ಜೂನ್, ಜುಲೈನಲ್ಲಿ ಭೇಟಿ ನೀಡಬಹುದಾದ ಅಹ್ಲಾದಕರ ಪ್ರವಾಸಿ ಸ್ಥಳಗಳು
ನವದೆಹಲಿ, ಜೂನ್ 10: ಬೇಸಿಗೆ ಮುಗಿದು ಇನ್ನೇನು ಮಾನ್ಸೂನ್ ಆಗಮನವಾಗಿದೆ. ಆದರೂ ಶಾಖದ ಅಲೆಯ ಬೇಸಿಗೆ ಅನುಭವ ಇನ್ನೂ ಕಡಿಮೆಯಾಗಿಲ್ಲ. ಈ ನಿಟ್ಟಿನಲ್ಲಿ ಇನ್ನು ಪ್ರವಾಸ ಮಾಡಲು ಉತ್ಸುಕವಾಗಿರುವ ಜನರಿಗೆ ಕೆಲವು ಅತ್ಯುತ್ತಮ ಪ್ರವಾಸ ಅನುಭವದೊಂದಿಗೆ ಧಾರ್ಮಿಕ ಸ್ಥಳ ಭೇಟಿ ಮಾಡುವ ಕೆಲವು ಸ್ಥಳಗಳಿವೆ.
ಹನ್ನೆರಡು ಜ್ಯೋತಿರ್ಲಿಂಗಗಳ ನಡುವೆ ನೆಲೆಸಿರುವ ಕೇದಾರನಾಥ ಅನೇಕರ ಕನಸಿನ ತಾಣವಾಗಿದೆ. ಅಲ್ಲಿನ ಹವಾಮಾನವು ಆಹ್ಲಾದಕರವಾಗಿರುತ್ತದೆ. ಇದು ಸುಡುವ ಶಾಖದ ಅಲೆಗಳಿಂದ ಬೇರೆಯದೇ ಲೋಕಕ್ಕೆ ಕರೆದೊಯ್ಯುತ್ತದೆ. ಹೆಚ್ಚುತ್ತಿರುವ ತಾಪಮಾನದಿಂದಾಗಿ ಹೆಚ್ಚಿನವರು ಎದುರಿಸುತ್ತಿರುವ ಅಸ್ವಸ್ಥತೆಯ ನಡುವೆ ಕೇದಾರನಾಥವು ತನ್ನದೇ ಆದ ಮೋಡಿಮಾಡುವ ಪ್ರವಾಸ ಅನಭವವನ್ನು ನೀಡುತ್ತದೆ.
ಕೇದಾರನಾಥ ದರ್ಶನವು ಆಧ್ಯಾತ್ಮಿಕ ಅನುಭವದ ಜೊತೆಗೆ ನೀವು ಅಹ್ಲಾದಕರ ಹವಾಮಾನವನ್ನು ಅನುಭವಿಸಬಹುದು. ಬೇಸಿಗೆ ಕಾಲದಲ್ಲಿ ಕೇದಾರನಾಥವನ್ನು ಅನ್ವೇಷಿಸುವುದು ಉತ್ತಮ ಪ್ರವಾಸಿ ಆಯ್ಕೆಯಾಗಿರುತ್ತದೆ. ಇದು ಆಧ್ಯಾತ್ಮಿಕತೆ ಮತ್ತು ಸಾಹಸ ಎರಡು ಸೇರಿದ ಪ್ರವಾಸ ಅಣುಭವದ ಮಿಶ್ರಣವನ್ನು ನೀಡುತ್ತದೆ.
