ ಕೈಹಾಕಲು ಇದು ತಕ್ಕ ಸಮಯ

ಮದುವೆ ಮಾಡಿ ನೋಡು, ಮನೆ ಕಟ್ಟಿ ನೋಡು ಎಂಬ ಗಾದೆಯನ್ನು ಕೇಳಿರುವಿರಾದರೆ, ಕನಸುಗಳಲ್ಲಿ ಅವಿತುಕೊಂಡಿರುವ ಮನೆ ಕೊಳ್ಳುವ ಸಾಹಸಕ್ಕೆ ಕೈಹಾಕಲು ಇದು ತಕ್ಕ ಸಮಯ. ರಿಸ್ಕ್ ತೆಗೆದುಕೊಳ್ಳದೆ ಏನನ್ನೂ ಸಾಧಿಸಲು ಸಾಧ್ಯವಾಗುವುದಿಲ್ಲ. ನಾವು ಶಾಶ್ವತವೆಂದು ಏನು ಅಂದುಕೊಂಡಿರುತ್ತೇವೆಯೋ ಅದು ತಾತ್ಕಾಲಿಕವಾಗಿರುತ್ತದೆ. ಅಲ್ಲಿರುವುದು ನಮ್ಮನೆ ಇಲ್ಲಿರುವುದು ಸುಮ್ಮನೆ. ಕನಸುಗಳಿಗೆ ನೀರೆರೆಯಲು, ನೆಟ್ಟ ಗಿಡ ಮರ ಮಾಡಲು ಇದು ಸರಿಯಾದ ಸಮಯ ಕೂಡ. ಶುಭವಾಗಲಿ.

ಇನ್ನಷ್ಟು ಜ್ಯೋತಿಷ್ಯ ಸುದ್ದಿಗಳುView All

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
The calendars specially designed by astrologer Pandit Anuj K. Shukla shows days when the Moon, Sun, and planets favour particular zodiac sign. Astro Calendar for Aries, Taurus, Gemini, Cancer, Leo, Virgo, Libra, Scorpio, Sagittarius, Capricorn, Aquarius and Pisces.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more