Love Prediction 2023: ಬಹುಬೇಗ ಪ್ರೀತಿ ಅರಳುವ ರಾಶಿಗಳು- ಪ್ರೀತಿಸಿದವರೇ ಆಗುವರಾ ಬಾಳ ಸಂಗಾತಿ?
ಪ್ರೀತಿ ಯಾವಾಗ ಹುಟ್ಟುತ್ತದೆ ಎಂದು ಹೇಳಲಾಗದು. ಇದು ಗೊತ್ತಿಲದೇ ಮನಸ್ಸಿನಲ್ಲಿ ಅರಳುವ ಭಾವನೆ. ಸಾಮಾನ್ಯವಾಗಿ ಯಾರನ್ನಾದರೂ ನೋಡಿದಾಗ, ಅವರ ಸ್ವಭಾವ ಇಷ್ಟವಾದಾಗ ಪ್ರೀತಿ ಹುಟ್ಟುತ್ತದೆ.
ಕೆಲವು ಪುರುಷ ಅಥವಾ ಮಹಿಳೆಯನ್ನು ನೋಡಿದ ತಕ್ಷಣ ನಿಮ್ಮ ಮನಸ್ಸಿನಲ್ಲಿ ಹೂವು ಅರಳುತ್ತದೆ. ನಿಮ್ಮ ತಲೆಯ ಮೇಲೆ ಬಲ್ಬ್ ಬೆಳಗುತ್ತದೆ. ಕೆಲವರಿಗೆ ಗಂಟೆ ಬಾರಿಸುತ್ತದೆ. ಕೆಲವರು ಮೊದಲ ನೋಟದಲ್ಲೇ ಪ್ರೀತಿಯಲ್ಲಿ ಬೀಳುತ್ತಾರೆ. ಇನ್ನೂ ಕೆಲವರು ಸಮಯ ತೆಗೆದುಕೊಂಡು ಪ್ರೀತಿಯಲ್ಲಿ ಬೀಳುತ್ತಾರೆ. ಕೆಲವು ರಾಶಿಯವರಿಗೆ ಪ್ರೀತಿ ಒಳ್ಳೆಯದು. ಇನ್ನೂ ಕೆಲವರಿಗೆ ಒಳ್ಳೆಯದಲ್ಲ. ಜ್ಯೋತಿಷ್ಯಶಾಸ್ತ್ರ ಪ್ರಕಾರ ಯಾವ ರಾಶಿಯವರು ಪ್ರೀತಿಯಲ್ಲಿ ಬೀಳುತ್ತಾರೆ? ಯಾವ ರಾಶಿಯವರ ಪ್ರೀತಿ ಯಶಸ್ಸು ಕಾಣುತ್ತದೆ? ಪ್ರೀತಿಸಿದವರೇ ಆಗುವರಾ ಬಾಳ ಸಂಗಾತಿ? ಎನ್ನುವುದನ್ನು ನೋಡೋಣ.
ಜ್ಯೋತಿಷ್ಯ ಶಾಸ್ತ್ರ ಪ್ರಕಾರ ಪ್ರೀತಿಯಲ್ಲಿ ಬೀಳುವ ರಾಶಿಗಳು ಹೀಗಿವೆ: ವೃಷಭ, ಕರ್ಕಾಟಕ, ಸಿಂಹ, ತುಲಾ, ಮೀನ ರಾಶಿಯವರ ನಡುವೆ ಪ್ರೀತಿ ಕೂಡಿ ಬರುವುದು. ತುಲಾ ರಾಶಿಯಲ್ಲಿ ಶುಕ್ರ ಸ್ಥಿತನಾದರೆ ಪ್ರೀತಿ ಕೂಡಿ ಬರುವುದು ಮತ್ತು ಇತರೆ ರಾಶಿಯವರು ಪ್ರೀತಿಯಲ್ಲಿ ಬೀಳುತ್ತಾರೆಂದು ಪ್ರಣಯ ಜ್ಯೋತಿಷ್ಯ ಹೇಳುತ್ತದೆ.