ನಿಮ್ಮ ಬೇಸಿಗೆ ರಜೆಯನ್ನು ಕಳೆಯಲು ಮತ್ತೊಂದು ಉತ್ತಮ ಪ್ರವಾಸಿ ಸ್ಥಳವೆಂದರೆ ಸ್ಪಿತಿ ಕಣಿವೆ. ಇಲ್ಲಿ ನೀವು ಚಂದ್ರತಾಲ್, ಸೂರಜ್ ತಾಲ್, ಧನಕರ್ ಮಠ ಮತ್ತು ಕುಂಜುಮ್ ಪಾಸ್ನಂತಹ ಅದ್ಭುತ ದೃಶ್ಯಗಳನ್ನು ವೀಕ್ಷಿಸಬಹುದು. ತಾಪಮಾನವು ಸಾಂದರ್ಭಿಕವಾಗಿ 2 ಡಿಗ್ರಿಗಳಷ್ಟು ಕಡಿಮೆಯಾಗುತ್ತದೆ. ಇದು ನಿಮ್ಮ ಪ್ರವಾಸಕ್ಕೆ ರೋಮಾಂಚಕ ಅನುಭವವನ್ನು ನೀಡುತ್ತದೆ. ಸ್ಪಿತಿ ಕಣಿವೆಯು ತನ್ನ ಮನಮೋಹಕ ಭೂದೃಶ್ಯಗಳು ಮತ್ತು ಪ್ರಕೃತಿಯ ವೈಭವವನ್ನು ಅನುಭವಿಸುವ ಅವಕಾಶದೊಂದಿಗೆ ಕೈಬೀಸಿ ಕರೆಯುತ್ತದೆ.
ನೀವು ಕಾಶ್ಮೀರದ ಸೌಂದರ್ಯವನ್ನು ಇನ್ನೂ ಅನ್ವೇಷಿಸಿಲ್ಲದಿದ್ದರೆ ಈ ಬೇಸಿಗೆಯಲ್ಲಿ ಸೋನಾಮಾರ್ಗ್ ನಿಮಗೆ ಉತ್ತಮ ಆಯ್ಕೆಯಾಗಬಹುದು. ಸೋನಾಮಾರ್ಗ್ಗೆ ಕುಟುಂಬ ಸಹಿತ ಪ್ರವಾಸವನ್ನು ಕೈಗೊಳ್ಳಲು ಜೂನ್ ಸೂಕ್ತ ಸಮಯವಾಗಿದೆ. ಇಲ್ಲಿ ತಾಪಮಾನವು 7-12 ಡಿಗ್ರಿಗಳಷ್ಟಿರುತ್ತದೆ. ಗೊಂಡೊಲಾ ರೈಡ್, ಜೆಫ್ ಸಫಾರಿ, ಪ್ರಸಿದ್ಧ ಟುಲಿಪ್ಸ್ ಗಾರ್ಡನ್ ಮತ್ತು ಆಕರ್ಷಕ ವಸ್ತುಸಂಗ್ರಹಾಲಯಗಳಂತಹ ಇತರ ಆಕರ್ಷಣೆಗಳೊಂದಿಗೆ ಪ್ರಶಾಂತವಾದ ಶಿಕಾರಾ ದೋಣಿ ಸವಾರಿ ನಿಮ್ಮ ಉತ್ಸಾಹವನ್ನು ಉತ್ತೇಜನಗೊಳಿಸುತ್ತದೆ. ಕಾಶ್ಮೀರಿ ಪಾಕ ಪದ್ಧತಿ ಸವಿಯುವುದು ಮತ್ತು ಸೊಗಸಾದ ಪಶ್ಮಿನಾ ಶಾಲುಗಳನ್ನು ಖರೀದಿಸುವುದು ನೀವು ತಪ್ಪಿಸಿಕೊಳ್ಳಬಾರದ ಅನುಭವಗಳಾಗಿವೆ.