ಗುರು, ಶುಕ್ರ, ಮಂಗಳ, ಬುಧ ಮತ್ತು ಚಂದ್ರ 5 ಗ್ರಹಗಳು ಯಾವ ರಾಶಿಯವರ ಮೇಲೆ ಬಲವನ್ನು ಹೊಂದಿರುತ್ತವೆ ಆಯಾ ರಾಶಿಯವರ ಪ್ರೀತಿ ಯಶಸ್ವಿಯಾಗುತ್ತದೆ. ಒಂದು ವೇಳೆ ಈ ಗ್ರಹಗಳ ದುರ್ಬಲ ಪ್ರಭಾವವನ್ನು ಬೀರಿದರೆ ಪ್ರೀತಿ ವಿಫಲಗೊಳ್ಳುತ್ತದೆ. ಪ್ರೀತಿಯ ಅರಳುವಿಕೆಯಲ್ಲಿ ಮನಸ್ಸು ಪ್ರಮುಖ ಪಾತ್ರ ವಹಿಸುತ್ತದೆ. ಚಂದ್ರನು ಮನಸ್ಸಿನ ಅಧಿಪತಿ, ದೇಹದ ಅಧಿಪತಿಯಾಗಿದ್ದಾನೆ. ಹೀಗಾಗಿ ಚಂದ್ರ ಗ್ರಹ ಯಾವ ರಾಶಿಯವರ ಮೇಲೆ ಉತ್ತಮ ಬಲವನ್ನು ಹೊಂದಿದ್ದಾನೋ ಆ ರಾಶಿಯವರು ಪ್ರೀತಿಯಲ್ಲಿ ಯಶಸ್ಸನ್ನು ಕಾಣುತ್ತಾರೆ.
ಪ್ರೀತಿಯಲ್ಲಿ ದಿಟ್ಟ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸಹಾಯ ಮಾಡುವ ಮಂಗಳ ಗ್ರಹ ಧೈರ್ಯದ ಅಧಿಪತಿಯಾಗಿದೆ. ಇದು ಪ್ರೀತಿಯನ್ನು ಗೆಲ್ಲಲು ಸಹಾಯ ಮಾಡುತ್ತದೆ. ಶುಕ್ರ ಗ್ರಹ ಮೋಡಿ ಮಾಡುವ ಅಧಿಪತಿ, ಆಕರ್ಷಿಸುವ ಶಕ್ತಿ, ಐಷಾರಾಮಿ, ಸೌಂದರ್ಯ ಮತ್ತು ಪ್ರೀತಿಯನ್ನು ನೀಡುವ ಗ್ರಹವಾಗಿದೆ.
ಯಾರ ಜಾತಕದಲ್ಲಿ ಪ್ರೇಮ ಗ್ರಹಗಳಾದ ಶುಕ್ರ ಮತ್ತು ಮಂಗಳ 5 ನೇ ಮನೆಗೆ ಸಂಪರ್ಕ ಹೊಂದಿದ್ದರೆ ಪ್ರೀತಿ ಅರಳುತ್ತದೆ. ಈ ಗ್ರಹಗಳು ರಾಶಿಯವರ 7ನೇ ಅಧಿಪತಿಯೊಂದಿಗೆ ಸಂಪರ್ಕ ಹೊಂದಿದರೆ ಪ್ರೀತಿಯು ಮದುವೆಯಲ್ಲಿ ಕೊನೆಗೊಳ್ಳುತ್ತದೆ.
ಇಷ್ಟಪಟ್ಟವರನ್ನೇ ಮದುವೆಯಾಗುವಿರೇ?
ಎಲ್ಲರೂ ಮದುವೆಯಾಗುತ್ತಾರೆ. ಆದರೆ ಅವರು ಪ್ರೀತಿಸಿದವರನ್ನೇ ಮದುವೆಯಾಗುತ್ತಾರಾ? ಅಥವಾ ಇಲ್ಲವಾ ಅನ್ನೋದಕ್ಕೂ ಜ್ಯೋತಿಷ್ಯಶಾಸ್ತ್ರದಲ್ಲಿ ಉತ್ತರವಿದೆ. ಜಾತಕದಲ್ಲಿ ಲಗ್ನದ ಪೂರ್ವ ಪುಣ್ಯ ಸ್ಥಾನ ಮುಖ್ಯವಾಗಿದೆ. ಇದು ಮನಸ್ಸು ಮತ್ತು ಬುದ್ಧಿಶಕ್ತಿಯನ್ನು ಪ್ರತಿನಿಧಿಸುತ್ತದೆ.
ಯಾರ ಜಾತಕದಲ್ಲಿ ಬುಧ 5 ಮತ್ತು 7 ನೇ ಮನೆಯನ್ನು ನೋಡುತ್ತಾನೋ ಆಗ ಪ್ರೀತಿ ಅರಳುವ ಸಾಧ್ಯತೆ ಇದ್ದು ಮದುವೆಯಾಗಬಹುದು. ಇದರಿಂದ ಒಬ್ಬರ ವೈವಾಹಿಕ ಜೀವನದ ಬಗ್ಗೆ ಹೇಳಬಹುದು. ರಾಶಿಗಳ ಏಳನೇ ಮನೆ ಅಂದರೆ ಕಳತ್ರ ಮನೆ ವೈವಾಹಿಕ ಜೀವನವನ್ನು ನಿರ್ಧರಿಸುವ ಸ್ಥಳವಾಗಿದೆ. ಐದನೇ ಮನೆ ಪ್ರೀತಿಯನ್ನು ಪ್ರತಿನಿಧಿಸುತ್ತದೆ. ಒಂಬತ್ತನೆಯದು ಧರ್ಮ ಮತ್ತು ಜಾತಿಯನ್ನು ಪ್ರತಿನಿಧಿಸುತ್ತದೆ.
ಒಬ್ಬರ ನಡತೆ, ಆಸೆ, ಪ್ರೇಮ ಇತ್ಯಾದಿಗಳನ್ನು ಈ ಸ್ಥಳದಿಂದ ತಿಳಿಯಬಹುದು. ಒಬ್ಬರ ಜಾತಕದಲ್ಲಿ 2, 5, 7 ಮತ್ತು 11 ನೇ ಭಾವಕತೆಯನ್ನು ಪ್ರತಿನಿಧಿಸುತ್ತದೆ. ಇವರು ಪ್ರೇಮ ವಿವಾಹವಾಗುತ್ತಾರೆ. ಜನ್ಮ ಕುಂಡಲಿಯಲ್ಲಿ 5ನೇ ಅಧಿಪತಿ ಮತ್ತು 7ನೇ ಅಧಿಪತಿ ಸಂಯೋಗ, ಅಥವಾ ಪಂಚಮ ಅಧಿಪತಿ ಐದನೇ ಮನೆಯಲ್ಲಿರುವುದು ಅಥವಾ ಸಪ್ತಮ ಅಧಿಪತಿ ಪಂಚಮ ಅಥವಾ ಪಂಚಮ ಅಧಿಪತಿ ಸಪ್ತಮ ನಕ್ಷತ್ರದಲ್ಲಿದ್ದು, ಸಪ್ತಮ ಅಧಿಪತಿ ಪಂಚಮ ನಕ್ಷತ್ರದಲ್ಲಿ ಇರುವುದು ಪ್ರೇಮ ವಿವಾಹಕ್ಕೆ ಕಾರಣವಾಗುತ್ತದೆ.
ಅದೃಷ್ಟದ ಮನೆ ಒಂಭತ್ತನೇ ಅಧಿಪತಿ ಮತ್ತು ಪಂಚಮ ಅಧಿಪತಿಯ ನಡುವೆ ಸಂಬಂಧವಿದ್ದರೆ ಪ್ರೀತಿ ಅರಳುತ್ತದೆ. ಜಾತಕದಲ್ಲಿ ಚಂದ್ರ ಮತ್ತು ಶುಕ್ರರು ಜಲದೊಂದಿಗೆ ಸಂಯೋಗ ಹೊಂದಿದ್ದರೂ ಪ್ರೇಮ ವಿವಾಹವಾಗುತ್ತದೆ. ಮಹಿಳೆಯ ಜಾತಕದಲ್ಲಿ ಮಂಗಳ ಮತ್ತು ಪುರುಷನ ಜಾತಕದಲ್ಲಿ ಶುಕ್ರ ಒಂದೇ ರಾಶಿಯನ್ನು ನೋಡಿದಾಗ ಪ್ರೀತಿ ಉಂಟಾಗುತ್ತದೆ. ಶನಿಯು ಅವಮಾನ, ಅನುಚಿತ ಪ್ರೀತಿ ಮತ್ತು ವಿಳಂಬವನ್ನು ತರುತ್ತದೆ.
Click it and Unblock the Notifications
Sign in with Google