ಹಿಮಾಚಲ ಪ್ರದೇಶದ ಕಿನ್ನೌರ್ ಜಿಲ್ಲೆಯ ವಿಭಿನ್ನ ಗ್ರಾಮವಾದ ಕಲ್ಪಾ ನಿಮ್ಮ ಬೇಸಿಗೆ ರಜೆಗೆ ಪರಿಪೂರ್ಣವಾದ ಸ್ವರ್ಗಸ್ಥಳವಾಗಿದೆ. ಸಟ್ಲೆಜ್ ನದಿಯ ದಡದಲ್ಲಿ ನೆಲೆಸಿರುವ ಕಲ್ಪಾ ತನ್ನ ಸುತ್ತಮುತ್ತಲಿನ ಸೌಂದರ್ಯವನ್ನು ಉಣಬಡಿಸುತ್ತದೆ. ತಂಪಾದ ಗಾಳಿ ಮತ್ತು ಗ್ಯಾಸ್ಟ್ರೊನೊಮಿಕ್ ಅನುಭವಗಳು ಈ ಸ್ಥಳವನ್ನು ನಿಜವಾಗಿಯೂ ವಿಶೇಷವಾಗಿಸುತ್ತವೆ. ಗ್ರಾಮವು ಸುಂದರವಾದ ದೇವಾಲಯಗಳು ಮತ್ತು ಮಠಗಳಿಂದ ಕೂಡಿದೆ. ಇದು ಪ್ರಶಾಂತ ಮತ್ತು ಆತ್ಮ-ಹಿತವಾದ ವಾತಾವರಣವನ್ನು ಒದಗಿಸುತ್ತದೆ. ಸೇಬಿನ ತೋಟಗಳು ಮತ್ತು ಆಹ್ಲಾದಕರ ತಾಪಮಾನದ ನಡುವೆ ಕಲ್ಪವನ್ನು ಅನ್ವೇಷಿಸುವುದು ನಿಮ್ಮ ಪ್ರಯಾಣಕ್ಕೆ ಜೀವ ತುಂಬುತ್ತದೆ.
ಹಿಮಾಚಲ ಮತ್ತು ಉತ್ತರಾಖಂಡದ ಆಚೆಗೆ ಸಾಹಸೋದ್ಯಮ, ಈಶಾನ್ಯ ಪ್ರದೇಶವು ಬೇಸಿಗೆಯ ಪ್ರವಾಸಕ್ಕಾಗಿ ಉತ್ತಮ ಆಯ್ಕೆಗಳಾಗಿದೆ. ಅರುಣಾಚಲ ಪ್ರದೇಶದ ತವಾಂಗ್ನಿಂದ 78 ಕಿಮೀ ದೂರದಲ್ಲಿರುವ ಸೆಲಾ ಪಾಸ್ ಪ್ರಕೃತಿಯ ಆಕರ್ಷಣೆಯ ಸ್ಥಳವಾಗಿದೆ. ತವಾಂಗ್ ಮತ್ತು ಸೆಲಾ ಪಾಸ್ ಭವ್ಯವಾದ ದೃಶ್ಯವನ್ನು ನೀಡುತ್ತದೆ. ಸುಂದರವಾದ ಸರೋವರದ ಮೂಲಕ ಟ್ರಯಲ್ ಪಾದಯಾತ್ರೆಗಳು ಮತ್ತು ಪಿಕ್ನಿಕ್ಗಳನ್ನು ಕೈಗೊಳ್ಳುವುದು ತಮ್ಮದೇ ಆದ ವಿಶಿಷ್ಟ ಆಕರ್ಷಣೆಯನ್ನು ಹೊಂದಿರುವ ಅನುಭವಗಳಾಗಿವೆ. ಜೂನ್ನಲ್ಲಿ ತಾಪಮಾನವು ಸುಮಾರು 8 ಡಿಗ್ರಿಗಳಷ್ಟು ಇರುತ್ತದೆ.
ತಂಪಾದ ವಾತಾವರಣವನ್ನು ಸವಿಯ ಬಯಸುವವರಿಗೆ ಡಾರ್ಜಿಲಿಂಗ್ ಬೇಸಿಗೆಯ ರಜಾದಿನಗಳಿಗೆ ಅತ್ಯುತ್ತಮ ಆಯ್ಕೆಯಾಗಿದೆ. ಹಗಲಿನ ತಾಪಮಾನವು 20-21 ಡಿಗ್ರಿ ಇರುತ್ತದೆ, ರಾತ್ರಿಗಳು 12-13 ಡಿಗ್ರಿಗಳಿಗೆ ಆಹ್ಲಾದಕರವಾದ ವಾತವರಣವನ್ನು ತರುತ್ತವೆ. ಕೆಲವು ಪ್ರದೇಶಗಳು ಇನ್ನೂ ತಂಪಾದ ವಾತಾವರಣದ ಅನುಭವವನ್ನು ನೀಡುತ್ತವೆ.
Click it and Unblock the Notifications
Sign in with Google